رؤية اسلاميه متواضعه

الحكمة

2009-11-22T12:20:00.000-08:00

السلام عليكم

مقصره فى حق الرؤيه الاسلاميه وبانب فى نفسي بقالي كتير والله

بس غصب عني موضوعات الرؤيه بتحتاج شغل شويه ووقت

نشوف النهارده بقى هانتكلم عن الحكمه ان شاء الله وهانقول ايه :

يؤتي الحكمة من يشاء ومن يؤت الحكمة فقد اوتي خيرا كثيرا وما يذكر الا اولوا الالباب
سورة البقرة- آية 269

حبيت ابدأ الموضوع بالاية الكريمه دي والى فيها معن جميل اوي لمن يتأملها
مكانة الحكمة

طيب اولا يعنى ايه حكمه :
الحكمة المعرفة الجيده بالأمور وفهمها كما يجب والراي الصائب والمقدره على وضع الأمور في نصابها الصحيح والتحدث بما هو صحيح والعمل به فعلا .

يا ترى اية هي مكانة الحكمه فى القرآن وعند ربنا سبحانه وتعالى وايه اهميتها ؟

شايفين الايه فوق بتقول ايه ؟

بتقول يؤتي الحكمة من يشاء

بتتكلم عن الحكمه على اساس انها هبه وعطيه من الله سبحانه وتعالى
بس شوفوا اتبعت بايه ومن اوتي الحكمه فقد اوتي خيرا كثيرا

طيب وباقي النعم الى ربنا اعطاهالنا ؟؟

شوفوا كده الايه دي

وَمَا أُوتِيتُم مِّن شَيْءٍ فَمَتَاعُ الْحَيَاةِ الدُّنْيَا وَزِينَتُهَا وَمَا عِندَ اللَّهِ خَيْرٌ وَأَبْقَى أَفَلا تَعْقِلُونَ

كل حاجه حلوه ربنا ادهالك من متاع الدنيا وزينتها يبقى دائما صغير لما نقارنه بما هو عند الله

طيب والايه دي

المال والبنون زينة الحياة الدنيا والباقيات الصالحات خير عند ربك ثوابا وخير املا

برضه نفس المعنى تقريبا

طيب والملك والسلطان والعز ؟؟؟

قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شيء قدير

خير قال ربنا انه انه خير بايد ربنا

انما الحكمه ؟

خيرا كثيراااااااا

يؤتي الحكمة من يشاء ومن يؤت الحكمة فقد اوتي خيرا كثيرا وما يذكر الا اولوا الالباب
سورة البقرة- آية 269

بس ايه ؟
وما يذكر الا اولوا الالباب

طيب خلونا نستعرض ورود كلمة الحكمه فى القرآن ونعرف مكانتها اكتر

الحكمه ذكرت فى القران كثيرا ولكن فى الاغلب كان ذكرها مرتبط بحاجتين الانبياء و الكتب السماويه

ولكن فى غير اقتصار عليهم فهو يؤتي الحكمه من يشاء مش الانبياء فقط يعنى

هانشوف ده من خلال الايات

الايه دي على سبيل المثال :

لقد من الله على المؤمنين اذ بعث فيهم رسولا من انفسهم يتلو عليهم اياته ويزكيهم ويعلمهم الكتاب والحكمة وان كانوا من قبل لفي ضلال مبين
سورة آل عمران - آية 164

الحكمه اقترنت بالكتاب ( السماوي )فى القرآن بالظبط 9 مرات ودي مكانه واضحه للحكمه

خلينا نشوف كمان ذكرت الحكمه فين واعتبرت فضل الله تعالى على انبياؤه

لما نتكلم عن داود فى الايتين دول

فهزموهم باذن الله وقتل داود جالوت واتاه الله الملك والحكمة وعلمه مما يشاء البقرة

وشددنا ملكه واتيناه الحكمة وفصل الخطاب سورة ص

وزي ما قرن الحكمه مع الكتاب والنبوه دايما فى الايات الى اتكلمنا عنها
في الايه دي ومع داود قرن بينها و الملك

لا مش الملك بس الملك القوي الشديد الى ربنا قواه فعلا ليصبح ملك عظيم الى هو كان ملك داود عليه السلام

وربنا كمان وهبه ايه بعد الملك القوي الحكمة اصلها حاجه مهمه اوي وكبيره اوي

وفصل الخطاب : الى هو تمييز الكلام الصح من الخطأ والتحكيم بين الناس برضه ياريت نلاحظ المكانه دي لفصل الخطاب

شوفوا كمان الحكمه جائت على لسان عيسى عليه السلام ازاي

ولما جاء عيسى بالبينات قال قد جئتكم بالحكمة ولابين لكم بعض الذي تختلفون فيه فاتقوا الله واطيعون الزخرف

كمان خلينا نشوف كمان الايه دي

ذلك مما اوحى اليك ربك من الحكمة الاسراء

ودي كانت بعد اوامر الاهيه طووويله كلنا يمكن نعرفها بداية من

وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا

وباقي قائمة الأوامر الى وردت فى الايه دي

وختمت الأوامر أو النصائح بانها وحي بالحكمه من الله عز وجل

ودي المكانه الى بتوضع فيها الحكمه دايما من الله

دايما ربنا بيتكلم عن الحكمه على انها هبه عظيمه الشأن يهبها لعباده الصالحين زي الهبه الى ربنا بعتها للقمان

ولقد اتينا لقمان الحكمة ان اشكر لله ومن يشكر فانما يشكر لنفسه ومن كفر فان الله غني حميد لقمان

اغنانا وغناكم الله من فضله ان شاء الله

نسأل الله تعالى ان يرزقنا الحكمه واياكم

واتمنى اكون افدتكم فعلا

وما اكونش طولت عليكم

قصة خلق آدم عليه السلام (عرض باور بوينت للاطفال)

2009-10-03T08:38:00.000-07:00

السلام عليكم

جايبالكم النهارده حاجه خفيفه كده وجميله

هديه مني لولادكم وحبايبكم وعايزه اعرف رايكم كده ايه

عشان اكمل السلسله ولا ايه

هو عرض باور بوينت لقصة خلق آدم عليه السلام

الكتابه مش ليا لاستاذنا عبد الحميد جوده السحار

لكن انا الى عملته داخل باور بوينت واتمنى انه يعجبكم ان شاء الله

انا رفعته على الوصله دي حملوه من هنا

وابقوا قولولي رايكم بقى

مبطلات الصوم

2009-08-30T05:47:00.000-07:00

سلام عليكم
بما اننا فى رمضان وكل سنه وانتم طيبين انا قلت اكتبلكم بعض احكام الصيام الى ممكن تنفعكم ان شاء الله فى رمضان

انا كنت قبل كده اتكلمت عن رمضــــان و الصيـــام

وان شاء الله النهارده نتكلم عن مبطلات الصوم

هانقسم مبطلات الصوم الى قسمين

الاول : وهو ما يبطل الصوم ويوجب القضاء فقط (يعنى يصوم يوم بدل اليوم ده بعد رمضان )
وهو

1-الاكل والشرب عمدا

لان طبعا لو كان ناسي ليس عليه كفاره بيكلم يومه عادي

زي ما قال رسول الله صلى الله عليه وسلم
من أكل ناسيا ، وهو صائم ، فليتم صومه ، فإنما أطعمه الله وسقاه
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 6669خلاصة الدرجة: صحيح

2- القيء عمدا:

لو كان القيء غصب عنه لا يوجب القضاء ولا يبطل الصوم اصلا وبيتم صومه عادي
انما لو كان القيء عمدا يبطل الصوم ويوجب القضاء
لان الرسول عليه الصلاة والسلام قال
من استقاء عامدا فعليه القضاء ومن ذرعه القيء فلا قضاء عليه
الراوي: أبو هريرة المحدث: ابن العربي - المصدر: عارضة الأحوذي - الصفحة أو الرقم: 2/179خلاصة الدرجة: صحيح

3- الحيض والنفاس : ولو حاضت المرأه مثلا قبل الغروب بدقيقه فيبطل صيامها وتعيد اليوم تاني مع باقي ايام الحيض طبعا او النفاس

4- الاستمناء : بشرط يكون الشخص عمد الى ذلك . يعنى استمنى بالقصد وسعى اليه . اما اذا حصل الانزال بدون اي تدخل منه بحلم مثلا او حتى لمجرد النظر فده لا يبطل الصوم ولا يوجب شيء وكذلك المذي لا يبطل الصيام .

5- اي شيء ينزل الجوف عمدا حتى لو لم يكن طعام ده يبطل الصوم ويوجب القضاء

6- من نوى الفطر : حتى لو ما فطرش فعلا لكن نوي انه يفطر كده راح عليه صيام اليوم ده ويجب عليه القضاء لان النيه ركن من اركان الصيام
7- اذا اكل او شرب او جامع ويظن ان المغرب حان او ان الفجر لم يأذن بعد فعليه القضاء عند جمهور العلماء
(الا ان فى بعض الاراء بتقول انه مافيش عليه قضاء كمان وده لو ادخلنا ده تحت بند السهو والخطأ المرفوع عننا )

ثانيا : ما يبطل الصوم ويجب القضاء والكفاره

وحاجه واحده بس الى توجب ده عند جمهور الفقهاء وهو الجماع فى نهار رمضان

وخلينا نقول موقف مع الرسول نفهم منه الموضوع

جاء رجل إلى رسول الله صلى الله عليه وسلم فقال : هلكت ، فقال : ( وما ذاك ) . قال : وقعت بأهلي في رمضان ، قال : ( تجد رقبة ) . قال : لا ، قال : ( فهل تستطيع أن تصوم شهرين متتابعين ) . قال : لا ، قال : ( فتستطيع أن تطعم ستين مسكينا ) . قال : لا ، قال : فجاء رجل من الأنصار بعرق - والعرق المكتل - فيه تمر ، فقال : ( اذهب بهذا فتصدق به ) . قال : أعلى أحوج منا يا رسول الله ؟ والذي بعثك بالحق ، ما بين لابتيها أهل بيت أحوج منا ، ثم قال : ( اذهب فأطعمه أهلك ) .
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 6710خلاصة الدرجة: [صحيح]

دي الروايه بالنص نحكيها بقى بالراحه عشان نفهمها

واحد راح للرسول عليه الصلاة والسلام وقاله الحقنى انا جامعت زوجتي فى رمضان
فقال له الرسول ان يعتق رقبه عبد من العبيد او يصوم شهرين متتابعين او يطعم ستين مسكينا
لكن الرجل قال انه ما يقدرش يعمل كل ده
فالرسول اعطاه عرق بلح ( العرق يعنى 15 صاع والصاع ده مكيال زي الكيلو وكده ما علينا ) قاله اتصدق به

فالرجل قاله مافيش حد فى المدينه كلها افقر مننا
فالرسول ضحك وقاله اطعمه اهل بيتك .

الحديث ده فيه نقط مهمه جدا
اولا: حكم من جامع زوجته فى نهار رمضان هو القضاء والكفاره والكفاره الى هى عتق رقبه او صيام شهرين متتاليين او اطعام ستين مسكينا

ثانيا : سقوط الكفاره عن الشخص الى فعلا مش قادر عليها (الا ان فى بعض الاراء برضه بتخالف الراي ده)

ثالثا : هو ان هل الكفاره تجب على الزوجه كمان ؟
الحقيقه الموضوع فيه الرايين
فى راي بيقول لو كانت الزوجه مجبره فلا عليها كفاره ولكن عليها القضاء وانما لو كانت مختاره ومتعمده هى كمان تجب عليها ايضا القضاء والكفاره

وفى راي تاني بيقول ان مجبره كانت اولا فهما الاثنين عليهم كفاره واحده بيقضيها الزوج وده راي الشافعي واستناده للحديث السابق حيث ا ن الرسول لم يشير الى ان الزوجه كمان عليها كفاره .

ويارب اكون انا كلامي سهل عليكم وما اكونش طولت عليكم وافدتكم فعلا و كل سنه وانتم طيبين وربنا يتم عليكم رمضان بالخير ان شاء الله

والمره الجايه ان شاء الله هانتكلم عن احكام قضاء رمضان

اه وعلى فكره مرجعي فى الموضوع ده هو كتاب فقه السنه للسيد سابق لو حد حب يقرا اكتر

آية الزواج

2009-07-03T10:40:00.000-07:00

فى الحقيقه يا جماعه انا اخترت النهارده اتكلم عن الزواج

مش من الناحيه الشرعي ولا احكامه ولا كل ده انما من جانب مختلف ورؤيه شخصيه زي ما انتم عارفين طريقتى

الزواج ده نظام اجتماعي قننه الشرع
يعنى ايه ؟يعنى اساسا الزواج كان موجود من قبل الاسلام لكن كان فى اخطاء وعادات كتير غلط وجه الاسلام حط قوانين للنظام الاجتماعي ده ونظمه .

طيب بعد اذنكم عايزه اتكلم من خلال الايه دي شويه

ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ان في ذلك لايات لقوم يتفكرون

سورة الروم - سورة 30 - آية 21

معلش ركزوا بقى معايا وتعالوا ناخدها حته حته

ومن آيته ان خلق لكم من انفسكم ازواجا : الايه معتبره فكرة وجود ازواج دي آيه من ايات الله فى خلقه معجزه يعنى (والازواج هنا من الجنسين يعنى )

ازواجا لتسكنوا اليها : شوفوا السبب من وجود الازواج ايه السكنــــى

يعنى ايه سكنى : لما نقول سكن الشيء يعنى استقر مكانه السكنى هنا استقرار واطمئنان وهدوء نفسي

وجعل بينكم مودة ورحمه : هنا بقى الحقيقه انا وقفت قدام الكلمه دي شويه كده شمال ويمين وكلمة جعل خصوصا
بنلاقيها دايما مذكوره فى القرآن مع المسلمات والافعال الالهيه زي وجعلنا الارض مدادا .... مثلا

والايه دي كمان حتى فى اقران بين خلق السموات والارض والازواج على اعتبار ان وجود الازواج منحه الاهيه برضه

فاطر السماوات والارض جعل لكم من انفسكم ازواجا

سورة الشورى - سورة 42 - آية 11

نرجع للايه الاولى بتاعتنا
وجعل بينهم موده ورحمه .... وكانها منحه الاهيه .. الى هى ايه المنحه ؟ الموده والرحمه
يعنى دي موجوده بامر الله بس احنا الى مش بنقدرها ولا بنراعيها ابدا احنا بنهملها جايز بننساها بنبوظها اي حاجه بقى
الموده والرحمه : والله العظيم موده ورحمه مش خناق وعراك ومحاكم وحرب اهليه فى البيوت

وفى نهاية الايه بقى بيقول : ان فى ذلك لايات لقوم يتفكرون

يتفكرون عشان خاطري تتفكرون شويه وتعرفوا يعنى ايه زواج وعشان ايه

وفى ايه تانيه برضه ذكر فيهاالزواج لكن تعالوا نقرا الايه كده وقلولي حاسين ايه من معناها

والله جعل لكم من انفسكم ازواجا وجعل لكم من ازواجكم بنين وحفدة ورزقكم من الطيبات افبالباطل يؤمنون وبنعمت الله هم يكفرون
(5)

سورة النحل - سورة 16 - آية 72

الايه بتعد بعضا من نعم ربنا عليكم الى المفروض نشعر بها بالامتنان لله عز وجل
شايفين عدوا كده

جعل لكم من انفسكم ازواجا

ومش بس كده كمان من ازواجكم رزققكم اولاد

ومن الاولاد احفاد

خلاص بيقيتوا قبيله ؟

طيب ورزقكم بالطيبات كمان عشان تعيشوا وتستمتعوا بحياتكم
وبعد ما ربنا عد لنا جزء من نعمه

الايه بتسالنا بعد كله ده وبتعجب : افبالباطل يؤمنون وبنعمت الله هم يكفرون

شايفين القرآن ازاي بيصور الزواج والازواج كنعمه من نعم ربنا علينا ؟

واحنا من اول ما يقابلنا مشكله فى حياتنا نقعد نردد الاسطوانه اياها بتاعة يجى الى عايز يتجوز يشوف
ما كنا حلوين بلا جواز بلا قرف
وكلمه بيقولها جايز بهزار وجايز بجد
وجايز فى وقت هو فيه مضايقه
اوعى تتجوز يا ابنى خليك كده فى هوى نفسك بلاش وجع قلب ادينى باقول يا ريت الى جرى ما كان
وهى تقول ما تستعجليش يا اختي على الجواز بكره تتجوزي وتقولي ولا يوم من ايام بيت اهلي تروحي تجيبى واحد يتحكم فيكى ويقرفك
لييييييييييه مين بس قال كده
جايز المتجوزين بيقولوا الكلام ده كده هزار جايز جد جايز هما فاشلين فى حياتهم
بس حرام عليهم ومش من حقهم ابدا يسودوا الدنيا فى عين الشباب
عشان فعلا الكلام ده بياثر عليهم وحقيقى بقت مشكلة العنوسه تكاد تكون فى حالات كتير هى عزوف عن الزواج مقنع غير العزوف الصريح كمان ودي مشكله كبيره بيتولد منها مشاكل اكبر وابشع لاتخفى على حد ابدا

الرسول عليه الصلاة والسلام قال :
الدنيا متاع . وخير متاعها المرأه الصالحه .
رواه مسلم عن عبد الله بن عمرو بن العاص

وقال كمان

ثلاث من السعادة ، و ثلاث من الشقاوة ، فمن السعادة : المرأة تراها تعجبك ، و تغيب فتأمنها على نفسها و مالك ، و الدابة تكون وطيئة فلتلحقك بأصحابك ، و الدار تكون واسعة كثيرة المرافق و من الشقاوة المرأة تراها فتسوؤك ، و تحمل لسانها عليك ، و إن غبت عنها لم تأمنها على نفسها و مالك ، و الدابة تكون قطوفا ، فإن ضربتها أتعبتك ، و إن تركتها لم تلحقك بأصحابك ، و الدار تكون ضيقة قليلة المرافق

الراوي: سعد بن أبي وقاص المحدث: الألباني - المصدر: السلسلة الصحيحة - الصفحة أو الرقم: 1047خلاصة الدرجة: حسن

اقروا الحديث ده وحاولوا توصلوا للثلاث حاجات الى فيه او بعضهم واحمدوا ربنا واشكروا فضله ولو لقيتوا نفسكم مش سعداء يبقى المشكله فيكم بقى

ولو ما قدرتوش توصلوا لهم جميعا برضه احمدوا ربنا واشكروا فضله واسعوا فى مناكبها لحد ما ربنا يرزقكم
وربنا يكرمكم جميعا ويوسع عليكم ويرزقكم الازواج الصالحين لو ما كانش عندكم
ويبارك لكم ويصلح ما بين اديكم لو كان عندكم ازواج

شكرا لكم ويارب ما اكونش تقلت عليكم

حكم الشذوذ الجنسي فى الاسلام

2009-06-14T14:43:00.000-07:00

السلام عليكم
فى الحقيقه من فتره دخلت مدونه اخت كريمه اتكلمت عن مشكلة المثليه الجنسيه فى الاناث
او زي ما انا باحب اعبر عنها الشذوذ الجنسي

وفى الحقيقه اهالني ردود الناس الى بعضه قال ان مافيش نص بتحريم السحاق
حتى ان الاخت الكريمه المدونه كمان قالت انها بتقر ان السحاق حرام ولكن مافيش نص بتحريمه

فى الحقيقه انا طبعا حبيت ادور فى الموضوع اكتر وان كنت عارفه فعلا ما ورد فيه لكن برضه للتاكيد وقبل ما اتكلم فيه
واتفضلوا معايا نشوف الى انا وصلت له

اولا وباديء ذي بدئ احنا اساسا محرم علينا النظر لعورات بعض بموجب الحديث ده

لا ينظر الرجل إلى عورة الرجل . ولا المرأة إلى عورة المرأة . ولا يفضي الرجل إلى الرجل في ثوب واحد . ولا تفضي المرأة إلى المرأة في الثوب الواحد . وفي رواية : مكان عورة عرية الرجل وعرية المرأة .
الراوي: أبو سعيد الخدري المحدث: مسلم - المصدر: المسند الصحيح - الصفحة أو الرقم: 338خلاصة الدرجة: صحيح

وده النظر فقط فما بالك اللمس والاستمتاع وما الى ذلك من الافعال المحرمه الى بيتضمنها السحاق او اللواط كمان

النقطه الى بعد كده فى الحقيقه فى آيه فى القرأن تحديدا فى سورة النساء
الى هى الايه دي

وَالَّلاتِي يَأْتِينَ الْفَاحِشَةَ مِن نِّسَائِكُمْ فَاسْتَشْهِدُواْ عَلَيْهِنَّ أَرْبَعَةً مِّنكُمْ فَإِن شَهِدُواْ فَأَمْسِكُوهُنَّ فِي الْبُيُوتِ حَتَّىَ يَتَوَفَّاهُنَّ الْمَوْتُ أَوْ يَجْعَلَ اللَّهُ لَهُنَّ سَبِيلاً

واعقبتها على طول الايه دي

وَاللَّذَانَ يَأْتِيَانِهَا مِنكُمْ فَآذُوهُمَا فَإِن تَابَا وَأَصْلَحَا فَأَعْرِضُواْ عَنْهُمَا إِنَّ اللَّهَ كَانَ تَوَّابًا رَّحِيمًا

والحقيقه انا طول عمري اقرا الايه دي وعندي قناعه شخصيه ان المقصود بها السحاق واللواط لان الايتين حكمهم مختلف ووردت للمؤنث على حده وللمذكر على حده وعليه انا شايفه ان المقصود بها كده

الا ان فى اراء تانيه بتقول ان ده كان حكم تدريجى للزنا

والحقيقه انا باقول اينعم هو كان حكم تدريجى للزنا لكن برضه على اد فهمي انا قلت فى البدايه هنا حرم السحاق وفعل قوم لوط

لانهم اساسا مرفوضين من المجتمع عموما لانهم ضد الفطره ومهما قال دعاة الحريه هايفضل المجتمع نفسه رافض الفكره واي مجتمع على فكره حتى المجتمع الامريكى

فهنا انزل التحريم للسحاق وفعل قوم لوط

واعقبه بعد كده تحريم الزنا كمان بين رجل وامرأه
وقريت راي عجبنى جدا
نشوفه مع بعض

يقول فضيلة الشيخ السيد سابق في كتابه القيم «فقه السنة ج 2» في باب الحدود:
ونرى ان الظاهر ان آيتي النساء 15/16 تتحدثان عن حكم السحاق وفعل قوم لوط وحكمهما يختلف عن حكم الزنى المقرر في سورة النور، والمعنى اي النساء اللاتي يأتين الفاحشة وهي السحاق الذي تفعله المرأة مع المرأة فاستشهدوا عليهن اربعة من رجالكم فإن شهدوا بالواقعة فاحبسوهن في البيوت بأن توضع المرأة وحدها بعيدة عمن كانت تساحقها حتى تموت او يجعل الله لهن سبيلا الى الخروج بالتوبة او الزواج المغني عن المساحقة

بالنسبه لمن ياتون فعل قوم لوط فامره محسوم كما ورد فى الحديث الصحيح

من وجدتموه يعمل عمل قوم لوط فاقتلوا الفاعل والمفعول به

الراوي: - المحدث: الإمام أحمد - المصدر: تنقيح تحقيق التعليق - الصفحة أو الرقم: 3/302خلاصة الدرجة: صحيح

وبالنسبه للسحاق هو حرام لا محاله ولكن لا يقام عليهم الحد ولا عقوبتهم القتل

ولكن ما ننساش ابدا ان القرآن وصف الفعله دي بالفحش
وشوف قال القرأن ايه عن الفحش اعاذنا واعاذكم الله

قل انما حرم ربي الفواحش ما ظهر منها وما بطن والاثم والبغي بغير الحق وان تشركوا بالله ما لم ينزل به سلطانا وان تقولوا على الله ما لا تعلمون
(10)

سورة الأعراف - سورة 7 - آية 33

اعاذنا واعاذكم الله من الفاحشه واهلها

وشوف كمان الايتين دول والى وردوا بعد الآتين الى فاتوا فى سورةالنساء شوف الايه وجمالها بتقول ايه

إِنَّمَا التَّوْبَةُ عَلَى اللَّهِ لِلَّذِينَ يَعْمَلُونَ السُّوءَ بِجَهَالَةٍ ثُمَّ يَتُوبُونَ مِن قَرِيبٍ فَأُولَئِكَ يَتُوبُ اللَّهُ عَلَيْهِمْ وَكَانَ اللَّهُ عَلِيمًا حَكِيمًا
وَلَيْسَتِ التَّوْبَةُ لِلَّذِينَ يَعْمَلُونَ السَّيِّئَاتِ حَتَّى إِذَا حَضَرَ أَحَدَهُمُ الْمَوْتُ قَالَ إِنِّي تُبْتُ الآنَ وَلاَ الَّذِينَ يَمُوتُونَ وَهُمْ كُفَّارٌ أُوْلَئِكَ أَعْتَدْنَا لَهُمْ عَذَابًا أَلِيمًا

بمعنى ان حتى من وقع فى المعصيه له منفذ

لنا التوبه الى الله تعالى ارحم الراحمين نقف على بابه دون كلل او ملل فان فتح بابه كنا اول المقبولين

انا اتكلمت باختصار شديد عن الموضوع لانى مش عايزه ادخل فى كلام كتير

وطبعا العقوبات الى اتكلمنا عليها دي فى حال ان الحالات فرديه انما فى حال شيوع الفاحشه الموضوع بيكون مختلف عشان كده الحكم متروك مفتوح للقاضي

يعنى مثلا فى قوم لوط والى هلكوا جميعا نساءا ورجال ويقال ان كان نسائهم يمارسون السحاق ايضا
فربنا اهلكهم جميعا اعاذنا الله واياكم

وفى النهايه يا اخواني احب ا نبه الى ان الفطره الى ربنا فطرنا عليها ما نقدرش نغيرها ولو غيرناها فى هلاك على المستوى الشخصي والعام كمان وعلى المستويين قصير المدى وبعيد المدى

وارجوكم ناخد بالنا من الاطفال خصوصا فى فترة الطفوله المتاخره لانها فترة تشكل الميول والاتجاهات واي تشوهات فى الفتره دي سواء بالصحبه السيئه للاطفال او بالاعتداء الجنسي بتكون هى السبب فى انحرافات السلوك الجنسي فيما بعد
وكمان يرحمكم الله نعمل زي ما قال بن حنبل اظن :
نفسك .. انم لم تشغلها بالحق شغلتك بالباطل

ونستعين بالصبر والصلاه
والصيام والعباده يا اخواني
واوصيكم ونفسي بتقوى الله
ارجو ان اكون اضفت لكم وافدتكم فعلا

فضل الوضوء

2009-05-30T11:11:00.000-07:00

السلام عليكم

النهارده حبيت اكلمكم عن فرض مهم جدا

وهو الوضوء

الوضوء مرتبط بالصلاه عندنا وكتير بنتكلم عن الصلاه وفضلها وحكمها وحكم تاركها

وان شاء الله لسه هانتكلم هنا عنها كتير

لكن النهارده انا حبيت اعرفكم اد ايه الوضوء ده مهم وجميل ورحمة من ربنا

الوضوء الى هو فرض ما بياخدش دقيقتين

واد ايه له فضل فعلا عظيم

تعالوا كده نشوف الرسول عليه الصلاة والسلام قال عنه ايه:

إذا توضأ العبد المسلم ( أو المؤمن ) فغسل وجهه ، خرج من وجهه كل خطيئة نظر إليها بعينيه مع الماء ( أو مع آخر قطر الماء ) فإذا غسل يديه خرج من يديه كل خطيئة كان بطشتها يداه مع الماء ( أو مع آخر قطر الماء ) فإذا غسل رجليه خرجت كل خطيئة مشتها رجلاه مع الماء ( أو مع آخر قطر الماء ) حتى يخرج نقيا من الذنوب .

الراوي: أبو هريرة المحدث: مسلم - المصدر: المسند الصحيح - الصفحة أو الرقم: 244

خلاصة الدرجة: صحيح

سبحان الله الحديث ده بيقول ان الوضوء مش بس طهاره ونضافه للبدن وانما كمان نظافه من الذنوب اعتقد الواحد لو حس كده وهو بيتوضى انه بيغسل نفسه من الذنوب عمره ما هايكروت الوضوء

نشوف الحديث ده كمان اد ايه جميل

رقيت مع أبي هريرة على ظهر المسجد فتوضأ ، فقال : إني سمعت النبي صلى الله عليه وسلم يقول : إن أمتي يدعون يوم القيامة غرا محجلين من آثار الوضوء ، فمن استطاع منكم أن يطيل غرته فليفعل .

الراوي: أبو هريرة المحدث: البخاري - المصدر: الجامع الصحيح - الصفحة أو الرقم: 136

خلاصة الدرجة: [صحيح]

غر :يعنى مقدمة راسهم بيضاء (غره مقدمة الراس)

محجلين : يعنى قدمهم واسفل ارجلهم بيضاء

بجد الحديث ده انا باحبه جدا له ذكرى معايا جميله بعدين نبقى نرغي فيها

لكن اد ايه المشهد ده الواحد لما بيتخيله بيكون جميل ورائع جدا

حديث كمان

قال رسول الله صلى الله عليه وسلم :

ألا أدلكم على ما يمحو الله به الخطايا ويرفع به الدرجات ؟ " قالوا : بلى . يا رسول الله ! قال " إسباغ الوضوء على المكاره . وكثرة الخطا إلى المساجد . وانتظار الصلاة بعد الصلاة . فذلكم الرباط " .

الراوي: أبو هريرة المحدث: مسلم - المصدر: المسند الصحيح - الصفحة أو الرقم: 251

خلاصة الدرجة: صحيح

اسباغ الوضوء: معناه اكمال الوضوء واتقانه بوصول الماء لجميع اجزاء الوضوء وزياده شويه

على المكاره : بمعنى فى ظل المصاعب (زي المايه البارده مثلا والجو بارد )

فذلكم الرباط : بمعنى ان الى يلتزم بالحاجات الثلاثه دول الى ذكروا فى الحديث كده هو ده نعم جهاد النفس والمداومه على الطاعه .

مفهوم الحديث كده ؟؟

لفت نظري مره وانا كنت بادعبس كالعاده فى موضوع على النت تعليمات وارده من جهه صحيه مختصه بالتنبيه انه فى حالة وجودك فى مكان يحتمل فيه العدوى يعنى اعداد كتيره مثلا او كده وفى حال الامور عاديه حتى

فيفضل انك كل ما يتيسر لك تغسل وشك وايدك ورجلك وراسك الى هى الاعضاء الى باينه منك وانت ماشي فى الشارع على الاقل خمس مرات تجنبا لحدوث عدوى بسبب التجمعات او الاماكن المغلقه

طبعا جهه مالهاش دعوه بالاسلام اساسا ولا كانوا بيجاملونا يعنى

فى الحقيقه مش متخيله الناس الى ما بيصلوش بيعيشوا ازاي من غير وضوء ؟؟!!!

سبحانه كل حاجه فرضت علينا والله لها حكمه

اتمنى اكون افدتكم

وربنا ينفعنا وينفعكم بثواب صالح الاعمال

جوريه بنت الحارث الخزاعيه ....زوجة رسول الله

2009-05-20T06:10:00.000-07:00

أم المؤمنين جويريه بنت الحارث :

وهى جويريه بنت الحارث الخزاعيه المصطلقيه

وكانت بنت سيد قومه وسبيت فى غزوة بنى المصطلق وكانت فى نصيب ثابت بن قيس فكاتبها على نفسها يعنى انها تشترى نفسها

فذهبت للرسول عليه الصلاة والسلام

وتعالو نشوف عائشة هتقول ايه الى حصل: لما قسم رسول الله سبايا بنى المصطلق وقعت جوريه فى سهم ثابت بن قيس أو لابن عم له فكاتبته على نفسها

وكانت امرأه حلوه ملاح لا يراهااحد الا أخذت بنفسه

فاتت رسول الله صلى الله عليه وسلم تستعينه فى كتابتها

فتقول عائشه:فوالله ما هو الا ان رأيتها على باب حجرتى كرهتها وقلت يرى منها ما قد رأيت

فلما دخلت على رسول الله صلى الله علية وسلم: قالت يا رسول الله أنا جويريه بنت الحارث سيد قومه وقد اصابنى من البلاء ما لم يخف عليك وقد كاتبت نفسى فأعنى على كتابتى

قال : أو خير من ذلك أؤدى عنك كتابتك وأتزوجك؟"

فقالت نعم ففعل فبلغ الناس ان الرسول قد تزوجها فقالوا اصهار رسول الله فأرسلوا ما كان بأيديهم من بنى المصطلق فلقد اعتق الله تعالى مائة من أهل بيت بنى المصطلق ما أعلم امرأه أعظم منها على قومها بركه"

سبحان الله كان لكل زوج من زوجات النبى رضى الله عنهم سبب ومغزى يمكن احنا ما نخدش بالنا منه لكن طبعا زواج بأمر الله لا يكون عبثا ابدا فقد جعل الله زواج جويريه سبب فىعتق اهلها والله أعلم بما خفى علينا وعلى عقولنا الضئيله امام عظمة الله.
وكانت جويريه معروف عنها كثرة عبادتها وتسبيحهاوفى حديث حلو أوى عن كده :

عن جويريه رضى الله عنها "أتى رسول على رسول الله وأنا اسبح غدوة ثم انطلق لحاجته ثم رجع قريبا من نصف النهار وأنا اسبح فقال ما زلت قاعده؟ قلت نعم فقال : الا اعلمك كلمات لو عدلت بهن وزنتهن( يعنى لو زنت بهن يزنوا حميع ما سبحتى) وهو سبحان الله عدد خلقه ثلاث مرات وسبحان الله زنة عرشه ثلاث مرات وسبحان الله رضاء نفسه ثلاث مرات سبحان الله مداد كلماته ثلاث

مرات.

يلا بقى قول كده معنا ثلاث مرات عشان ربنا يكرمنا فى القاعده دى.
وقد توفيت جويريه فى سنة سته وخمسين هجريه فى عهد معاويه عن عمر سبعين سنه فى المدينه .
رحمها الله وأسكنها فسيح جناته.

سعيد بن جبير

2009-05-12T11:46:00.000-07:00

السلام عليكم

النهارده يا جماعه هانتكلم على شخصيه مهمه جدا

وهى امام جليل وله مؤلفات ومجهودات رائعه وعظيمه ما نقدرش نوصفها

وهو سعيد بن جبير

سعيد بن جبير كان امام كبير جدا وكان فى عهد الحجاج بن يوسف الثقفي فى العراق

الحجاج كان حاكم ظالم وقاسي

وسعيد بن جبير كان بيتصدى له كثيرا

الى ان جاء يوم قرر الحجاج قتله

وارسل اليه جنوده يدقون بابه فى عنف ....

ففتح الباب، فلما رأى وجوههم قال: حسبنا الله ونعم الوكيل، ماذا تريدون؟

قالوا: الحجاج يريدك الآن.

قال: انتظروا قليلاً، فذهب، واغتسل، وتطيب، وتحنط، ولبس أكفانه

وقال: اللهم يا ذا الركن الذي لا يضام، والعزة التي لا ترام، اكفني شرّه.

فأخذه الحرس،

وفي الطريق كان يقول: لا حول ولا قوة إلا بالله، خسر المبطلون.

ودخل سعيد على الحجاج، وقد جلس مغضباً، يكاد الشرّ يخرج من عينيه.

قال سعيد: السلام على من اتبع الهدى – وهي تحية موسى لفرعون -.

قال الحجاج: ما اسمك؟

قال سعيد: اسمي سعيد بن جبير.

قال الحجاج: بل أنت شقي بن كسير.

قال سعيد: أمي أعلم إذ سمتني.

قال الحجاج: شقيت أنت وشقيت أمك.

قال سعيد: الغيب يعلمه الله.

قال الحجاج: ما رأيك في محمد صلى الله عليه وسلم؟

قال سعيد: نبي الهدى، وإمام الرحمة.

قال الحجاج: ما رأيك في علي؟

قال سعيد: ذهب إلى الله، إمام هدى.

قال الحجاج: ما رأيك فيّ؟

قال سعيد: ظالم، تلقى الله بدماء المسلمين.

قال الحجاج: علي بالذهب والفضة، فأتوا بكيسين من الذهب والفضة،

وأفرغوهما بين يدي سعيد بن جبير .

قال سعيد: ما هذا يا حجاج؟ إن كنت جمعته، لتتقي به من غضب الله، فنعمّا صنعت، وإن كنت جمعته من أموال الفقراء كبراً وعتوّاً، فوالذي نفسي بيده، الفزعة في يوم العرض الأكبر تذهل كل مرضعة عما أرضعت.

قال الحجاج: عليّ بالعود والجارية.

قال سعيد :لا إله إلا الله، ليالٍ حمراء، وموسيقى والهة، والأمة تتلظى على الأرصفة!!.

فطرقت الجارية على العود وأخذت تغني، فسالت دموع سعيد على لحيته وانتحب.

قال الحجاج: مالك، أطربت؟

قال سعيد: لا، ولكني رأيت هذه الجارية سخّرت في غير ما خلقت له، وعودٌ قطع وجعل في المعصية.

قال الحجاج: لماذا لا تضحك كما نضحك؟

قال سعيد: كلما تذكرت يوم يبعثر ما في القبور، ويحصّل ما في الصدور ذهب الضحك.

قال الحجاج: لماذا نضحك نحن إذن؟

قال سعيد: اختلفت القلوب وما استوت.

قال الحجاج: لأبدلنك من الدينار ناراً تلظى.

قال سعيد: لو كان ذلك إليك لعبدتك من دون الله.

قال: الحجاج: لأقتلنك قتلة ما قتلها أحدٌ من الناس، فاختر لنفسك.

قال سعيد: بل اختر لنفسك أنت أي قتلة تشاءها، فوالله لا تقتلني قتلة، إلا قتلك الله بمثلها يوم القيامة.

قال الحجاج: اقتلوه.

قال سعيد: وجهت وجهي للذي فطر السموات والأرض حنيفاً مسلماً وما أنا من المشركين.

قال الحجاج: وجّهوه إلى غير القبلة.

قال سعيد: فأينما تولوا فثمّ وجه الله [البقرة:115].

قال الحجاج: اطرحوا أرضاً.

قال سعيد وهو يتبسم: منها خلقناكم وفيها نعيدكم ومنها نخرجكم تارةً أخرى [طه:55].

قال الحجاج: أتضحك؟

قال سعيد: أضحك من حلم الله عليك، وجرأتك على الله!!.

قال الحجاج: اذبحوه.

قال سعيد: اللهم لا تسلط هذا المجرم على أحد بعدي.

بعد ما قتل الحجاج سعيد ابن جبير واراق دماؤه

ابتلاه الله بمرض عضال كان يأن من الالم ليلا نهارا ولم يغمض له جفن

وكان يقول: والله ما نمت ليلة إلا ورأيت كأني أسبح في أنهار من الدم، وأخذ يقول: مالي وسعيد، مالي وسعيد

الى ان مات هذا الظالم واستجاب الله لدعاء بن جبير ولم يسلطه على احد بعده ابدا

ندعوا الله ان لا يسلط علينا ظالم ابدا

رحمه الله سعيد بن جبير اماما جليلا قويا فى الحق شهيدا

وتحياتي لكم

تعدد الزوجات ... بين مؤيد ومعارض

2009-04-28T11:15:00.000-07:00

تحديث مهم اوي يا جماعه

فى جزئيه فى البوست الى هى رواية ان عائشه وحفصه راحوا قالوا لواحده الرسول خطبها من كنده وقالولها لما يدخل عليكى قولي اعوذ بالله منك

فى الحقيقه انا قلتلكم اكتر من مره ان انا كنت كاتبه موضوعات زوجات الرسول من حوالي 8 سنين وكانوا اول ما بدأت وحيث انى كنت باكتب ساعتها لنفسي

مش بانشر كتابتي فى اي مكان فما كنتش باهتم اوي بذكر مصدر الكلام وعليه مش فاكره بصراحه اي كتاف يهم الى كنت اخدت منه القصه دي

ولكن الاخ احمد عمر قالي وثقيلي القصه

فى الحقيقه دورت لما عنيه اتمققت ولقيت ان الروايه صحيحه لكن الروايه الى وارد فيها قول زوجات الرسول دي سندها ضعيف

وعليه طبعا احقاقا للحق ا نا قلت لازم انبهمكم للموضوع ده

وحتى الاستاذ تامر علي انا جيت لقيته برضه دور وقالي هو كمان فى الردود

لكن احب اعقب بس بكلمتين عن الموضوع

زوجات الرسول دول كانوا بشر

اااااه كانوا فى مكانه خاصه الا انهم كانوا بيخطأوا برضه مش منزهين تماما

عائشه مره قالت لرسول الله : الا تزعم انك رسول الله ؟؟

وزنيب قالتله : أنا افقر يهوديتك ؟

وغيره وغيره مش ملايكه ولا مبعوثين حتى

ووارد ان احدى زوجات الرسول جابت عائشه وقالتلها احنا كان بينا ما كان بين الضرائر فسامحينى واسامحك قبل ما اموت

ايه بقى ؟؟؟

كانوا ضرائر وبيغيروا من بعض وبيكيدوا لبعض

اما بالنسبه لموضوعنا التعدد فانا هاشيل الواقعه دي

لكن ده لا يغير فى الامر من شيء

فاي موقف تاني يعبر عن غيره زوجات الرسول من بعضهم

يثبت وجهة نظري

تحياتي لكم

وصدقونى بافرح لما الاقي حد ورايا

******************************************************************

السلام عليكم

الاسبوع الى فات نزلت موضوع على المدونه الرئيسيه رغي امرأه غير مطحونه واتكلمت فيه بوجه معين عن التعدد

وقلتلكم بعيدا عن نقاش الناحيه الشرعيه

وقلتلكم انى باجهز موضوع للرؤيه عن التعدد فعلا

من فتره طلب مني الباحث عن الحقيقه ربنا يكرمه موضوع عن التعدد وقالي انى فيه لغط كتير فى المواضيع دي الايام دي .

وباقول لصديق الكلام ده قالي اه مش عارف مين عاملين قلق وعايزين يستصدروا قرار بمنع الجواز التاني وكلام من ده
المهم طبعا انا بقى ما كدبتش خبر قلت لا نسرع فى الامر من يومها وانا شغاله بحث فى هذا الموضوع على الصعيد الشرعي يعنى

نبدأ الكلام بقى

انا شايفه ان التعدد فى وجهتي نظر انا احب اناقشهم

الاولى بترفض التعدد وبتتهم الاسلام بالتخلف لاقرار ا لتعدد

وبتحاول تستصدر قوانين لمنعه

او استصدرتها بالفعل فى بعض الدول العربيه

اولا عشان نقدر نحط قاعده لكلامنا

اي حاجه نزل بها نص قرآني واضح وصريح مش من حق اي حد يخالفها

زي بالظبط الدستور اي قانون يصدر يكون مخالف للدستور بيدحض على طول

نفس الحكايه اي قانون وضعي يتعارض مع الشريعه خصوصا فى الاحوال الشخصيه يبقى ما ينفعش طبعا وقانونا غلط

فاكرين لما عمر بن الخطاب لقى ان المهور بتزيد والشباب تعبان مش لاقي جواز قام حدد المهور
فاكرين الست الشجاعه الى راحت قالتله الي راحت راجعته وقالتله مش من حقك تعمل كده ؟؟

وكان رده انه قالها اخطأ عمر واصابت امرأه

يعنى اساسا مش من حقكم تعملوا قانون يتعارض مع الشرع فى امور الزواج

اما بالنسبه لموضوع التعدد والى المجتمع الغربي والمتشبهين به شايفينه نقطه سوده فى القوانين الاسلاميه وعايزين يمسحوها باستيكه

ده لانهم قصاري النظر والعلم والمعرفه
التعدد مش بدعه ولا فكر وعاده استحدثها الاسلام

الاسلام قنن التعدد وعمل له حدود

اولا حدد عدد للتعدد

ثانيا اشترط العدل فى حال التعدد

يعنى عمل له تقييد لانه كان فى الاول العمليه سداح مداح على الاخر

واليهود عندهم تعدد على فكره وما يقدروش ينكروا ده

والنصاري على حسب ما قريت
إن الكنيسة ظلت حتى القرن السابع عشر تعترف بتعدد الزوجات

ويقال والله اعلم انهم ما عندهمش نص تحريمى للتعدد

المهم الى حصل وقت نزول حكم تحديد التعدد بحد اقصى اربعه
(أه بحد اقصى بس )

ده الى حصل فى اكتر من حاله

روى الإمام البخاري – رضي الله عنه – بإسناده أن غيلان الثقفي أسلم وتحته عشر نسوة ، فقال له النبي (صلى الله عليه وسلم) : ( اختر منهن أربعا )

والحكم ده كان للكل طبعا فيما عدا رسول الله صلى الله عليه وسلم

والى برضه نزله امر تحديد مختلف وهو ابقاؤه على نساؤه ولكن مافيش غيرهم خلاص يعنى لو ماتوا كلهم او طلقهم كلهم مالوش غيرهم خلاص

وطبعا بالنسبه لزوجات الرسول وظروف زيجاته منهم اظن انا اتكلمت عنها قبل كده وما زلنا بنكمل زوجه زوجه
المهم يعنى ان التهمه الملصقه الى انتم حاسينها نقطه سوده دي مش بتاعتنا اصلا

ده قانون البشريه من قديم الازل
بالعكس الاسلام حد منها وعملها قوانين وشروط

**********************************

نيجى بقى للفريق التاني الى على النقيض تماما من الاول

الفريق التاني مش بيثنى على فكره التعدد او بيقبلها بس لا

الا انه جنح بقى كمان لاعتباره سنه او فرض او فرض كفايه

ازاي

الفريق التاني ده بقى تسمع منهم كلام زي ده

الاصل فى الاسلام هو التعدد

اصل الآيه قالت : مثنى وثلاث ورباع
ما قالتش مفرد ؟؟؟!!!

طب نشوف الايه دي ومناسبة نزولها وتفسيرها ؟

وَإِنْ خِفْتُمْ أَلاَّ تُقْسِطُواْ فِي الْيَتَامَى فَانكِحُواْ مَا طَابَ لَكُم مِّنَ النِّسَاء مَثْنَى وَثُلاثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ (3)

سأل عروة بن الزبير السيدة عائشة -رضي الله عنها- عن سبب نزول هذه الآية فقالت: (يا بن أختي، هذه اليتيمة تكون في حِجْر وليها تشركه في ماله، ويعجبه مالها وجمالها، فيريد وليها أن يتزوجها بغير أن يقسط في صداقها، فيعطيها مثل ما يعطيها غيره، فنهوا عن أن ينكحوهن إلا أن يقسطوا لهن ويبلغوا لهن أعلى سنتهن في الصداق، فأمروا أن ينكحوا ما طاب لهم من النساء سواهن. [متفق عليه].

بتهيئلي معنى الايه مالوش دعوه خالص يا جماعه بموضوع اصل الجواز والكلام ده
ومافيش حاجه اسمها اصلا

الاصل فى الاسلام التعدد

يعنى ايه ؟؟
يعنى المفروض الواحد لما يجى يتجوز على يطول يبدأ باثنين ولا ايه ؟؟

غير ان الرسول عليه الصلاة والسلام ايام ما كان متزوج خديجه وحتى بعد نزول الرساله فضل متزوج من خديجه وحدها لحد ما توفاها الله

فى ناس بتقولك والله اصل التعدد ده سنه

طيب ازاي بس ؟؟
اذا كان الرسول عليه الصلاة والسلام كان له احكام خاصه اصلا فى موضوع الزواج وعدد الزوجات ده بالذات
وكمان ما ننساش حديث رسول الله

واظن تعدد الزوجات من عدمه ده من امورا لدنيا ولا ايه ؟؟
طيب ما الرسول عليه الصلاة والسلام كان مش بياكل حيوان الضب الى السعوديين بياكلوه؟
ولما سألوه احرام يا رسول الله ؟؟
فقال : لا والله ولكن تعافه نفسي

طيب يعنى الى ياكل الضب يبقى بيخالف السنه ولا ايه ؟؟

طبعا مش معنى ان كان في رخصه للرسول عليه الصلاة والسلام بخصوص عدد زوجاته

احنا بناخد السنه فى امور الدين من فضلكم
وما امر به الرسول نصا :

أنتم أعلم بأمر دنياكم
الراوي: عائشة و أنس بن مالك المحدث: الألباني - المصدر: صحيح الجامع -

حتى انه فى بعض النصوص ويعلم ذلك الدارسين والمتخصصين تكون صيغة الامر فيها مجرد توصيه مش ملزمه يعنى

وفي ناس بتقول التعدد بقى فرض كفايه ؟؟!!

لماذا يا سيدى الفاضل ؟؟

عشان انتشار العنوسه وعدد الرجال بقى اقل من عدد النساء ودى من علامت يوم القيامه ........................ الى اخره من الاسطوانه المحفوظه دي

طبعا انا بحثت فى الموضوع ده ولقيت ان حسب الاحصائيات الرسميه مافيش الكلام ده وما زال الذكور عددهم اكبر من الاناث (وده حسب الاحصائيات والرسميه فعلا مش احصائيات الجرايد واستفتاءات المجلات )

يعنى مش الحل اننا ننادي بالتعدد لان هايبقى لدينا مشكله اخرى هى عنوسه الرجال

انما الحل اننا ننادي الجنسين باعادة النظر فى الحياه وخصوصا ما يتعلق بالزواج وتجهيزاته والافكار المتعلقه بذلك
انا بس الى احب اعرفه فعلا

ليه الناس دول بيدوروا على تبريرات واهيه ؟
مع ان احنا مش محتاجين لها ابدا

ومش عيب ابدا انك تكون عايز تتجوز عشان مزاجك كده
او عشان هوى النفس
ما دام حلال

الشهوه مش حرام ده شيء فطري وجبلنا عليها والاسلام والشرع احترمها ونظمها واتكلم عنها فى القرآن والسنه
يبقى مالوش داعي ننزل فتاوي ما لهاش لازمه

عشان نزين الامر ونحوله من طلب امر من امور الدنيا الى سنه او فرض او ما الى ذلك

لكن طبعا مافيش مانع من اضمار النوايا الحسنه فى كل امر نقوم به حتى لو دنيوي

(زي ما كان الصحابه بيتزوجوا ارامل الشهداء مثلا )

بس كمان مؤكد ما كانوش هايروحوا يتجوزوا ارملة شهيد مش طايقنها يعنى

لكن ده جنب ده عادي

بس ما نطلعش فتاوي على مزاجنا بقى ؟!!؟!!

احنا ما عندناش فى الدين حاجه ابدا تقيد الزواج نفسه
ولا تقيد التعدد
ولا هو حرام ولا عيب التعدد
بالعكس ده نظام جميل جدا وقد يكون حلا لمشاكل معقده جدا
ومافيش اي داعي لانك تبرر

لـــــــــكـــــــــن
انا باخد على المجتمع بتاعنا 3 حاجات فى شان التعدد

اولا : العرف السائد على ان فى الغالب الزواج التاني بيكون فى السر وبدون علم الزوجه
وده مش شرعي طبعا

ثانيا : ان الى ترضى تكون زوجه تانيه المجتمع بيهاجمها وبيعتبرها مذنبه وخربت بيت
وحتى الزوجه الاولى لما بتوافق على ان زوجها يتجوز عليها ما بتسلمش من التريقه والكلام الجارح والتعاطف الجارح كأنها راضيه بوضع مشين مثلا ؟؟!!!

ثالثا : كمان انكار على الزوجه الاولى حقها فى رفض وضع التعدد ده . او انها تخير زوجها ان اردت الزواج بغيري طلقني

مع ان ده من حقها طبعا

وحصل ايام الرسول عليه الصلاة والسلام لما علي حب يتجوز

والرسول عليه الصلاة السلام قال : لا تجمع بين بنت حبيب الله وبنت عدو الله تحت سقف واحد
عارفه كل الاراء الى بتقول اااااااه ده عشان بنت حبيب الله وبنت عدو الله بس

لا طبعا

ده كلام مش صح كل واحد بقى له مبرراته وحر فيها

(واشمعن دلوقتي ده حكم خاص ببنت الرسول والرسول ومش سنه ؟؟؟)

احنا عايزين نعيش فى سلام مش فى حرب ضاريه

وطبيعى ان الزوجه تكون رافضه زواج جوزها من واحده تانيه

الرسول لما حب يخطب ام سلمه
قالتله : ما مثلي لينكح فلا ولد في(كبيره مش هاتخلف يعنى) وأنا غيور وذات عيال .

ولما عرف الرسول عليه الصلاة والسلام قالها: أما ما ذكرت أنك غيورة فسأدعوا الله عز وجل فيذهب غيرتك . واما العيال فالى الله ورسوله .

يعنى لا عنفها ولا قالها ايه تغيرى ده ولا انتى هاتنكري شرع الله ولا اي حاجه

لا بالعكس ترفق بها وقالها هادعي ربنا يذهب غيرتك

يعنى من حق الست تغير وترفض التعدد اهو ؟؟!!!

ارجوكم ما تهملوش حقوق حد
لا تنكروا تعدد الزوجات وتنكروا الحق ده للرجل وتعتبروه وضع اجتماعي مشين لكل الاطراف المشتركه فيه

ولا تنكروا كمان على الزوجات غيرتهم وطبيعتهم ولا حقهم فى انهم يرفضوا اي وضع يكرهوه

عارفه ان كلامي جايز ما يعجبش ناس كتير
لكن ارجوكم مش عايزه مزايدات على القرآن والسنه

ومش عايزه حد يجى يقولي الشيخ فلان قال مع احترامي لكل المشايخ

كل واحد حر في رايه ما دام ما خرجناش عن القرآن والسنه الصحيحه

وده رايي المتواضع جدا لك ان ترفضه او تقبله
بس فى النهايه احترم رايي زي ما باحترم رايك

ياريت احظى بنقاش جميل منكم

ميمونة بنت الحارث (زوجة الرسول عليه الصلاة والسلام )

2009-04-22T03:46:00.000-07:00

ميمونة بنت الحارث رضى الله عنه:

وهى بنت الحارث الهلاليه وعن ابو هريره : ان ميمونه كان اسمها بره ولكن رسول الله سماها ميميونه.

اما امها فكانت هند بنت عوف الحميريه اى كانت(ميمونه يعنى) اخت زوجة الرسول السابقه زينب بنت خزيمه من الام وقد تزوج الرسول ميمونه بعد وفاة اختها زينب بنت خزيمه( ما حدش يقولي انه جمع بين الاختين ركزوا).

وكان يقال عن هند ام ميمونه انها كانت أكرم عجوز فى الارض اصهارا: فكانت ابنتها أسماء زوجة لجعفر ثم ابو بكر ثم على بن ابى طالب وكانت ابنتها سلمى زوجة لحمزه ولبابه الكبرى زوجة العباس بن عبد المطلب ولبابه الصغرى زوج الوليد بن المغيره وكان ابنها منه خالد بن الوليد

دول اخوات ميمونه رضى الله عنها المهم :

تزوج الرسول ميمونه حين نزل مكه معتمرا بعد ما فرغ من غزوة خيبر فوهبت ميمونه نفسها للرسول علية الصلاة والسلام
ونزلت فيها آيه" وامراة مؤمنة ان وهبت نفسها للنبي ان اراد النبي ان يستنكحها خالصة لك من دون المؤمنين"
ثم سارت معه للمدينه ودخلت الى بيت النبى ويقال انها اخر من دخل بها رسول الله

وعن ابن عباس رضى الله عنهما قال : قال رسول الله صلى الله عليه وسلم :الأخوات المؤمنات :ميمونه- زوج النبى رضىالله عنها-وأم الفضل. وسلمى-زوج حمزه-وأسماء بنت عميس اختهن لأمهن"

وقالت عائشه عنها بعد موتها وهى توعظ ابن اختها: ذهبت ميمونه ورمى بحبلك على الغارب الا انها كانت من أتقانا وأوصلنا للرحم"

وقد توفيت ميمونه رضى الله عنها سنة واحد وخمسين هجريه عن عمر ثمانون عام وقد دفنت بسرف حيث البلد التى بنا بها(دخل بها) رسول الله بها بناء على وصيتها

رحمهاالله زوج النبى صلى الله عليى وسلم

هم الجلساء لا يشقى بهم جليسهم

2009-04-01T12:30:00.000-07:00

سلام عليكم يا اخواني الكرام

الحديث ده انا باحبه جدا وهو عن فضل ذكر الله تعالى فى المجالس وحبيتكم تقروه معايا عل لنا من اجره شيئا :

بداية كده خليكوا جدعان واذكروا الله جميعا

لا اله الا اله ولا حول ولا قوة الا بالله

بلسانكم بقى مش بعينكم بس ناخد الثواب كامل

يلا نقرا الحديث

حدثنا قتيبة بن سعيد: حدثنا جرير، عن الأعمش، عن أبي صالح، عن أبي هريرة قال :

قال رسول الله

: { إن لله ملائكة يطوفون في الطرق يلتمسون(يبحثوا عنهم ) أهل الذكر،

فإذا وجدوا قوما يذكرون الله تنادوا : هلمُّوا إلى حاجتكم.

قال : فيحفونهم بأجنحتهم إلى السماء الدنيا،

قال : فيسألهم ربهم، وهو أعلم منهم(والسؤال هنا بلغة التشويق لتعليم الملائكه ان من بنى ادم من يباه به الله الملائكه رغم انهم آدمين لهم حاجاتهم وليسوا مثل الملائكه ) ، ما يقول عبادي ؟

تقول(الملائكه يعنى) : يسبحونك ويكبرونك ويحمدونك ويمجدونك ،

فيقول (رب العالمين) : هل رأوني ؟

فيقولون : لا والله ما رأوك ،

فيقول : وكيف لو رأوني ؟

يقولون : لو رأوك كانوا أشد لك عبادة ، وأشد لك تمجيداً وأكثر لك تسبيحاً ،

يقول : فما يسألونني ؟

يقولون: يسألونك الجنة ،

يقول : وهل رأوها ؟

يقولون : لا والله يا رب ما رأوها ،

يقول : فكيف لو أنهم رأوها ؟

يقولون : لو أنهم رأوها كانوا أشد عليها حرصاً ، وأشد لها طلباً ، وأعظم فيها رغبة ،

قال :فمم يتعوذون ؟

يقولون : من النار ،

يقول : وهل رأوها ؟

يقولون : لا والله يا رب ما رأوها ،

يقول : فكيف لو رأوها ؟

يقولون : لو رأوها كانوا أشد منها فراراً، وأشد لها مخافة،

فيقول : فأشهدكم أني قد غفرت لهم.

يقول ملك من الملائكة : فيهم فلان ليس منهم ، إنما جاء لحاجة .

قال : هم الجلساء لا يشقى بهم جليسهم }

أخرجه مسلم في الذكر والدعاء والتوبة، باب: فضل مجالس الذكر .

الحمد لله تعال الذي اتانا من فضله

واذكروا لله تانى بقى

لا اله الا الله ولاحول ولا قوة الا بالله

صور من حياة الفاروق (الجزء التاني)

2009-03-18T04:51:00.000-07:00

من فتره كنا اتكلمنا عن عمر بن الخطاب وقلنا كذا موقف من حياته فى بوست صور من حياة الفاروق (الجزء الاول )

والنهارده هانكمل ونشوف الجزء التاني ان شاء الله

كان عمر فى جولة من جولاته المعتاده فى الليل ليطمئن على رعيته

وهو ماشى فى أول المدينه سمع صوت أنين امرأه ينبعث من كوخ صغير وعلى بابه رأى رجلا يجلس فسأله عما يحدث فعلم منه ان زوجته هى التى تئن حيث اتاها المخاض وهى غريبه عن المدينه وليس معاه احد يعينها على ذلك

فرجع عمر بيته بسرعه لزوجته أم كلثوم بنت على بن ابى طالب وفاطمه بنت الرسول عليه الصلاة والسلام

فقال لها: هل لك فى مثوبة ساقها الله اليك؟؟؟

فقالت : خيرا ؟؟

فقال لها :امرأه غريبه تمخض وليس معها احد .

قالت: نعم ان شئت

وقام عمر جهز زاد وكل ما تحتاج اليه الوالده دقيق وسمن ومزق ثياب ليلف بها الوليد

وحمل عمر أمير المؤمنين القدر الى هيطبخ فيه الدقيق والسمن وقال لزوجته اتبعينى

(كانوا بيعملوا اكل للوالده كده بدقيق وسمن على ما أعتقد بيسموه ثريد والله أعلم )

وراحوا فعلا لكوخ ودخلت أم كلثوم للسيده تعاونها على أمرها اما بقى عمر عمل ايه امير المؤمنين جلس خارج الكوخ وأوقد النار وجلس يعد الطعام للمرأه التى فى مخاضها تخيلوا؟؟؟؟؟

والزوج طبعا قاعد ينظر اليه ومستغرب من كرم أخلاقه

وظهر صوت أم كلثوم عاليا : يا أمير المؤمنين بشر صاحبك بغلام.....

طبعا الرجل الى واقف جاتله صدمه نفسيه لما عرف انه واقف امام أمير المؤمنين ووسط ذهول الرجل حمل عمر القدر واقترب من بابا الكوخ ونده على زوجته

وقال: خذى القدر يا أم كلثوم وأطعمى الأم وأشبعيها .

وتطعمها أم كلثوم وترد القدر الى عمر فيقدمه للرجل

ويقول له : كل وااشبع فانك قد سهرت طويلا وعانيت كثيرا

ثم ينصرف هو وزوجته بعد ان يقول للرجل:اذا كان صباح الغد فائتنى بالمدينه لآمر لك من بيت المال بما يصلحك ولنفرض للوليد حقه.

وانصرف عمر وزوجته وسط ذهول الرجل لما حدث

****************************************************************

ويحكى على بن ابى طال انه رأى عمر يجرى وراء بعير فسأله الى اين يا امير المؤمنين .

فقال عمر:بعير ند من ابل الصدقه اطلبه.

يقول على : لقد اتعبت الذين سيجيئون بعدك .

فيجيبه عمر : والذى بعث محمد بالحق لو أن عنزا ذهبت بشاطيء الفرات لأخذ بها عمر يوم القيامه.

(عنزه مش بنى ادمين ماشيين يتعكبلوا على بعض ليلا نهارا )

****************************************************************

أمير المؤمنين وخليفة المسلمين فاروق الأمة عمر بن الخطاب رضي الله عنه يتفقد أحوال المسلمين والرعية في حمص ..
وفي جمع غفير يسأل أهل حمص :ما تقولون في سعيد بن عامر؟؟...

وبدأو الناس يقولوا شكواهم

(خلوا بالكم سعيد بن عامر لما سيدنا عمر عرض عليه إمارة حمص رفض )

وقال : (( لا تَفتني يا أمير المؤمنين ))..

ليجيبه عمر : (( والله لا أدعك ... أتضعون أمانتكم وخلافتكم في عنقي ... ثم تتركونني))...؟؟

طلب أمير المؤمنين من أهل حمص أن يعدّدوا شكواهم في سعيد بن عامر ..
تعالوا نشوف بقى الشكاوي الفظيعه فى حق سعيد بن عامر :

يقول احدهم :(( لا يخرج إلينا حتى يتعالى النهار ...... ولا يجيب أحدا بليل ... وله في الشهر يومان لا يخرج فيهما إلينا ولا نراه , وأخرى لا حيلة له فيها ولكنها تضايقنا , وهي أن تأخذه الغشية – أي الإغماء – بين الحين والحين ))..

قلق عمر واستغرب

ودعا الله :(( اللهم إني أعرفه من خير عبادك ... اللهم لا تخيّب فيه فراستي ))...

(ده على اساس ان الراجل يعنى عامل حاجه شنيعه )

وأحضر بسعيد ليدافع عن نفسه أمام عمر أمير المؤمنين

فقال :أما قولهم : (( إني لا أخرج إليهم حتى يتعالى النهار .. فوالله لقد كنت أكره ذكر السبب .. إنه ليس لأهلي خادم , فأنا أعجن العجين , ثم أدعه حتى يختمر , ثم أخبز خبزي , ثم أتوضأ للضحى ثم أخرج إليهم ))...

وأما قولهم : (( لا أجيب أحدا بليل ... فوالله لقد كنت أكره أن أذكر السبب ... إني جعلت النهار لهم , والليل لربي )) ..

وأما قولهم : (( إني لي يومين في الشهر لا أخرج فيهما .. فليس لي خادم يغسل ثوبي , وليس لي ثياب أبدلها , فأنا أغسل ثوبي ثم أنتظر حتى يجفّ بعد حين .. وفي آخر النهار أخرج إليهم ))..

وأما قولهم : (( إن الغشية تأخذني بين الحين والحين .. فقد شهدت مصرع خبيب الأنصاري بمكة , وقد بضَعت قريش لحمه , وحملوه على جزعة , وهم يقولون أتحب محمدا مكانك وأنت سليم معافى ..؟؟
فيجيبهم قائلا :والله ما أحبّ أني في أهلي وولدي , معي عافية الدنيا ونعيمها , ويصاب رسول الله بشوكة ..
فكلما ذكرت ذلك المشهد الذي رأيته , وأنا يومئذ من المشركين , ثم تذكرت تركي نصرة خبيب يومها , ارتجف خوفا من عذاب الله , ويغشاني الذي يغشاني ))...

(شوف العالم المفتريه على الخلق بقى ؟؟؟؟)

وإذ بأمير المؤمنين يستبشر ويضيء وجهه وهو يرى سعيد ودموعه من خشية الله وتقواه
....ويعلم عمر أنه أحسن حين اختار سعيد واليا على حمص فيقبل جبهة سعيد بن عامر الكريمه
ويقول :(( الحمد لله الذي لم يخيّب فراستي ))...

ونتكتفي بهذا القدر عشان ما تزهقوش مني مع ان مواقف عمر الفاروق لا تنتهي ولا بنبشع منها ومن جمال شخصه وعقله وقلبه

رمله بنت ابي سفيان (ام حبيبه )

2009-03-06T16:13:00.000-08:00

رملة بنت ابي سفيان

وهي ام حبيبه

وهى اقرب زوجات الرسول نسبا اليه فقد كانت ابنة عم الرسول عليه الصلاة والسلام وابوها ابو سفيان بن حرب سيد بنى اميه وكبير آل عبد شمس فكانت ذات حسب .

وكانت رمله متزوجه من عبيد الله بن جحش وكان من بعض الرجال الذين لم يكونا يؤمنون بالاصنام ويدعون لعبادة الواحد رب ابراهيم

وتزوجته رمله واسلمت هى وزوجها سافروا الى الحبشه فى الهجره الاولى للمسلمين حيث اشار الرسول على المسلمين الذين اشتد بهم اذاء قريش ىانا يهاجروا الى الحبشه لان بها ملك عادل لا يظلم عنده احد وهى ارض صدق.

وفعلا رحلوا المسلمين وبينهم رمله وزوجها وانجبت رمله من زوجها حبيبه

وهناك تعبت رمله جدا من الغربه وتعب العمل وما زاد من المها هو ارتداد زوجها عبيد الله عن الاسلام واعلانه لنصرانيتة وقد دعاها لذلك وكلنها تمسكت بدينها ورفضت وافترقت عنه ومات هو بعد ذلك وهو على نصرانيته

وظلت ام حبيبه فى الحبشه الى ان جاء اليهم حبر بان السلمين قد اعتز موقفهم وثبت وان الرسول هاجر الى المدينه مع المسلمين وان الانصار بايعوه ان الاسلام قد قوى بعون ربهم فهدت نفوسهم

ثم جاء يوم وطرقت فيه جاريه النجاشى ملك الحبشه باب رمله واعلمتها ان رسول
الله طلبها للزواج ففرحت زمله كثرا وخلعت من يدها سوارين من فضه واهدتهما للجاريه للبشاره وتحقق بذلك رؤيا رمله من ذى قبل فقد رأت فى منامها وكأن هناك
من يناديها بأم المؤمنين
.

وزوجها النجاشى من رسول الله وقد كان وكيلها خالد بن سعيد بن العاص ودفع مهرها النجاشى وجهزت جوارى النجاشى رمله للرحيل محملة بهديا نساء النجاشى ورجعت الى المدينه ومعاها باقى المسلمين بعدما امنوا ايذاء قريش.

ودخلت رمله بيت الرسول وكان ذلك هبة من الله لهابعد ما عانته فى الهجره وفى حياتها وقد فرح الرسول بعودة المهاجرين الى اوطانهم فقد عانق ابن عمه المهاجر الى الحبشه وقال : ما ادرى ؟ بايهما اسر بفتح خيبر أم بقدوم جعفر.

وكان صلى الله عليه وسلم عائد وقتها بجيشه منتصرا على يهود خير . وقد دخلت أم حبيبه بيت الرسول فى نفس الوقت مع صفيه ولكن مع اختلاف كبير فى موقف باقى زوجات الرسول فقد رحبوا برمله ندا لهم ولكنهم انفوا ان يقبلوا صفيه ندا لهم لاصلها اليهودى .

وبعد رجوعها المدينه علم ابوها بذلك وكان من اشد اعداء الرسول لكنه كان يعلم مكانة الرسول ايضا ويحترمه رجلا وفرح بنسبه وقال انه مثل محمد لا يرد له نسب
(رغم عداوتهم للاسلام وقتها الا انه كان عارف ان محمد حد محترم وعالي المقام بصرف النظر عن كونه نبي )
وذهب ابى سفيا لبنته ليراها بعد سنين من الغيبه رغم انه قد امتنع عن ذلك من قبل لما بينه وبني المسلمين من عداوه ولكنه ذهب اليها ليوسطها لدى رسو ل الله ليعفوا عنهم ويطيل مده المهادنه التى اتفقم عليها فى صلح الحديبيه والذى ينص على عدم تعرض اى منهم للأخر ولكنهم نقضوا العهد بعد اعتدائهم على قبيلة خزاعه حليفة المسلمين .

المهم راح فعلا لبنته ولكنه لم يجد منها ترحيب ودخل عليها حجرتها فوجد فى جانب الحجره فراش فهم ان يجلس عليه
ولكنها اسرعت فطوت الفراش فزعل ابوها وسألها ليه

فقالت :هو فراش رسول الله وانت رجل مشرك فلم احب انت تجلس عليه.

فطبعا غضب جدا ابوها وانصرف ولكنها ظلت واجمة باكيه تدعوا الله ان يهدى اباها الى دين الحق وقد حقق الله لها منيتها فقد اسلم اباها بعد فتح مكه وفرحت بذلك فرحا شديدا . دعت لابوها عشان ربنا يهديه وكلمته بالحسنى وهو كافر مش ................... ما علينا.

وحصل حاجه ظريفه من رمله وهى على فراش الموت فقد استرضت عائشه وأم سلمه وكانوا الاثنين عاملين نفسهم قائدتين لزوجات الرسول ولكل واحده فيهم حزبها

فقالت لعائشه:قد كان بيننا ما يكون بين الضرائر افتحلليننى . فحللتها عائشه واستغفرت لها فسرت بذلك ام حبيبه وعملت نفس الموضوع مع ام سلمه

ورحلت عن الحياه فى سنة اربعه واربيعن هجريه ودفنت فى البقيع .

حــــد القـــذف

2009-02-22T04:07:00.000-08:00

اولا نتعرف على معنى كلمة القذف :

اصل كلمة قذف هى الرمي (الرمي بالحجاره مثلا)

والقذف الى هانتكلم عنه النهارده هو القذف بالزنى اعاذنا واعاذكم الله
او الرمي بالزنى
او الصاق تهمة الزنا بشخص

نشوف بقى الحكمه من تحريمه :
طبعا من اهم الاشياء الى بيهتم بها الاسلام اعراض الناس كمحافظه على الكرامه الانسانيه للفرد .
وتحريم القذف واقامه الحد على من وقع فيه يعد عقاب رادع لاصحاب النفوس الضعيفه والذين تسول لهم انفسهم بالغوض فى اعراض الناس واتهامهم بالزنى دون برهان واثبات على ذلك

من هو القاذف :
قلنا الى يتهم حد بدون برهان
وما هو البرهان ؟؟؟ أنا يأتي باربعة شهود على ان الشخص ده زنا

لو لم ياتي باربع شهود فهو قاذف ويقام عليه الحد

نشوف الايه بتقول ايه
بسم الله الرحمن الرحيم
وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلا تَقْبَلُوا لَهُمْ شَهَادَةً أَبَدًا وَأُولَئِكَ هُمُ الْفَاسِقُونَ
إِلاَّ الَّذِينَ تَابُوا مِن بَعْدِ ذَلِكَ وَأَصْلَحُوا فَإِنَّ اللَّهَ غَفُورٌ رَّحِيمٌ . النور 4-5

اظن ا لايه واضحه وصريحه جدا عن عقاب القاذف هو الحد بالجلد 80 جلده واسقاط حقهم المدني فى الشهاده ووصفهم فاسقين .تمام ؟؟؟

لكن كمان مش للابد باقي الايه بتقول ان لو الشخص ده تاب واصلح وحط تحت اصلح عشر خطوط .
مش قال تبت خلاص يبقى تاب لا لازم يتوب ويصلح فتره من الزمن يبقى ماشي تمام وزي الالف ساعتها ممكن القاضي يحكم انه خلاص كده اصلح وتقبل شهادته .

الا ان فى بعض الاراء بتقول بان الاستثناء المذكور فى الايه هو ملحق على الصاق صفة الفسق بالشخص وليس على الشهاده ويقضى هذا الراي بان القاذف لا تقبل شهادته ابدا حتى لو تاب واصلح . وانما تسقط من عليه فقط صفة الفسق

نشوف كمان الايه دي بتقول ايه عن القاذفين
..
إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيمٌ
يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ
يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ ... النور 23-25

الايه زي ما واضح ان الله عز وجل بيلعن القاذفين المحصنت المؤمنات
وما حدش يقولي طيب الى مش مؤمنات بقى انا اقول براحتي لان انت ما تعرفش مين مؤمن ومين لا
وما دام ما عندكش اربع شهود وتقول كلمه واحده على ست تدل على انها زانيه يبقى انت كده قذفتها واصبت كبيره من الكبائر
وطبعا كمان الايه توعدتهم بالعذاب العظيم يوم القيامه

وما ننساش ان تحريم القذف كمان مش بس للحفاظ على حقوق الفرديه لا كمان جريمة القذف من شأنها اشاعة الفاحشه فى المجتمع ككل
تخيلوا ان شخص يصاب من شرفه وهو بريء اظن من خلال الطبيعه البشريه هو ممكن يقتل الشخص اوعلى الاقل يأذيه

نشوف القرآن قال ايه عن اشاعة الفاحشه ؟؟
إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالآخِرَةِ وَاللَّهُ يَعْلَمُ وَأَنتُمْ لا تَعْلَمُونَ
النور 19

وفى السنه النبويه

قال رسول الله صلى الله عليه وسلم : اجتنبوا السبع الموبقات ( أي المهلكات ) ... قالوا وما هن يا رسول الله ؟؟
قال : الشرك بالله ، والسحر ، وقتل النفس التى حرم الله ، وأكل الربا ، واكل مال اليتيم ، والتولي يوم الزحف
(الفرار من القتال )، وقذف المحصنات المؤمنات الغافلات)

ومن الحاجات المهمه الى احب اشير لها ان الايات الى سمعناها فوق دي نزلت بسبب حادث الافك للسيده عائشه وكانت التبرئه بتاعتها من التهمه من عند الله واقيم الحد على من رموا السيده عائشه رضي الله عنها

نتكلم عن حد القذف
وزي ما قلنا هو 80 جلده(عقوبه جسديه ماديه) واسقاط حق الشهاده (عقوبه ادبيه معنويه) واللعن فى الدنيا والاخره( ودي من ربنا )

طبعا القاذف لازم يكون عاقل بالغ وعمل ده باختياره مش مجبور عليه
والمقذوف كمان له شروط
العقل البلوغ الاسلام

الحريه مش عبد يعنى ( الا ان فى حديث بيقول ان من قذف مملوكه بالزنى أقيم عليه الحد يوم القيامه الا ان يكون كما قال ) يعنى له حساب فى الاخره برضه

العفه : يعني لازم يثبت ان المقذوف بريء فعلا من التهمه المنسوبه له من القاذف

والحاجه المهمه اوي الى عايزه اوضحها هنا
هو ايه الكلام الى يعد قذف للمحصنات ؟؟؟
باي كلمه تشير الى ان المقذوف زاني سواء بالتصريح القولي او الكتابه او عباره اخرى تفيد نفس المعنى سواء لغويا او شرعيا او عرفا

وامته يثبت حد القذف على القاذف ؟

الاقرار : الاعترفا من القاذف نفسه انه فعلا قذف

او بشهاده رجلين عدل

طيب الى وقع فى القذف يتوب ازاي :

عشان يتوب طبعا فوق انه يندم ويستغفر ولا يعود للذنب ثانية انه يرجع فى كلامه يكذب نفسه فى الكلام الى قذف به شخص ما .

معلش طولت عليكم

باقي بس كلمه ليا فى الموضوع ده ياريت نفهم الكلام ده كويس ونفرق بين الشتيمه والقذف واذا كان ولا بد يكون لسانك طويل وقليل الادب مافيش داعي تتعرض لشرف الناس
من فتره قريبه شوفت صوره لسياسيه
(جايز تكون خاينه وجايز تكون سفاحه واي حاجه تقولها قولها) لكن ليه تكتبوا على الصوره كلمه تسب شرفها ؟؟؟؟

من وجهة نظري المتواضعه ده قذف وسب شرف
اه هى مش مسلمه واه شرط اقامة الحد انك تكون قذفت واحده مسلمه الا ان ده مش معناه انك ما سبتهاش فى شرفها وان اكيد لها حق عندك هاتاخده يوم القيامه
زي ما وضح الرسول عليه الصلاة والسلام ان العبد جايز مالوش حق عندك فى الدنيا انما لو له فى الاخر حق هياخده .
وكتير ما اسمع حد بيتكلم عن مغنيه ولا اي حاجه ويسب فى شرفها لييييييييييييه ؟؟؟

ارجوكم بلاش الشرف بلاش اعراض الناس واعرفوا ان الحدود دي ما هى الى عقوبات اجتماعيه دونياويه لو ما اتبعهاش توبه وندم واستغفار لنا عقاب تاني خالص فى الاخره

طبعا حاليا مافيش حدود بتتطبق لكن ينفذ الحق بيد الحق فى دار الحق ان شاء الله

شكرا لكم واسفه تاني لانى طولت
نفعنا الله واياكم بصالح الاعمال

من يشري نفسه ..... صهيب بن الرومي

2009-02-05T06:14:00.000-08:00

النهارده يا جماعه نتكلم عن ايه فى القرآن الكريم يمكن نعدي عليها وما ناخدش بالنا زي ما انا عملت فعلا ولكن عرفت ان لها معنى عظيم اوي زي باقي القرآن ولها مناسبه وقصه وانا ما كنتش اعرفها الا من كام شهر كده .

والايه بتقول :

بسم الله الرحمن الرحيم

ومن الناس من يشري نفسه ابتغاء مرضات الله والله رؤوف بالعباد

صدق الله العظيم

نعرف قصة الايه الاول

وهى نزلت فى صهيب بن الرومي . وهو ما كانش من اهل مكه الاصليين وانما هو راح مكه وهو فقير جدا وعاش فيها واشتغل وبقى ذو مال وعزوه

فلما جت الهجره مسكوه سادة قريش ومنعوه من الهجره

وقالوا : ياصهيب جئتنا صعلوكاً لاتملك شيئاً، وأنت اليوم ذو مال كثير!

فقال لهم رضي الله عنه: أرأيتم إن دللتكم على مالي هل تخلون سبيلي؟

قالوا : نعم .

وفعلا صهيب اداهم كل ممتلاكته وماله وترك كل شيء ومشي وهو مش ندمان ولا زعلان ولا خايف

لانه هجرته كانت لله ورسوله

ولما وصل المدينة دخل على رسول الله صلى الله عليه وسلم ،

فقال له عليه الصلاة والسلام : "ربح البيع أبا يحيى ربح البيع "

فعلا ربح البيع

كل واحد فينا يحط نفسه مكان صهيب ويشوف ايمانه فعلا ممكن يوصله لانه يسيب كل ما يملك بعد سنين شقا وبدايه من الصفر عشان ينصر دينه ولله ورسوله فقط ؟؟؟

و لاي حد بيتلكك ومش عايز يترك سبب المعصيه او مسببتها وظروفها بانه ما يقدرش وعليه هو هايفضل فى عنده استعداد كامل للمزاولة المعاصي

وواخدين باكلم من الايه ؟؟؟

فى الاخر بعد ما تختار ربك وطريق ربك وتسيب كل حاجه فى الاخر قال ايه ؟؟؟

والله رؤوف بالعباد

ونعم بالله تعالى

ربنا مش هايسبنا لما نختاره

يمكن نتعب بس اكيد هو ده طريق الراحه الحقيقه مش العكس

دايما اقول انجو بنفسك انجو بدينك ومش مهم اي حاجه تانيه لكن برضه بالعقل مش بالرعونه

رضي الله عنه وارضاه صهيب بن الرومي ونفعنا واياكم بصالح الاعمال

صفيه بت حيي بن الاخطب

2009-01-25T10:19:00.000-08:00

السيدة صفيه بنت حيي:

كانت السيدة صفيه ذات نسب فقد كانت بنت حيي ابن اخطب سيد بنى النضير من اليهود وينتهى نسبها الى نبى الله هارون0

وقد تزوجت قبل اسلامها مرتين وقتل زوجها الثانى كنانه فى موقعه خيبر وكانت من اسرى المعركه ولما قسمت السبايا(الاسرى) سارت فى نصيب دحيه الكلبى فقيل للنبى صلى الله عليه وسلم عنها انها ذات نسب واصل وجمال وكان اجدى ان تكون له طبعا اعلاء لشأن الرسول وكمان عشان كمان هى زى ما بنقول بنت عز ما تتبهدلش يعنى المهم خدها الرسول فعلا وعوض دحيه الكلبى عنها بمال او اشتراها يعنى 0

طبعا احب انوه هنا ان فى ناس كده مخها على ادها بتقول ان الرسول عليه الصلاة والسلام شافها عند دحيه الكلبي وطمع فيها وخادها لنفسه .

طبعا الحكايه عمرها ما كانت سداح مداح كده . اولا كان المفروض الجواري حتى لما واحد يشتري جاريه او ياخدها غنيمه فى حرب كانت لازم يسيبها فى بيته شهر او لحد ما تحيض قبل ما يمسها .

وهنا الرسول عليه الصلاة والسلام اشترى صفيه من دحيه الكلبي عن رضا منه مش غصب عنه ولا حاجه .

وأعتقها الرسول وتزوجها وخيرها بين الاسلام واليهوديه

فقالت: يا رسول الله لقد هويت الاسلام وصدقت بك قبل ان تدعونى الى ذلك

0فأعتقها رسول الله وكان عتقها هو مهرها.

وعلى فكره صفيه كانت حلمت حلم قبل ما كنانه جوزها يموت بشاره بالرسول عليه الصلاة والسلام سبحان الله

حلمت ايه بقى:رأيت فى المنام قمرا أقبل من ناحية المدينة حتى وقع فى حجرى.

ولما حكت لزوجها كنانه غضب جدا وقال لها: ما هذا الا انك تتمنين ملك الحجاز :محمد.

وصفعها صفعه قويه على وجهها تركت اثر واضح بعد كده حتى ان الرسول سألها عن سببها وحكت له القصه.

وكان الرسول عليه الصلاة والسلام دايما يدافع عن صفيه مره دخل عليهاووجدها تبكى فسألها عن السبب فقالت: قالت لى حفصه انى بنت يهودى.

شوف بقى رد الرسول عليه الصلاة والسلام عليها

قال:انك لابنة نبي(يقصد هارون)وعمك نبي (موسى) وانك لتحت نبى(اى زوجة نبى) ففيما تفخر عليك ثم قال اتق الله يا حفصه.

شفت اد ايه شفقه الرسول وكياسته ولباقته وحسن تصرفه وذوقه

وفى قصة برضه حصلت مع صفيه تظهر اد ايه الرسول كان بيحاول دايما يبرز بيها انه ما يفرقش بين زوجاته ولا فضل لأعربى على اعجمى الا بالتقوى يعنى هى كانت يهوديه اه لكن اسلمت خلاص يبقى مش نعايرها كل شويه بانها كانت على غير ديننا حصل ايه بقى:

كانوا زوجات الرسول طالعين للحج مع الرسول عليه الصلاة والسلام وفى الطريق برك جمل صفيه بنت حيي وبكت وجاء الرسول حين أخبروه ومسح بيده دموعها وامر الناس فنزلوا فى المكان عسكروا فيه يعنى ولما جاء وقت الرحيل

قال الرسول لزينب وكانت أكثرهن ظهرا( جمال يعنى) : افقرى(أى اعيرى) ا ختك جملا . فقالت : انا أفقر يهوديتك؟

فغضب منها الرسول جدا وقاطعا طوال الحج ومن بعد الحج شهرين كمان ولم يذهب اليها ولا يقسم لها ابدا وبعد كده لما دخل عليها فضلت تسترضيه وأهدته جاريه عشان يصفح عنها واخيرا صفح عنها بعد مقاطعه كبيره رغم مكانة زينب من قلب الرسول زى ما عرفنا .

وفى قصه عجبتنى اوى اوى حصلت مع صفيه كان الرسول عليه الصلاة والسلام معتكف فى الغار وذهبت اليه صفيه لتكلمه وظلت ساعه ولما جت تخرج خرج معاها الرسول يوصلها لخارج الغار فكان فى اثنين من المسلمين مارين

فقال الرسول عليه الصلاة والسلام: على رسلكما انها صفيه بنت حيي.فقالا سبحان الله يا رسول الله فقال الرسول (ان الشيطان يجرى من ابن ادم مجرى الدم وانى خشيت ان يقذف فى قلوبكما شرا)

يا سلام القصه دى فيها معانى جميله اوى تعالى ناخدها واحده واحده

اولا ان صفيه كانت عند الرسول اثناء اعتكافه عادى يعنى مش عشان بيعبد ربنا يبقى نعض الى يجى نحيتنا زى ما بعضنا بيتخيل

ثانيا انه قام عليه الصلاة والسلام يوصلها لباب الغار مش قالها يلا فرقينا لا فى ذوق وأدب وترفق .

ثالثا بقى وده مهم أوى وهو ان الرسول عليه الصلاة والسام اتقى الشبهات يعنى فسر موقفه فورا للناس

مش قال بقى ده أنا الرسول بقى ماحدش ممكن يظن فى غلط وكمان وضح ليه هو قال كده مش عشان بقى هو مش واثق من نفسه ولا مثلا ظانن شر فى نية الى شافوه لا قال ان عارف ان الشيطان زى ما احنا بنقول شاطر وممكن يأثر على تفكيرهم وهو بكده سد باب فى وجه الشيطان

انما احنا بق ولله الحمد نلاقي واحده مثلا واقفه ساعه مثلا بتكلم واحد فى الجامعه وبعدين تقولك: ايه ده فلان ابن خلتى ولا ده جارنا ومتربيين مع بعض من واحنا فى كى جى وان

يا سلام طبعا ده مش مبرر ابدا انك تقفى تتكلمى معاه فى الشارع وبعد كده تقولى (انا طالما واثقه من نفسى ومش باعمل حاجه غلط ما يهمنيش الناس ) يا سلام وسد ابواب الشيطان ما جاتش على بالك
مش معنى كده انها لما تقابل حد تعرفه فى الشارع وجه يكلمها تخبطه بونيه لا طبعا لكن كمان ما نستهبلش .

وطبعا نفس الكلام باقوله للشباب مش البنات بس لكن الولد بقى رده بيبقى ساعات يفرس زى مثلا :

وأنا ما لى هى الى واقفه تتكلم هى حره وكأن الموضوع يخصها لواحدها انما هو ما يمسوش حاجه ليه مش عارفه

أو مثلا الرد التالى الى برضه يفرس ايه المشكله يعنى لما تقف معايا تكلمنى هو انا هاكلها ايه التخلف ده .
طب اسأله كده لو هو شاف اخته واقفه تكلم واحد ساعه ولا اكتر ولا اقل ساعتها هيبقى برضه ده موقفه طبعا لا اقل ما فى هيابادر بسؤال فى ريبه مين ده وليه وعشان ايه......... وده لو هو بارد يعنى.

ولما نقول كده يقولك مش كل الناس زى بعضها نفسى أعرف ازاى يعنى بس مش عارفه ولا فاهمه ايه مبادئهم.
احنا رغينا كتير وخرجنا عن الموضوع متأسفه .

المهم عاشت صفيه تقيه وارعه بعد وفاة النبى صلى الله عليه وسلم وماتت فى عهد معاويه سنة خمسين هجريه رضى الله عنها وأرضاها.

صور من حياة الفاروق (الجزء الاول)

2009-01-05T16:10:00.000-08:00

السلام عليكم

حبيت يا جماعه النهارده نتكلم عن شخصيه اناباحبها اوي اوي واكيد كلكم بتحبوها طبعا

عمر بن الخطاب خليفة رسول الله ثاني الخلفاء الراشدين وامير المؤمنين والفاروق الذي فرق بين الحق والباطل

وحجة الله على حكام الارض .

شخصيه تستحق الدراسه وسيره لازم نقراها يا جماعه

طبعا لما حبيت اكتب عن عمر ما قدرتش ابدااااا اقرا عنه كل حاجه ولا اكتب عنه كل حاجه والا كان الواحد حضر ماجيستير فيه بقى .

لكن انا جمعت لكم مجموعه مواقف عمريه هانشوفها مع بعض على جزئين عشان ما تزهقوش مني

يلا نبدأ :

خرج عمر الى السوق يوما كعادته فى تفقد بلاده فيرى ابلا سمانا(جمال سمينه) تمتاز عن بقية الأبل بنموها وامتلائها فيسأل : ابل من هذه؟

قالوا :ابل عبد الله بن عمر

فانتفض عمر وقال؟:بد الله بن عمر بخ بخ يا بن أمير المؤنين؟

وارسل فى طلب عبد الله
وقال له: لمن هذه الابل يا عبد الله ؟؟

فأجابه:انها ابل هزيله اشتريتها بمالى وبعثت بها الى الحمى اى المرعى أتاجر فيها وأبتغي ما يبتغي المسلمون.

رد عمر فى تهكم شديد ونقض لابنه: ويقول الناس حين يرونها ارعوا ابل ابن امير المؤمنين اسقوا ابل بن أمير المؤمنين وهكذا تسمن ابلك ويربوا ربحك يا بن امير المؤمنين .

ثم صاح به : يا عبد الله خذ رأس مالك الذى دفعته فى هذه الابل واجعل الربح فى بيت مال المسلمين
(اه كان عمر عامل مرعي عام . بيتصرف عليه من بيت المال مكان مزروع الناس ياخدوا مواشيهم ويروحوا يرعوا فيه مجانا خدمه عامه يعنى فى وسط الصحراء ) ولا عزاء على وادي النيل
وما كانش ابنه رجل الاعمال الاول في دولة كومبونجوا ولا حاجه .

يروي عبد الرحمن بن عوف انه كان قد قدم الى المدينه قافلة تجار وخيموا عد مشارفها فقام عمر ليلا واصطحب عبد الرحمن بن عوف الى القافله ليتفقد احوالها فوجد اهلها نائمين فجلسا قريبا منها
وقال: فلنمض بقية الليل هنا نحرس ضيوفنا ...
وهما جالسان سمع عمر بكاء طفل فصمت وانتبه وانتظر ان يكف الطفل عن بكاؤوه ولكنه زاد فمضى يسرع نحوه واقترب وسمع امه تنهنه فقال:لها اتقى الله وأحسنى الى صيبك..

ثم عاد وعاود الصبى البكاء فذهب مهرولا وقال :لت لك احسنى الى صبيك

ولما عاد وسمع صوت بكاء الطفل فرجع وقال لها : ويحك انى لأراك أم سوء ما لصبيك لا يقر له قرار..

قالت وهى لا تعرف من تخاطب: يا عبد الله قد اضجرتنى انه احمله على الفطام فيأبى..

فسألها عمر: ولم تحملينه على الفطام ؟
قالت : لأن عمر لا يفرض الا للفطيم
فقال وانفاسه تتلاحق : وكم له من العمر؟

قالت : بضعة اشهر قال:ويحك لا تعجليه

ويقول عبد الرحمن بن عوف انه صلى بنا الفجر يوم ئذ وما يستبين الناس قراءته من غلبة البكاء
فلما سلم قال يا بؤساء لعمر كم قتل من أولاد المسلمين؟؟؟

ثم امر منادى ينادى فى المدينه لا تعجلوا صبيانكم على الفطام فانا نفرض من بيت المال لكل مولود فى الاسلام.وكان يفرض عطاء لكل طفل جديد فى الاسلام من بيت المال وكبت بقراره هذا لجميع ولاته فى الامصار
مش قادره اعلق على القصه دي من كتر الاطفال الى شوفتهم بيموتوا
لكن ممكن اقولكم فى واحده من سنتين رمت ابنها من الدور الرابع فى مجمع التحرير عشان ما لقيتش اكل تأكله والملاجيء قالولها ارميه فى الشارع واحنا ناخده رمتهولهم من الدور الرابع .
حسبنا الله

يقول الاحنف بن القيس:
كنت مع عمر بن الخطاب فلقيه رجل فقال: يا امير المؤمنين انطلق معي فاعدنى(انصرني عيه )على فلان فقد ظلمني .
فرفع عمر درته (عصايه خشب خفيفه اشتهر بها عمر) فخفق بها راس الرجل
وقال له تدعون امير المؤمنين وهو معرض لكم مقبل عليكم حتى اذا شغل بأمر من أمور المسلمين اتيتموه : أعدنى أعدنى (يعنى من الاخر انتم كل حاجه بقى تقولوا يا امير المؤمنين )
فانصرف الرجل غضبان أسفا فقال عمر : على بالرجل.(هاتوه)

فلما عاد ناوله مخفقته وقال له :خذ وافتقص لنفسك منى

فقال الرجل :لا والله ولكنى ادعها لله
وانصرف وعدت مع عمر الى بيته فصلى ركعتين ثم جلس يحاسب نفسه
ويقول:
ابن الخطاب ؟ كنت وضيعا فرفعك الله وكنت ضالا فهداك الله وكنت ذليلا فأعزك الله ثم حملك على رقاب الناس فجاءك رجل يستعديك فضربته فما ذا تقول لربك غدا اذا أتيته؟؟؟
اااااااااه يا عينى علينا يا غلابه
ونختم بقى بالقصه الخفيفه دي عشان ما تعيطوش مني

مره لقى ست عجوزه ماشيه تحمل شيء ثقيل فحمله عنها بعض الطريق وفى النهايه قالت له العجوز :أثابك الله خيرا يا بنى انك لاحق بالخلافة من عمر ..... فيضحك عمر ملء نفسه طبعا
اتمنى ما اكونش طولت عليكم وان شاء الله عندي شويه قصص تانيه حلوه لعمر هانعملها على جزء او اثنين لما نشوف ربنا يسهل
وشكرا لحسن استماعكم
ودعواتكم لنا وللمسلمين اجمع

الطلاق

2008-12-23T02:42:00.000-08:00

الطلاق

من عدة ايام تابعت برنامج على احدى القنوات الفضائيه يتحدث عن الطلاق فى المسحيه . علمت من خلال ما قيل فيه ان الطلاق وان كان ابغض الحلال عند الله الا انه رحمة للعالمين وتخيلت كم المشاكل الممكن الوقوع فيها فى مسجتمع ليس فيه طلاق .

ولكن هل الطلاق الاسلامي هو ما نمارسه نحن كمسلمين ؟؟

هل تعاليم دينا تطبق فى هذا الامر المهم والحساس جدا فى حياتنا ؟؟

سأعرض عليكم اولا ما قرأته عن الطلاق :

الطَّلَاقُ مَرَّتَانِ ۖ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ ۗ وَلَا يَحِلُّ لَكُمْ أَنْ تَأْخُذُوا مِمَّا آتَيْتُمُوهُنَّ شَيْئًا إِلَّا أَنْ يَخَافَا أَلَّا يُقِيمَا حُدُودَ اللَّهِ ۖ فَإِنْ خِفْتُمْ أَلَّا يُقِيمَا حُدُودَ اللَّهِ فَلَا جُنَاحَ عَلَيْهِمَا فِيمَا افْتَدَتْ بِهِ ۗ تِلْكَ حُدُودُ اللَّهِ فَلَا تَعْتَدُوهَا ۚ وَمَنْ يَتَعَدَّ حُدُودَ اللَّهِ فَأُولَٰئِكَ هُمُ الظَّالِمُونَ (229)

الايه دي بتقول ان الطلاق مرتين والثالثه بتكون الاخيره بعدها مافيش رجوع امساك بمعروف او تسريح باحسان

والشق التاني من الايه ولا يحل لكم أن تأخذوا...

ودي الايه الى اخدنا منها حكلم الخلع والايه بتوجه كلامها للحاكم او القاضي فان خفتك الا يقما حدود الله .....

فَإِنْ طَلَّقَهَا فَلَا تَحِلُّ لَهُ مِنْ بَعْدُ حَتَّىٰ تَنْكِحَ زَوْجًا غَيْرَهُ ۗ فَإِنْ طَلَّقَهَا فَلَا جُنَاحَ عَلَيْهِمَا أَنْ يَتَرَاجَعَا إِنْ ظَنَّا أَنْ يُقِيمَا حُدُودَ اللَّهِ ۗ وَتِلْكَ حُدُودُ اللَّهِ يُبَيِّنُهَا لِقَوْمٍ يَعْلَمُونَ (230)

ياريت نلاحظ ان كل الايام بتقول ان يقيما حدود الله .. اصل التعامل بين الزوجين مراعاة حدود الله

وَإِذَا طَلَّقْتُمُ النِّسَاءَ فَبَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ سَرِّحُوهُنَّ بِمَعْرُوفٍ ۚ وَلَا تُمْسِكُوهُنَّ ضِرَارًا لِتَعْتَدُوا ۚ وَمَنْ يَفْعَلْ ذَٰلِكَ فَقَدْ ظَلَمَ نَفْسَهُ ۚ وَلَا تَتَّخِذُوا آيَاتِ اللَّهِ هُزُوًا ۚ وَاذْكُرُوا نِعْمَتَ اللَّهِ عَلَيْكُمْ وَمَا أَنْزَلَ عَلَيْكُمْ مِنَ الْكِتَابِ وَالْحِكْمَةِ يَعِظُكُمْ بِهِ ۚ وَاتَّقُوا اللَّهَ وَاعْلَمُوا أَنَّ اللَّهَ بِكُلِّ شَيْءٍ عَلِيمٌ (231)

والايه دي بتتكلم عن الناس الى بعد الطلاق ولما يقترب موعد انتهاء العده يردوا زوجاتهم ويرجعوا يطلقوهم تاني لتطويل مدة العده لضرر النساء . وطبعا ده حرام

وَإِذَا طَلَّقْتُمُ النِّسَاءَ فَبَلَغْنَ أَجَلَهُنَّ فَلَا تَعْضُلُوهُنَّ أَنْ يَنْكِحْنَ أَزْوَاجَهُنَّ إِذَا تَرَاضَوْا بَيْنَهُمْ بِالْمَعْرُوفِ ۗ ذَٰلِكَ يُوعَظُ بِهِ مَنْ كَانَ مِنْكُمْ يُؤْمِنُ بِاللَّهِ وَالْيَوْمِ الْآخِرِ ۗ ذَٰلِكُمْ أَزْكَىٰ لَكُمْ وَأَطْهَرُ ۗ وَاللَّهُ يَعْلَمُ وَأَنْتُمْ لَا تَعْلَمُونَ (232)

والايه هنا موجهه لاهل المطلقه انهم لا يمنعوها من الرجوع لزوجها بعد الطلاق وانقضاء العده

وبيزكي الوضع بقول ذلكم أذكى لكم وأطهر

وطبعا مش هاندخل فى احكام الطلاق ووقوعه من عدمه لانها امري يطول شرحه وايضا يفضل فيها الفتوى الخاصه الفرديه بمعنى من يريد فتوى مثل ذلك يلجأ للجنة الفتوى المختصه وياخد منهم فتوى بحالته الشخصيه

ولكن طبعا فى العموم الاصل فى الطلاق النيه والعزم على الطلاق فعلا بصرف النظر عن الاقوال وحتى الايه بتقول كده

وَإِنْ عَزَمُوا الطَّلَاقَ فَإِنَّ اللَّهَ سَمِيعٌ عَلِيمٌ (227)

:واما ما توصلت له من خلال ما قرأت

ان الطلاق صحيح هو ابغض الحلال عند الله كما قال رسول الله صلى الله عليه وسلم فى ثابت الاحاديث الا انه حل لمشاكل كتير اوي احيانا

فان استحالت العشره بين الزوجين يكون الانفصال

عشان الاسره وحدة بناء المجتمع هى حاجه مهمه اوي فى الاسلام اصبح الطلاق هو ابغض الحلال الا ان ده لا يمنع انه حلال طبعا ومباح

لكن اكمالا للصوره الحلوه الى المفروض نكون عليها كمسلمين

وجدت ان الطلاق ده مش لازم ابدا يكون تصرف عدائي ولا خناقات ومحاكم والوضع السيء الى احنا وصلنا له ده

بمعنى تاني الطلاق له اداب له تعاليم الرسول عليه الصلاة والسلام حثنا على الالتزام بها فى الطلاق

ومن يترك هذه التعاليم هو آثم ولكن مع ذلك يقع طلاقه

طيب نعرف ايه هي :

أولا : الطلاق لازم يكون فى طهر لم يمسها فيه ... يعنى ايه ؟؟

يعنى لما يحب يطلق لازم ينتظر لما تحيض زوجته وتطهر من حيضها وبعدين يطلقها قبل ما يجامعها ولو جامعها بعد الحيض يبقى ينتظر للحيض الى بعده

ثانيا : لو كانت حامل ممكن ينتظر عليها لما تولد حتى لا تطيل عليها العده

ثالث : ما ياخدش منها فلوس ولا ياخد منها مهرها عشان يطلقها الا لو كان القاضي يحكم بالخلع

رابعا:انه بعد الطلاق يتركها فى بيته لحد لما تخلص عدتها ومافيش مانع حتى انه يقعد معاها فى البيت

خامسا : ولا تنسوا الفضل بينكم نتعامل مع بعض بليونه فى الامور دي ونتفضل على بعض ونسامح بعض

يعنى نفهم من الشروط دي كلها ايه ؟؟؟

ان الطلاق مش مجرد كلمه

مش كلمه تتقال فى ساعة غضب

لازم يكون مرتب له والواحد يفكر بعقل ويتروى

وحتى انها تظل فى بيته يعنى لعل وعسى ربنا يهديها ويهديه وسبحانه مقلب القلوب

خلاص بعد كل ده لو ما رجعوش فى كلامهم تاني بيفارقوا بالمعروووووووف

والله بالمعروف

من غير المهازل الى بتحصل دي

طيب ا يه مدى وجوب التزامنا باداب الطلاق دي ؟؟

نشوف الموقف ده كده ونفهم منه

عبد الله بن عمر طلق زوجة له وهى حائض فسال عمر رضى الله عنه رسول الله عما صار فقال له رسول الله : مره فليرجعها حتى تطهر ثم تحيض ثم تطهر

يعنى ما دام قال يراجعها يبقى الطلاق الى فات واقع الا انه الرسول انكر عليه انه لم يلتزم باصول الطلاق وامره انه يراجعها لحد ما تطهر وينتظر عليها كمان طهر تاني

يعنى لو لم نلتزم باداب الطلاق الى فاتت دي اه هايقع الطلاق الا انه الرجل يؤثم عليه

وده اقصى ما توصلت له من الفهم للموضوع فى الحقيقه

لان الاراء كتير اوي ومختلفه ومتشعبه جداااا

واتمنى تكونوا فهمتوا كمان مني والى عنده اي استفسار ياريت يقولي

ومن كل قلبي باتمنى لبيوت المسلمين جميعا بالعمار والخير وربنا يبعد عنكم كل شر يارب

لكن لو كان لابد من ابغض الحلال يااااريت نكون مسلمين ومتحضرين ونحترم بعض

وزي ما قال ربنا فى احدى ايات الطلاق ولا تنسوا الفضل بينكم

الفضل يا اهل الفضل

وتحياتي لكم وكالعاده اسفه للاطاله

زينبت بنت جحش

2008-12-13T13:53:00.000-08:00

وهى زوجة الرسول عليه الصلاة والسلام

و كانت بنت عمة الرسول عليه الصلاة والسلام

فأمها هى اميمه بنت عبد المطلب بن هاشم عمة الرسول عليه الصلاة والسلام وكانت ذات نسب وجمال .

وقد اسلمت صغيره وهاجرت الهجرتين وكانت مشهوره بلقب مفزع اليتامى والارامل لكثره تصدقها وعطفها عليهم .

ايه بقى كانت قصتها مع بيت النبوه

اولا نتعرف على زوجها الاول وهو زيد بن الحارثه وكان يطلق علي الحب لشدة حب الرسول علية الصلاة والسلام له وزيد كان ربيب الرسول يعنى الرسول كان كافله

قصته

كانت السيده خديجه فى زياره لابن أخوها ورجعت ومعاه زيد وهو صبى صغير رآه

الرسول فقال : والله انى لاجد فى وجهه عنصر الكرم وارى فى ملامحه مخايل الذكاء .

فاخبرته خديجه انه كان بن نعم(بن عز يعنى)

فسالها الرسو ل ان تهبه اياه فقالت هو لك يا ابن العم

ومن وقتها اعتقه الرسول وانزله منه منزلة الابن وارسل من يطمأن اهله عليه فقد كان الصبى يعلم نسبه ثم جاء اهله يفديانه ولكن الرسول طلب ان يخيروه فاختار زيد الرسول وتربى فى كنف رسول الله وكان معروف بزيد بن محمد حتى حرم التبنى

ونزلت الايه ( ادعوهم لابائهم هو اقسط عند الله......) ادعوهم: نادوهم أو اسموهم. اقسط : أعدل .

ضالمهم بعد كده زوجه الرسول من مولاته ام ايمن الحبشيه وانجب منها اسامه بن زيد وخطب له الرسول زينب ولكن زينب وأخواها رفضوا ذلك فى البدايه فقد كانت زينب من أشراف مكه اتتزوج من مولى من الموالى الى أن نزلت الايه ( ما كان لمؤمن ولا مؤمنه اذا قضى الله ورسوله أمرا ان يكون لهم الخيره من أمرهم. ومن يعص الله ورسوله فقد ضل ضلالا مبينا ) صدق الله العظيم

فلما علما زينب وأخوها بذلك رضوا بامر الله وتزوجته زينب وقد اراد بها الله ان تكون درسا للمسلمين الا يترفعن باصولهن على بعض وانما التقوى هى المقياس فلا فرق بين شريف ومولى من الموالى يعنى نوع من ازاله الفروق الطبقيه الى كانت موجوده

وفعلا تزوجت زينب بزيد ولكانهما كانوا دائمى المشاكل مع بعض وكان زيد يشكوا الى الرسول منها فيصبره وينصحه ويهون عليه من أمره .

الى ان نزل الوحى على الرسول بان زينب ستطلق من زيد وستكون زوجا له وطبعا لرسول لم يكن يستسيغ ابدا الفكره فكان زيد بمثابة ابنه ازاى يتزوج من مطلقته وده الى كان مش مقبول عند العرب

وكان محتار مش عارف رأى الناس هيكون ازى وخايف من ردة فعلهم

وحدث ان الرسول فى يوم راح يسال على زيد فى بيته لغيابه( ممكن نركز شويه فى الكلام الى جاى ده ماشى) ولم يكن ببيته فهرولت زينب للباب حين علمت

وقالت : ليس هو هاهنا يا رسول الله فادخل بابى انت وأمى يا رسول الله .

ولكن رفض الرسول الدخول ومضى وهو يتمتم( سبحان الله العظيم سبحان الله مصرف القلوب.

ولما رجع زيد وعرف الى حصل وقالت له زينب ما سمعت الرسول يتمتم به فكر شويه وودار فى باله ان الرسول سوف يأذن له فى فراق من زينب وذهب للرسول

وقاله :بلغنى انك جئت الى منزلى فهلا دخلت بأبى انت وأمى ..

وبعدين سأله : يا رسول الله افافارقها ؟

فسأله الرسول : ما لك؟أرابك منها شيء

قال زيد : لا والله يا رسول الله ما أرابنى منها شيء ولا رأيت الى خيرا؟

فقال له الرسول ناصحا: امسك عليك زوجك واتقى الله .

مع ان الرسول كان يعلم بان زينب ستطلق من زيد وتتزوج منه هو ولكنه كان يكتم الامر فى نفسه. وبعد فتره من الزمن لم يحتمل زيد العيش مع زينب وفارقها

وانتهت عدة زينب والرسول لا زال متخوف ومتردد فى التقدم لزينب زى ما قلنا.

لحد ما نزل عليه الوحى وهو جالس يتحدث الى عائشه فابتسم قائلا من يذهب الى زينب يبشرها بان الله زوجنيها؟

وتلى الرسول عليه الصلاة والسلام الايه( واذ تقول للذى أنعم الله عليه و أنعمت عليه : امسك عليك زوجك واتق الله وتخفى فى نفسك ما الله مبديه وتخشى الناس والله احق أن تخشاه . فلما قضى زيد منها وطرا زوجناكها لكيلا يكون على المؤمنين حرج فى ازواج أدعيائهم اذا قضوا منهن وطرا وكان أمرا مفعولا ) صدق الله العظيم.

ليه بقى قلنا نركز؟؟

لأن زواج الرسول من زينب بنت جحش اتقال فيه كلام كتيرأوى فى ناس بيقولوا كلام غريب أوى

هو ايه ان الرسول عليه الصلاة والسلام شاف زينب بنت جحش وهى على ذمة زيد بن حارثه وحبها وطلقها منه وتزوجها

طب بالذمه بعد الى احننا قلناه ده كلام يعقل تعالوا نوزنه ونشوف.

أولا ازاى يعنى شافها وحبها وهى على زمة زيد اذا كانت هى بنت عمته وطبعا كان يعرفها قبل الاسلام يعنى عارفها كويس وكمان بعد الاسلام ما اتفرضش الحجاب على النساء من الاول يعنى أكيد الرسول كان يعرف شكل زينب كويس لما راح زيد خصوصا انها كانت كمان زوجة زيد ربيبه يبقى ازاى يعنى لما راح ينادى زيد فوقع عينه على زينب فأرادها لنفسه وطلقها من زيد واتجوزها ازاى يعنى مش فاهمه ؟؟؟!!!!

كمان الاحاديث الى ذكرت دى كلها صحيحه ورقم اخراجها موجود لليحب

ازاى بقى بعد زيارة الرسول ووقوع حبها فى قلبه زى ما بيقولوا ااستغفر الله العظيم

سأله اذا كان يفارق زوجته فقاله ايه امسك عليك ز وجك واتقى الله .

ازاى بقى الكلام ده يدخل العقل. وغير ده كله آية القرآن واضحه جدا واظن دى بقى مافيهاش شك موضحه حكمة طلاق زيد لزينب وزواج الرسول منها بالنص( لكى لا يكون على المؤمنين حرج فى أزواج ادعيائهم) .

اظن كده ما فيهاش كلام الكلام الى بيتقال فى الموضوع ده كلام فارغ من غير ذى علم أو حد غرضه أصلا تشويه صورة الرسول لكن للأسف احنا بنردد الكلام دون علم أو دليل حتى ما بنحاولش نفكر فى الكلام قبل ما نقوله

نفسي الى يسمع كلام زي ده يدور بنفسه ويتحقق منه قبل ما يردده او حتى يقتنع به البحث مش صعب خصوصا فى عصرنا ده يمكن بحثي ورا الموضوع ده خلاني دورت فى زوجات الرسول كلهم ووجدت فيها مدرسه اجتماعيه وزوجيه عظيمه تستحق الدراسه .

المهم لما عرفت عائشه بزواج زينب طبعا غارت جدا لانها كانت عارفه انها جميله وكمان ذات نسب والى اكتر من كده ما نزل به القرآن فقد زوجها الله بأمره فقالت عائشه : تفخر علينا بهذا.

وزفت زينب للرسول وكانت تتفاخر على زوجات النبى بزواجها الذى جاء من السماء فضلا على جمالها ونسبها وكانت تقول: والله مأنا كأحد من نساء رسول الله زوجهن اهلهن وزوجنى الله من فوق سبع سموات وأنزل فى قرآن يقرأه المسلمون لا يبدل ولا

يغير.

طبعا ده اقل واجب الواحده لو جه اسمها ولا سيرتها فى مجلة ميكى هاتشيلها فوق راسها طول العمر ودي جه امر زواجها من الرسول فى القرآن لها حق يعنى تفخر

وعلم الجميع من نساء النبى مكانة زينب من نفس الرسول وخصوصا عائشه فكانت حاسه بقربها من قلب الرسول فكانت عائشه تقول :لم تكن واحده من نساء النبى تناصبنى غير زينب .

وطبعا كانوا بيغيروا منها وطبعا فاكرين حكاية العسل( أأكلت مغافير؟) الى اتفقت فيها عائشه مه حفصه و سوده بنت زمعه.

وكانت زينب مشهوره بكرمها وكثرة تصدقها بالمال فقد كانت تجيد دبغ الجلد والخرز وتبيع ما صنعت وتتصدق بثمنه على الفقراء والمساكين واليتامى.

وبعد وفاة النبى صلى الله عليه وسلم ظلت على صلاحها وبرها بالفقراء وفى أول خلافة عمر بن الخطاب ارسل اليها بعطاء خصص لزوجات النبى فأمرت خادمتها أن صبيه وغطته: وقالت غفر الله لعمر وأمرت خادمتها ان وزعته على المحتاجين ختى بقى القليل فقالت لها : يا أم المؤمين قد كان لنا فى هذا حقا

فقالت زينب : اللهم لا يدركنى عطاء لعمر بعد عامى هذا اللهم لا يدركنى هذا المال فى قابل فانه فتنه . ولما عرف عمر فارسل لها الف اخرى فوزعتها ايضا.

وكان الرسول يهزر مع زوجاته ويقول لهم اسرعكن لحاقا بى أطولكن يدا.

فكان لما يجتمع نساء النبى فى منزل احداهم بعد وفاة الرسول يمددن ايدهن الى الجدار يتطاولن ايتهن اطول يدا ولا زلن يفعلن هذا حتى ماتت زينب فعلا ان الرسول انا قصد بأطولهن يدا أكثرهن صدقه.

ووصفها الرسول ايضا لعمر بن الخطاب انها اواها (أي خاشعه متضرعه )

وحيت توفت زينب كانت اول من شيع جثمانها فى صندوق خشبي اقترحته اسماء بنت عميس على عمر بن الخطاب كما رأته فى الحبشه حتى يخرج المسلمين جميعا فى جنازتها ويسترها الصندوق

وتوفيت سنة عشرين عن عمر ثلاث وخمسون سنه(التواريخ فى الغالب بتكون تقريبيه)

ونفعنا الله واياكم بخير الثواب وشكرا عشان بتستحملوا مواضيعى الطويله

العلاقه بين الرجل والمرأه الاجنبيين

2008-11-28T19:06:00.000-08:00

السلام عليكم ورحمة الله وبركاته

اخواني الكرام :
بناءا على طلب من الاخ الكريم صاحب مدونة خواطر ليس عابره اخترت موضوع الحديث اليوم

وهو ما هى طبيعة العلاقه المشروعه بين رجل وامرأه اجنبيان بمعنى اخر هل يجوز اساسا وجود علاقة بينهم وما مسماها وما ملامحها ومداها وقوانينها طبعا على اساس دينى. .

طبعا كمان انا لازم اقر للجميع انى اقل من افتي فى اي أمر اصلا من امور الدين وان صغر ولكن الاخ الكريم طلب وجهة نظري المتواضعه

نرجع لموضوعنا والي احب ابدأه اولا بالحديث عن الاختلاط نفسه بين الجنسين

والى حواليه كلام كتير جدا ما بين مؤيد ومعارض من حيث الحكم الشرعي طبعا الى احنا بصدد مناقشته هنا

في رأيي ان الاختلاط ليس محرما فلا يوجد نصا قرآنيا ولا من السنه
صريحا يقول بابعاد المرأه عن الرجل فى اي مجال

واحده واحده عليا مش عايزه طوب .

احنا عندنا فى السيره النبويه الشريفه و سيره الصحابه مليون قصه ومليون حدث يقول ان كان فى معايشه بين الجنسين عادي لكن بشروط طبعا وقوانين

واي أحد ينكر هذا اعتقد انه فى حاجه الى قراءه متأنيه للسيره النبويه وسيرة الصحابه .

المهم ندخل على النقطه الاساسيه وهى هل ممكن وجود علاقه

بس اسمها ايه ؟؟؟ وشكلها ايه ؟؟

اسمها مش عارفه... سميها زي ماتسميها
سميها صداقه
سميها اخوه فى الله
سميها حب فى الله

وما حدش يقولي مافيش حاجه اسمها حب فى الله بين رجل وامرأه اجنبيان عشان ده كلام مش مقنع خالص مش اي حب هو عشان نفكر كده .

اما شكل العلاقه

فاحنا والله لو كنا دايما نلتزم بكتاب الله وسنة نبيه والله ما كنا نتعب
الاختلاط بين الرجل والمرأه الاجنبيين والعلاقه بينهم عموما مقننه عندنا
والقونين واضحه وصريحه لو مشينا عليها ما تحصلش اي مشكله

اولا : اللباس الشرعي : طبعا للطرفين(المراه والرجل ) وطبعا احنا مش بصدد مناقشة ما هو اللباس الشرعي كل واحد يلبس الحاجه الى مقتنع انه الشرع والفرض عليه وبعدين نتكلم فى الموضوع ده .

ثانيا : غض البصر : وبرضه من الطرفين سواء كان الطرف التاني
.لابس شرعي ولا لا انت عليك الغض
قال الله تعالى قل للمؤمنين يغضوا من أبصارهم ويحفظوا فروجهم
ذلك أزكى لهم

وقال تعالى
وقل للمؤمنات يغضضن من أبصارهن ويحفظن فروجهن

ثالثا :الحرص من الخلوه : والحرص هنا بمعنى تجنبه ولو حصل يبقى فى اضيق الحدود وينهى الموقف باسر ع وقت
لانه وضع وارد طبعا

فقال رسول الله صلى الله عليه وسلم :لا يخلون أحدكم بامرأة فإن الشيطان ثالثهما
( برواية عبد الله بن عمر مسند احمد )

رابعا :عدم اظهار اللين فى القول من المرأه :

بسم الله الرحمن الرحيــــــــــــم
(( يا نساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا سورة الأحزاب آية 32

اظن دي القوانين المطلوبه

واعتقد انه لا يعقل ان يكون الاختلاط له قوانين وفى نفس الوقت الاختلاط محرم فكين يقنن الحرام ؟؟؟
وبعد كده يأتي دور الرادع والرقيب الشخصي والايماني فمن يجد فى نفسه مجال للفتنه من علاقه او مكان فليبتعد عنها درءا للفتنه
فلكل فتنة تختلف عن غيره بشكل نسبي يعنى ودي نقطه مهم اوي على فكره

خلاصة القول

اي علاقه بين رجل وامرأه تلتزم بالشروط دي تعتبر علاقه مشروعه. (من وجهة نظري المتواضعه )

وعموما يجب ان يكون الحديث بين الطرفين له سماته وشكله المحترم

وده طبعا شيء نسبي وشخصي الى حد ما

طيب لو حبينا نوصف كلامك مع المرأه مثلا كمسلم عايز تحافظ على دينك ؟؟

ايه رايك نقول ان يكون الحديث بينكم حديث يرضاه مولانا ووليها

وانتى كمان كامرأه حطي قاعده اتكلمى مع الرجال كأن وليك حاضر الحديث ده
وارضى ما يرضاه وليك وارفضي ما يرفضه

الولي هنا طبعا ممكن يكون جوزها ابوها اخوها حسب ظروفها .

اتمنى اكون افدتكم فعلا بالموضوع
واسال الله دائما ان يرينا الحق حق ويرزقنا اتباعه ويرينا الباطل باطل ويرزقنا اجتنابه .
ارجو من الجميع مناقشتي واحترام رايي من فضلكم
واسفه للاطاله لكن عارفين كل نقطه فى البوست ده محتاجه لواحدها بوست اصلا
جزاكم الله خيرا بالصبر عليا فى كلامي الكتير

زيارة القبور

2008-11-16T21:18:00.000-08:00

موضوع زيارة القبور اثير كثيرا واختلفت فيه الأراء وفى قراءة لى فى كتاب فقه السنه اقنعني هذا الرأي فعمدت الى عرضه عليكم بتصريف مني ان شاء الله

لنتحدث عن حكم زيارة القبور

زيارة القبور مستحبه

لقول رسول الله : كنت نهيتكم عن زيارة القبور فزوروها فإنها تذكركم الآخره.
رواه احمد ومسلم واصحاب السنن

وكان النهي فى البدايه لانهم كانوا قريبوا العهد من الجاهليه وفعلها ولكن لما اطمئن قلوبهم للاسلام سمح لهم بالزياره .
وعن أبي هريره أن النبي زار قبر امه وبكى وابكى الجميع

وقال : استأذنت ربي أن أستغفر لها فلم يؤذن لي واستأذنته أن ازور قبرها فأذن لي فزوروها فإنها تذكر الموت .
رواه احمد ومسلم واهل السنن الا الترمذي

كيفية الزياره

عن عائشه رضى الله عنها قالت : كان النبي كلما كان ليلتها يخرج من آخر الليل إلى البقيع فيقول : السلام عليكم دار قوم مؤمنين اتاكم ما توعدون غدا مؤجلون وإنا إن شاء الله بكم لاحقون اللهم أغفر لاهل بقيع الغرقد . رواه مسلم
اما التمسح بالاضرحه والتبرك بها وتقبيلها والطواب حولها فهو من البدع المنكره ويحرم فعلها

زيارة النساء

رخص مالك وبعض الاحناف ورواية عن أحمد وأكثر العلماء في زيارة ا لنساء للقبور
لحديث عائشه :
انها قالت رسول الله : كيف اقول لهم يا رسول الله ؟ قال : قولي : السلام على اهل الديار من المؤمنين والمسلمين ويرحم الله المستقدمين منا والمستأخرين وإنا ان شاء الله بكم لاحقون .

فهو علمها الزياره ولم يمنعها منها

ويروى عن عبد الله بن أبي مليكه ان عائشه أقبلت ذات يوم من المقابر فقلت : يا أم المؤمنين من أين اقبلت؟ قالت : من قبر أخي عبد الرحمن . فقلت لها : أليس كان نهى رسول الله عن زيارة القبور ؟ قالت نعم . كان نهى عن زيارة القبور ثم أمر بزيارتها
رواه الحاكم والبيهقي

وفي الصحيحين عن أنس ان رسول الله صلى الله عليه وسلم مر بامرأه عند قبر تبكي على صبي لها فقال لها : اتقي الله واصبري . فقالت : وما تبالي بمصيبتى

فلما ذهب قالو لها انه رسول الله فذهب اليه فقالت يا رسول الله : لم اعرفك . فقال لها انما الصبر عند الصدمة الاولى

والاستدلال هنا انه رأى المراه على القبور ولم ينهها او ينكر ذلك عليها ولكن امرها بالصبر

وبعض الناس كره زيارة النساء للقبور لقله صبرهم وكثرة جزعهن

اما قول رسول الله صلى الله عليه وسلم : لعن الله زورات القبور .

يقول القرطبي فى هذا : انما اللعن المذكور في الحديث هو للمكثرات من الزياره لما تقتضيه من الصيغه المبالغه .

(فكلمة زوارات هى صيغة مبالغه )

وقال ان تذكر الموت يحتاج اليه النساء والرجال .

وقد قال يجب ان نأمن من النساء النحيب والصوت والمبالغه.

وعليه فاننا عموما رجالا ونساءا امرنا بزيارة القبور فنحن رجالا ونساءا نحتاج الى التذكره بالاخره كما قال رسول الله

فليست التذكره قاصره على الرجال .

والنحيب والصوات والمبالغه فى ذلك على القبور مرفوض من الجميع طبعا

جزاكم الله خيرا بقراءتكم الموضوع ونفعنا واياكم بصالح الاعمال واتمنى ان اكون أفدتكم بهذا البحث المتواضع

ام سلمه(هند بنت ابى اميه بن المغيره)

2008-11-05T21:58:00.000-08:00

وهى قريشيه مخزوميه واشتهرت باسم ام سلمه بنت زاد الركب

طب ليه سموها كده زاد الركب دى شهره ابوها لانه كان مشهور جدا بالكرم وكان اذا سافر فى ركب مع مجموعه يعنى يكفيهم من الزاد طول السفر ولا يدع احد من الركب يحمل معه زاد فسموه زاد الركب

اما بقى ام سلمه فطبعا لانها اكيد عندها ولد اسمه سلمه انجبته من زوجها عبد الله بن اسد بن المغيره وهو ابن بره بنت عبد المطلب عمه الرسول

وكمان عبد الله كان اخا للرسول فى الرضاعه وكان من المسلمين الاوئل هو وزوجته هند وهاجرت مع زوجها للحبشه فى هجره المسلمين الاولى و انجبت هناك ابنها سلّمه

وبعدين رجعت تانى لمكه مع زوجها وبعدين استعدوا للهجره للمدينه مع باقى المسلمين لكن حصلهم قصه مؤلمه وصعبه جدا اايه بقى الى حصل:

جهزوا الركوبه وركبت ام سلمه وابنها وساق البعير ابو سلمه وبعدين شافوهم بنى المغيره اهل ام سلمه فراحوله وقالولوا انت حر فى نفسك عايز تهاجر روح انما زوجتك قريبتنا ومن حقنا نحميها منك ونمنعها من الهجره معك

وخدوا منه ام سلّمه فعلا فمين بقى الى اعترض بنو عبد الاسد اهل ابو سلمه وقالوا لا اذا اخذوها ناخذ ابننا وفضلوا يتخانقوا على سلمه لحد ما ايده كانت هتتخلع بينهم و خدوه فى الاخر بنى عبد الاسد

وهى كانت عند اهلها حبسوها فى مكه وفضلت تبكى ام سلمه الى جرالها من اهلها سنه كامله لحد ما اهلا رافوا بيها وقالوا لها الحقى بزوجك
وكان هو ذهب للمدينه وساعتها وافق بنى اسد انهم يعطوها ابنها وسافرت فعلا للمدينه وصاحابها فى الرحله عثمان بن طلحه لما لقاها مسافره لواحدها
وهى بعد كده قالت فيه: فا والله ما صاحبت رجلا من العرب قط ارى انه كان اكرم منه. هو على فكره لما لقاها مسافره سالها اذاكان معاها حد قالت الله وولدى هذا
فقال: والله ما لك من مترك.يعنى ما يصحش يسيبها لوحدها
وهى حكت ان كان كل ما يحب يقف فى الطريق ينخ الجمل ويبعد بعيد لحد ما تنزل بعدين يرجع يربط الجمل ويركن الى شجره بعيد عنها وبعدين يرجع لما يحب يمشوا يقدم الجمل ويبعد لحد ما تركب وبعدين ياخد اللجام ويمشى وهكذا وعلى فكره ده كان قبل ما يدخل فى الاسلام كمان شفتم اخلاق العرب عشان الناس الى بيقولوا همج وبدو والكلام التعبان ده
كان عندهم نخوه واخلاق ما عادتش عندنا للاسفه يمكن الاخ ما عادش يهمه اخته تروح ولا تيجى ولا تسافر ولا تجوع حتى .

المهم ام سلمه لما راحت المدينه ما كانوش مصدقينها انها بنت زاد الركب لان ده كان نسب عالى جدا فكانوا مكذبنها لحد ما جه موسم الحج فبعتت معاهم رساله لاهلها فصدقوها بقى وانجبت فى المدينه من ابو سلمه عمر ودره وزينب وبعدين ابو سلمه مات ودار بينه وبين ام سلمه حديث جميل ايه رايكم نشوف قالوا ايه :

قالت ام سلمه بلغنى انه ليس امرأه يموت زوجها وهو من اهل الجنه ثم لم تتزوج الا جمع الله بينهما فى الجنه فتعال اعاهدك الا اتزوج بعدك.
قال ابو سلمه:اتطيعينى؟
قالت: نعم
قال: اذا مت تزوجى اللهم ارزق ام سلمه بعدى رجلا خيرا منى لا يحزنها ولا يؤذيها .

ولما مات ابو سلمه احتسبت ام سلمه مصيبتها عند ربنا وقالت ان لله ان الهي راجعون اللهم انى احتسب مصيبتى في ابى سلمه عندك اللهم ابدلنى خيرا منه ثم قالت فى نفسها ومن خيرا من ابى سلمه.

وبعدين لما جه رسول الله وخطبها فقالت ايه بقى: انا مصبيه(يعنى عندها صبيه) وانا غيوره وانا كبيره السن فلم بلغ رسول الله ما قالت قال: اما كبر السن فانا اكبر واما الغيره ادعو الله ان يذهبها عنها واما العيال فالى الله ورسوله.

واتزوجت من الرسول عليه الصلاه والسلام فعلا وكانت لها منزله فى نفسه لم تنزلها اى واحد من زوجاته بعد عائشه فكانت منزلتها تقارب عائشه عشان كده كانت عائشه بتغير منها جدا وكانت ام سلمه شخصيتها قويه جدا ولها مواقف كتير تثبت كده هاحاول اقول اكترها زى ايه:

كان فى مره مشكله بين الرسول وزوجاته حول النفقه فى بيت النبى المهم الرسول يومها كان مضايق و ما خرجش يصلى بالمسلمين فدخل له ابو بكر وبعده عمر وعرفوا ان الموضوع متعلق بالنفقه فكل واحد فيهم حاول يخفف عن الرسول عليه الصلاه والسلام بالمزاح معاه
وبعدين ابو بكر عنف بنته على انها مزعله الرسول وزيه عمل عمر ابن الخطاب ابو مين?? حفصه اوعى تنسى

المهم وبعدين لسه يا دوب جاين يكلموا ام سلمه قالت لهم ايه بقى:ما لكما ولما هاهنا ! رسول الله اعلى بامرنا عينا ولو اراد ان ينهانا لنهانا فمن نسأل ان لم نسال رسول الله؟

ناس جامدين الصراحه

طبعا بعد الكلام ده خرجوا الاثنين من غير ولا كلمه وطبعا فرحوا اوى زوجات الرسول وشكروها على وقفتها دى.

كمان فاكر قصه حفصه لما عرف ابوها نها تراجع الرسول فيما يقول وراح يعاتبها على كده خرج من عنده وراح لام سلمه لانها كانت قريبته( وعلى فكره لحد الوقت الى بنتكلم فيه كان لسه الحجاب لم يفرض على النساء) وسالها على مراجعه زوجات النبى له فقالت له : عجبا يا بن الخطاب قد دخلت فى كل شىء حتى تبتغى ان تدخل نفسك بين رسول الله وازواجه.
طبعا دى كانت اخر مره يتكلم فى الموضوع ده.

اما بقى عن غيره ام سلمه على الرسول فحصل منها مواقف لذيذة اوى منها: كان الرسول خارج للسفر و واخد معاه ام سلمه وصفيه ( وعلى فكره كان بيختار الى تسافر معاه من زوجاته بالقرعه بينهم) المهم فراح الرسول وهو فى الطريق ناحيه هودج صفيه وكان فاكره لام سلمه وكلمها بعدين لما عرف انها صفيه مشى راح للهودج التانى لام سلمه هى بقى من غيرتها اندفعت على طول وقالتله: تتحدث مع ابنه اليهودى فى يومى يا رسول الله؟ بس بعد كده زعلت من نفسها واعتذرت لرسول الله واستغفرت ربنا.

كمان ام سلمه كانت مشهوره برجاحه العقل والذكاء فى الموضوع ده لنا برضه موقف جميل.

كان الرسول عليه الصلاه والسلام خرج واصحابه فى السنه السادسه الهجريه الى مكه قاصدين حج البيت ولكن قريش اعدت لهم العده وارسلت لهم الرسل لاستبيان الموقف وعرفوا منهم انهم ما جاؤا الا للحج فقط لكنهم رفضوا برضه
وبعدين عقد الرسول معهم هدنه ووقف القتال على ان يعودوا العام القادم لاداء الحج فى نفس الميعاد وكان ده صلح الحديبه وكان اكتر المسلمين مش راضين عليه واعتبروه مهانه لهم
لكن بعد مرور الوقت اكتشفوا ان كان خطوه عظيمه
المهم امر ارسول المسلمين انهم ينحروا هديهم ويحلقوا رؤسهم لانهم كانوا محرمين لكنهم تباطؤا فى ذلك الى ان غضب الرسول جدا وخشى على المسلمين من الفتنه والتفرق

ودخل لام سلمه وحكى لها ما كان من امر المسلمين فهدأت من نفسه ام سلمه وقالت لهيخرج ولا يكلم احد ويذبح هديه ويحلق ر اسه وعمل الرسول زى ما قالت له فعلا وبعدها اتكسف المسلمين بقى من نفسهم وعملوا زى ما الرسول عمل واتحلت المشكله

وعاشت ام سمله بعد وفاه الرسول كتير وكانت اخرهن موتا وماتت ويقال انها حضرت مذبحه كربلاء وبعدها ماتت نبقى نتكلم عن مذبحه كربلاء فى يوم تانى ان شاء الله وكانت من اكبر رواه الحديث

دفنت فى المدينه فى البقيع مع باقى زوجات النبى .

رحمها الله ورضى عنها وارضاها

القــــوامـــــه للرجل ... ما هي

2008-10-29T07:45:00.000-07:00

السلام عليكم

اخواني الكرام فى الايام القليله الماضيه صادفت فى اكتر من مكان سواء كان على صفحات البلوج او فى الحياه العاديه تناحر غير عادي بين ادم وحواء
ومشاكل لاتوصف باكثر من كونها على مقدار من التفاهه تودي ببيوت المسلمين وتؤذي اطفالهم

وارى من وجهة نظري المتواضعه ان سبب اغلب المشاكل هو ان كل فرد لا يعلم بالتحديد واجبته وفروضه ولا حقوق الاخر
ولا واجبات الاخر وما يجب عليها وما يعد فضل منه وما يعد فرض . هذا الى جانب الافتقار الحقيقى للحكمه والخلق الحسن بين شبابنا للاسف الشديد .

وعليه يا اخوان فكرت فى ان اطرق بعضا من ابواب الخلاف بين ادم وحواء وتناوله من جانب دينى لان فى الاساس الدين هو المعيار الذي نحتكم له فى امورنا عامه وامور الزواج خاصه بما انه فى الاساس رباط شرعي .

وبعد المقدمه الطويله اليكم ما اراه برايي المتواضع فى امر القوامه

القوامه للرجل على زوجته : هى مسؤليه قبل كونها سلطه . او بمعنى اخر فانها فى الاساس مسؤليه ووجود المسؤليه لابد وانت تتبعها سلطه حتى يتأتى لنا الرجوع بالحساب على صاحب المسؤليه .

فالمرأه مسؤله من زوجها ماديا ومعنويا واجتماعيا ومن جميع النواحي . ولكن بالطبع ليس هو من يسأل بدلا منها يوم الحساب . وعليه فهي ما زالت شخص مستقل بالطبع فى فكره وفعله ولكن تحت مسؤلية وسلطة زوجها .

ولكن هناك ما يحدد طبيعة العلاقه بينهم فى ظل مبدأ القوامه

اولا بالنسبه للرجل :

بما انه اعطي له المسؤليه والسلطه فانه ايضا امر بالآتي

قال تعالى : ولا تضاروهن لتضيقوا عليهن .

وقال رسول الله عليه الصلاة والسلام :

رفقا بالقوارير واستوصوا بالنساء خيرا وخيركم خيركم لاهله

كله ذلك توصيات للرجال بعدم استخدام السلطه المخوله لهم لايذاء نسائهم واهليهم والترفق بهم

ويحضرنى دائما فى هذا ما قاله عمر بن الخطاب حين سألوه : لماذا تترك زوجتك تخرج لصلاة العشاء والفجر ونعلم ان ذلك لا يرضيك.
فيقول الفاروق رضي الله عنه: منعنى منها قول رسول الله لا تمنعوا اماء الله مساجد الله .

فى حين انه من سلطته كزوج انه يمنعها وفى حين انه كان يتضايق من خروجها وانها لو امرها بعدم الخروج وخرجت فتكون آثمه ولكنه حكم العقل وليس هوى النفس . طالما انا لاتأتي بشيء محرم او خاطيء . حتى وان كره الى نفسه وذلك امتثالا لقول رسول الله .

وبالنسبه للنساء :

فانهن امرن بالطاعه. لانها فى كنفه فى مسؤليته الاانها ليست طاعه عمياء فكما قلنا ما زالت هى شخص مستقل سوف تحاسب وحدها امام الله يوم الحساب .
بالطبع لا طاعة لمخلوق فى معصية الخالق
ولكن في غير ذلك فانها من حقها النقاش ومن حقها المراجعه طبعا بادب واحترام لنفسها وزوجها
فكما قالت حفصه بنت عمر لابيها حين سأله هل تراجعن رسول الله؟ قالت : والله لنراجعنه .

ولكن بالطبع انتى تراجعي زوجك وتناقشيه وقد يستشيرك ولكن ليس بالضروره ان يصدق على ارائك او ان يمتثل الى رايك حتى وان اثبتت الايام ان رايك هو الصحيح الا انه يظل له القرار النهائي فيما يخصه فقط

فليس له مثلا ان يحكم على املاكك او علاقتك باهلك او ما لا يخصه فى شؤنك فما زاااااااالت الزوجه شخص مستقل

وكل منا مسؤل امام الله عن واجباته
فان استغل الرجل سلطته ليضر بها زوجته فانه يسأل عن ذلك يوم الحساب
وان عصت الزوجه زوجها حتى لو علمت انه يستغل بذلك سلطته فانها ايضا تسأل عن ذلك يوم الحساب .

ارجو ان اكون قد افدتكم وان اكون مصيبه فى وجهة نظري المتواضعه وتحياتي لكم جميعا

الــــزنــــــــــا (الجزء التاني)

2008-10-21T22:21:00.000-07:00

توقفنا فى المره السابقه يا اخواني عند جزاء الزاني فى الدنيا ان ثبت عليه الزنا

سنستعرض الآن حد الزنا:

جاء تحريم الزنا وجزاؤه فى القرآن تدريجيا كما كان حد شارب الخمر

اولا: التعنيف والتوبيخ. قال تعالى: والذان يأتينها منكم فآذوهما فإن تابا وأصلحا فأعرضوا عنهما.)

ثانيا: وبعد ذلك تدرج الحكم الى الحبس فى البيوت (قال تعالى: والاتي يأتين الفاحشة من نسائكم فاستشهدوا عليهن اربعه منكم فان شهدوا فأمسكوهن في البيوت حتى يتوفهن الموت أو يجعل الله لهن سبيلا)

ثالثا: جاء حد الزنا النهائي وهو الرجم للثيب والجلد مائة جلده والنفي للبكر( ويقال ان هذا كان واردا فى القرآن ولكنه نسخ لحكمه لا يعلمها الا الله)

ولكنه حكم ثابت لا خلاف عليه فى السنه النبويه الشريفه ونرى منها بعضا هنا:

قال رسول الله صلى الله عليه وسلم: (خذوا عنى خذوا عنى قد جعل الله لهن سبيلا: البكر بالبكر مائة جلده ونفي سنه ,والثيب بالثيب جلد مائة والرجم) رواه مسلم وابو داوود والترمذي.

وطبعا فى شواهد كثيره جدا من سنة رسول الله وعنه صحابته فى هذا الامر وسنذكر منها بعضها.

ولكن الان نتحدث اخوتى فى الله عن ما هو الزنا او بمعنى آخر ما هو الزنا الموجب للحد ؟

هو الاتصال الجنسي الغير مشروع . ويقر بولوج الذكر فى فرج محرم ولو لم يحدث انزال.

فانه عن بن مسعود قال: جاء رجل الى النبى صلى الله عليه وسلم فقال : انى عالجت امرأه من أقصى المدينه فاصبت منها,دون أن امسها, فأنا هذا, فأقم علي ما شئت ,فقال عمر: سترك الله لو سترت نفسك, فلم يرد النبى شيئا,

فانطلق الرجل, فاتبعه النبي رجلا فدعاه فتلا عليه: وأقم الصلاه طرفي النهار وزلفا من الليل وإن الحسنات يذهبن السيئات ذلك ذكرى للذاكرين) هود ايه:114.

فقاله له رجل من القوم: اله خاصه ام للناس عامه؟ فقال : للناس عامه. رواه مسلم وابو دوود والترمذي

=========================

اقسام الزنا:

الزانى اما ان يكون بكرا او محصنا:

البكـــــــر: وهو من لم يسبق له الزواج سواء في ذلك الرجل والمرأه

المحصن : وهو من سبق له الزواج ولو ليوم واحد ولا يشترط ان يكون متزوج فعلا كما هو شائع

حد البكر:
بالاتفاق فان حد البكر هو الجلد مائة جلده .

يقول الله تعالى فى سورة النور ( الزانية والزانى فاجلدوا كل واحد منها مائة جلده ولا تأخذكم بهما رأفه فى دين الله ان كنتم تؤمنون بالله واليوم الاخر وليشهد عذابهما طائفة من المؤمنين)

وقد جمع بعض الفقهاء بين الجلد والنفى سنه فقد حكم رسول الله صلى الله عليه وسلم بالجلد والنفى سنه لرجل من الاعراب احتكم اليه فى امر ابنه الذى زنا ( على ابنك جلد وتغريب عام)

وكان الامام مالك يرى بتغريب الرجل دون المرأه

اما ابوحنيفه فكان يرى ان الجمع بين الجلد والتغريب متروكه للحاكم.

=======================

كيف يثبت حد الزنا؟

أولا الاقرار : اي اقرار الزاني او الزانيه بذنبه

ولكن ان اعترف طرف واحد وانكر الثاني فانه يحد الذي اعترف فقط

وهناك مذاهب تقول ان الاقرار لازم ان يكون اربع مرات فى مجالس متفرقه وهو الاصح

والرجوع عن الاقرار بالزنا يسقط الحد

فان رجل ذهب لرسول الله واعترف واقر بالزنا ولما اخذوه ليقيموا عليه الحد .

قال : يا قوم ردوني الى رسول الله .

ولكنهم رجموه حتى مات

فلما رجعوا لرسول لله قال : هلا تركتموه وجئتوني به ؟!(اخرجه ابو داوود والنسائي)

=====================

ثانيا الشهود: يجب ان يقر الزنا اربعه شهود يروا جريمة الزنا

فقال الله تعالى( وَاللاَّتِي يَأْتِينَ الْفَاحِشَةَ مِن نِّسَآئِكُمْ فَاسْتَشْهِدُواْ عَلَيْهِنَّ أَرْبَعةً مِّنكُمْ فَإِن شَهِدُواْ فَأَمْسِكُوهُنَّ فِي الْبُيُوتِ حَتَّىَ يَتَوَفَّاهُنَّ الْمَوْتُ أَوْ يَجْعَلَ اللّهُ لَهُنَّ سَبِيلاً) (15) النساء

وقال: (وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا وَأُوْلَئِكَ هُمُ الْفَاسِقُونَ) (4) النور

شروط الشهود:
_ البلوغ .

_ العقل.

_ العداله . فقال تعالى(وَأَشْهِدُوا ذَوَيْ عَدْلٍ مِّنكُمْ وَأَقِيمُوا الشَّهَادَةَ لِلَّهِ)

_ الاسلام. سواء كانت للشهاده على مسلم ام لا يجب ان يكون الشاهد نفسه مسلم.

_ المعاينه: بمعنى انه يجب معاينه جرم الزنا تحديدا دخول فرجه فى فرجها كما قال رسول الله( كما يغيب المرود فى

المكحله والرشاء فى البئر)

_ التصريح: يجب ان تكون الشهاده بنص الكلام وليست بالكنايات.

_ اتحاد المجلس: اي يجب ان تكون الشهاده للاربعه فى مكان وزمان واحد.

_ الذكوره. يشترط ان يكونوا الشهداء من الرجال .

الا ان بن حزم يبيح ان تكون الشهاده لامرأتين مسلمتين عدل مكان كل رجل

_ عدم التقادم. بمعنى لو ان الشهود رأوا الحادثه ولم يشهدوا عليها الا بعد فتره وتقادمت الحادث فشهادتهم لا تقبل وتقدير الوقت ترك للحكام.

=============================================================

وكان هذا ما قدرنى الله على جمعه وتلخيصه لكم من كتاب فقة السنه للسيد سابق كمرجع اساسي للموضوع لمن احب الاستفاضه

وارجوا ان لااكون اطلت عليكم الحديث ونفعنا الله واياكم به

وعفانا والمسلمين جميعا من كبائر الذنوب وصغائرها

تحياتي لكم

الــــــزنــــا ( الجزء الاول )

2008-10-12T18:19:00.000-07:00

الزنا اعاذنا واعاذكم الله جريمه من ابشع الجرائم ولذلك فانها من الكبائر وتوجب حد على من يثبت عليها ارتكابها.

وبعكس الزنا الذي حرمه الله فان الاسلام قد رغبنا فى الزواج دعا المسلمين اليه .

وذلك لان الزواج هو الطريقه الشرعيه والصحيحه والصحيه لاشباع غريزه الجنـس من اعنف الغرائز الموجوده عند الجنس البشري.

ولما كان الزواج هو نظام شرعي واجتماعي يضمن تصريف هذه الغريزه فانه منع التصرف باي طرق غير مشروعه سواءا كان الزنا او ما يدعو اليه اى كل ما يثير الغريزه ويدعوا الى الفحش .

ولما كانت غريزه الجنـس من أعنف غرائز الجنس البشري فكذلك جاء التحريم قطعي وجاء حد من تثبت عليه جريمة الزنا من الجنسين حد عنيف الى ابعد حد .

ومن لم تثبت فعذابه عن ربه عظيم فقد ارتكب كبيره من الكبائر ليس لها من تكفير ولاديه الا ان يتوب الله على من فعلها ويرحمه برحمته.

ولا يخفى ما للزنى من مساويء اجتماعيه ونفسيه وصحيه كبيره:

فتعالوا نتخيل الدنيا لو كانت بلا حد الزنا ولا تحريم الزنا؟؟؟

اولا: سيشيع القتل والجرائم لانه من الطبيعه الانسانيه الثابته الغيره والانحراف الجنسي ليس ماهو عليه فطرة الانسان

ثانيا: ضياع النسب فكيف نعلم من ابن لمن ومن يرث من فستيضيع الانساب وتضيع الحقوق تباعا وتخيلوا ان ضاعت

الانساب فى الجيل الثاني ممكن ان يتزوج الاب ابنته والاخ اخته والعم او الخال من بنات اخوته ولا تحسبن تحريم زواج المحارم لا فائده منه فنه هذه الزيجات ينتج عنها ذريه غير صحيحه بدنيا وهذا ما نراه جليا فى حالات زواج الاخوه بالرضاعه . واظنه فى خلال مائتي عام سيفنى الجنس البشري ان لم يكن اقل من ذلك .

ثالثا: كيف للاولاد الناتجين عن الزنا ان يتربوا فى بيئه صالحه من اب وام واسره تربطها رباط قوي الا وهو الزواج فكيف سنربي جيلا جديدا؟؟

رابعا: كما انه ليس خفي ان العلم والطب اثبت ان الفوضى الجنسيه تسبب امراض لا حصر لها على درجه من الخطوره لا تحمد عقباها, مثل الزهري والسيلان والقرح والايدز اعاذكم الله

ومهما قلنا فى ذلك فان للزنا اضراره الجسيمه على النفس والمجتمع والبدن والذريه

ولنستعرض الآن ما جاء فى تحريم الزنا من القرآن والسنه:

قال الله تعالى: ولا تقربوا الزنا انه كان فاحشة وساء سبيلا.

وهذا بالطبع تحريم قطعى وجذري للزنا.

ولنرى ما ورد عن عذاب الزناه فى الحديث ا لشريف :

في رؤيا لرسول الله صلى الله عليه وسلم برواية سمره بن جندب فى صحيح البخاري :

قال انه اتاه جبريل وميكائيل وقالا انطلق فانطلقنا .فأتينا على مثل التنور - قال : وأحسب أنه كان يقول - فإذا فيه لغط وأصوات ، قال : فاطلعنا فيه ، فإذا فيه رجال ونساء عراة ، وإذا هم يأتيهم لهب من أسفل منهم ، فإذا أتاهم ذلك اللهب ضوضوا ، قال : قلت لهما : ما هؤلاء ؟

فقال : انهم الزناه والزواني .

كما ورد عن الصحابه والتابعين فى الزنا اقولا نذكر منها:

و عن عطاء في تفسير قوله تعالى عن جهنم : ( لها سبعة ابواب ) قال : اشد تلك الابواب غما و حرا و كربا و انتنها ريحا للزناه الذين ركبوا الزنى بعد العلم.

و عن مكحول الدمشقي قال: يجد اهل النار رائحه منتنه فيقولون : ما وجدنا انتن من هذه الرائحه ‍‍. فيقال لهم : هذه ريح فروج الزناه .

وورد ايضا : ( ان من زني بامراه كانت متزوجه ,كان عليها و علية فى القبر نصف عذاب هذه الامه

ولتتضح الأمور علينا ان نعرف الزنا تحديدا حتى نعلم ما هو الزنا ومن يعدوا زناه ويجب عليهم الحد .

الزنا الموجب للحد :هو الاتصال الجنسي الغير مشروع . ويقر بولوج الذكر فى فرج محرم ولو لم يحدث انزال.

وعلى قدر الجرم يكون العقاب

فعلى قدر بشاعة جريمة الزنا وسوء عاقبتها على الفرد والمجتمع فان الله عزو وجل قد حد لها حدا قويا ليكون رادعا ويكون من يقام عليه الحد هو عبره لمن تسول له نفسه ان يقع فى هذا الجرم .

ولنتحدث عن حد الزنا بالتفصيل المره القادمه ان شاء الله

وجزيتم خيرا بقراءة بحثنا المتواضع

هدانا الله واياكم لصالح الاعمال واعاذنا واياكم من سوء العمل والخاتمه

.زينب بنت خزيمه

2008-10-06T08:14:00.000-07:00

زينب بت خزيمه

كانت تلقب بأم المساكين لأنها كانت رحيمة بالمساكين جدا

وكانت متزوجه من عبيده بن الحارث بن المطلب من أولاد أعمام النبي

وبعد استشهاده تزوجها الرسول عليه الصلاة والسلام

لكنها ماتت بعد فتره قصيرة جدا تقريبا شهرين

وفى الشهرين كانت ضيفه خفيفة على زوجات الرسول

ولم تسبب لهن في أي أذى وفارقت بيت النبوة والحياه

وتركت فى نفوس الجميع الذكرى الطيبه.

رمضان

2008-09-24T04:52:00.000-07:00

تحدثنا عن الصيام عامةمن قبل ونتحدث الان عن صيام الفرض

والفرض الوحيد فى الصيام هو شهر رمضان .

حكمه : واجب بالكتاب والسنه والاجماع .

فى الكتاب نجد قول الله تعالى : يا أيها الذين أمنوا كتب عليكم الصيام كما كتب على اللذين من قبلكم لعلكم تتقون .
وقال تعالى : شهر رمضان الذي أنزل فيه القرءان هدى للناس وبينات من الهدى والفرقان فمن شهد منكم الشهر فليصمه .
واما من السنه فالادله كثيره ونذكر منها قول رسول الله صلى الله عليه وسلم : بني الاسلام على خمس : شهادة ان لا اله الا الله وأن محمدا رسول الله وإقام الصلاه وايتاء الزكاة وصيام رمضان وحج البيت .
وعليه ما سبق اجمع العلماء على وجوب صيام رمضان وأنه احد اركان الاسلام ومن ينكر ذلك يعد كافرا
وقد نزل الامر بصيام رمضان وفرضه على المسلمين يوم الاثنين فى الثاني من شعابن للسنه الثانيه من الهجره

بعد كده يا اخواني نتكلم عن فضل رمضان وصيامه كما ورد فى السنه:

عن أبي هريره : أن النبي صلى الله عليه وسلم قال : لما حضر رمضان . قد جاءكم شهر مبارك افترض عليكم صيامه تفتح فيه أبواب الجنة وتغلق فيه أبواب الجحيم وتغل فيه الشياطين . فيه ليله خير من ألف شهر من حرم خيرها فقد حرم . رواه أحمد والنسائي والبيهقي.

وقال ايضا رسول الله : انه فى رمضان ينادي فيه ملك : يا باغي الخير أبشر ويا باغي الشر أقصر حتى ينقضي رمضان .

وقال : ا لصلوات الخمس والجمعه الى الجمعه ورمضان الى رمضان مكفرات لما بينهن إذا اجتنبت الكبائر . رواه مسلم
ويقول رسول الله صلى الله عليه وسلم : من صام رمضان وعرف حدوده وتحفظ مما كان ينبغي أن يتحفظ منه كفر ما قبله . رواه احمد والبيهقي بسند جيد .

وعن أبي هريره قال : قال رسول الله صلى الله عليه وسلم : من صام رمضان إيمانا واحتسابا غفر له ما تقدم من ذنبه . رواه أحمد وأصحاب السنن .

طيب ده شفنا رمضان وصيامه وفضله علينا نشوف بقى الى مش هايصوم يبقى ايه ؟؟؟

قال رسول الله صلى الله عليه وسلم : عرى الإسلام وقواعد الدين ثلاثه عليهن اسس الإسلام من ترك واحدة منهن فهو بها كافر حلال الدم : شهادة أن لا إله إلا الله والصلاة المكتوبه وصوم رمضان . رواه أبو يعلى والديلمي وصحهه الذهبي
( عرى بضم العين وفتح الراء : جمع عروه والمقصود اساس )

وعن أبي هريرة : أن رسول الله صلى الله عليه وسلم قال : من أفطر يوما فى رمضان في غير رخة رخصها الله له لم يقض عنه صيام الدهر كله وإن صامه . رواه أبو داود ابن ماجه والترمذي .

أركان الصوم

وللصيام ركنان هم اساسه

اولا : الامساك عن المفطرات من طلوع الفجر إلى غروب الشمس .

لقوله تعالى : فالآن بشروهن وابتغوا ما كتب الله عليكم وكلوا واشربوا حتى يتبين لكم الخيط الابيض من الخيط الأسود من الفجر ثم أتموا الصيام إلى الليل.

والمقصود بالخيط الابيض والخيط الاسود كما فسره رسول الله لعدي بن حاتم انما هما سواد الليل وبياض النهار .

ثانيا : النيه : لقوله تعالى وما أ/روا إلا ليعبودوا الله مخلصين له الدين .

وقول رسول الله صلى الله عليه وسلم : إنما الأعمال بالنيات وإنما لكل امريء ما نوى .

والنيه تجب قبل الفجر في اي وقت من الليل كل ليله من ليال الصيام
لحديث رسول الله عن حفصه بنت عمر : من لم يُجْمِع الصيام قبل الفجر فلا صيام له . رواه أحمد وأصحاب السنن وصححه ان خزيمه وابن حبان .
( يجمع – بضم الياء وكسر الميم – اي احكم النيه والعزيمه )

والنيه محلها القلب فلا تجب باللسان ويعد السحور نيه فهو يتسحر بنية الصيام .

اما فى صيام النوافل فقد ذهب بعض الفقهاء الى جواز تأخير النيه لجزء من النهار
لما روي عن رسول الله عن عائشه انه دخل يوم ولم يكن طعم فيه وفقال : هل عندكم شيء؟ قلنا : لا . قال رسول الله فإني صائم . رواه مسلم وأبو داود

على من يجب الصيام ؟؟؟؟

يجب الصيام على المسلم العاقل البالغ الصحيح المقيم .

كما يشترط للمرأه الا تكون حائض او فى نفاس .

بالطبع المجنون لا يجب عليه الصلام فهو مرفوع عنه القلم .

كما جاء فى حديث رسول الله : رفع القلم عن ثلاثة : عن المجنون حتى يفيق وعن النائم حتى يستيقظ وعن الصبي حتى يحتلم . رواه احمد وأبو داود والترمذي

اما بالنسبه للصبي فانه لا تجب عليه الصيام ولكن واجب على وليه تعليمه الصيام وتعويده عليه فيصوم قدر استطاعته ويفطر ان تعب حتى يكون الامر تدريجى

اما من يرخص له الفطر وتجب عليهم الفديه :

الشيوخ – والمريض الذي لا يرجى شفاؤه . وأصحاب الأعمال الشاقه الذين لا يجدون لها بديلا من الرزق .ويشق عليهم الصيام فى جميع فصول السنه ولكن تجب عليه الفديه وهي اطعام مسكينا عن كل يوم افطار ويحدد الافطار حسب المكان والزمان . ورخص بعض الفقهاء لهؤلاء الفديه دون القضاء

والحامل والمرضع هناك من رخص لها الافطار ان خافت على اولادها والفديه فقط بالاطعام مسكين عن كل يوم
وهناك من قال عليها القضاء فقط وهناك من قال قضاء وفديه. والاختلاف رحمه لكم الاختيار بين الاراء
ويجب القضاء فقط على المريض المرجو شفاؤه والمسافر والذين قال فيهم عز وجل : فمن كان مريضا أو على سفر فعدةمن أيام اخر .

وهنا من يجب عليهم الفطر مع قضاء ما فاتهم :

وهن الحائض والنفساء حيث يحرم عليهم الصيام ولا يصح ويقع باطلا ولكن عليها القضاء بعد رمضان.
فقالت عائشه في ذلك : كنا نحيض على عهد رسول الله صلى الله عليه وسلم فنؤمر بقضاء الصوم ولا نؤمر بقضاء الصلاة .

الايام المنهي عن صيامها

- صيام العيدين وفى ذلك اجماع سواء كان فى ذلك فرضا أو تطوعا

- النهي عن صوم أيام التشريق : وهي الايام الثلاثه التى تلي عيد الاضحى لما رواه ابو هريره ان رسول الله ارسلعبد الله بن حذافه يطوف في منى : أن لا تصوموا هذه الايام فإنها أيام أ:ل وشرب وذكر الله عز وجل . رواه أحمد باسناد جيد
وهناك بعض الفقهاء من اجاز الصيام فى أيام التشريق ان كان قضاء فرضا او نذرا

-كما نهي رسول الله عن صيام يوم الجمعه منفردا او السبت منفردا .

-ونهى ان صوم يوم الشك : فعن أبوهريره أن النبي صلى الله عليه سوم قال : لا تقدموا صوم رمضان بيوم ولا يومين إلا أن يكون صوم بصومه رجل فليصم ذلك اليوم . رواه الجماعه.
ويوم الشك هو اليوم الذي يسبق رمضان
ونهنا ايضا رسول الله عن صيام الدهر : فقال ( لا صام من صام الأبد . روه أحمد والبخاري ومسلم .
بمعنى لا يصح ابدا ان يصوم كل أيام عمره .

النهي عن صيام الزوجه وزوجها حاضر الا باذنه طبعا للنوافل فقط.

فيقول رسول الله فى هذا : لا تصم المرأه يوما واحدا وزوجها شاهد إلا باذنه إلا رمضان . رواه أحمد والبخاري ومسلم

ربنا يتقبل رمضان صياما وقياما ويجعلنا من المعتوقين من النار فى هذه الايام الكريمه

وكل عام وانتم بالف خير وصحه

الصيــــــــــــــــــــــام

2008-09-17T07:51:00.000-07:00

الصيام : الامساك عن المفطرات من طلوع الفجر الى غروب الشمس مع النيه .

( المفطرات : الطعام والشراب والجماع )

نشوف ايه فضل الصيام كما علمنا رسول الله :

عن ابي هريره : أن رسول الله صلى الله عليه وسلم : قال الله عز وجل : كل عمل ابن آدم له إلا الصيام فإنه لي وأنا أجزي به .
والصيام جنه فاذا كان يوم صوم أحدكم فلا يرفث ولا يصخب ولا يجهل فأن شاتمه أحد أو قاتله فليق : إني صائم . مرتين والذى نفس محمد بيده لخلوف فم الصائم أطيب عند الله يوم القيامه من ريح المسك وللصائم فرحتان يفرحهما أذا فطر فرح بفطره وإذا لقي ربه فرح بصومه .
رواه احمد ومسلم والنسائي

نتكلم عن الحديث ده ونفهمه واحده واحده :

طبعا قول الله تعالى( الا الصيام فإنه لي ) طبعا ده فى تشريف للصيام لوصفه بكونه لله تعالى .
بعد كده يجى قول رسول الله :
يقول رسول الله الصيام جنه : يعنى مانع من المعاصي ( أي معاصي ) مش حاجه واحده بس . عشان انا باسمع كلام عجيب فى الموضوع ده .
وبعدين يعلمنا رسول الله نصوم ازاي ( طبعا فضلا عن الامتناع عن المفطرات السابقه) فان الرسول نهى عن ايه : ( لا يرفث : لا يفحش فى القول ) – ( لا يصخب : لا يصيح ) – ( لا يجهل : أي لا يسفه )
وكمان ايه لو حد شتمه او حد اتشااااااااكل معاه يقوله انا صائم مرتين ( مش يشتم ويضرب وبعدين يقول يوووووووووووه اللهم انى صايم يا اخي ).
يعنى ما يقولش كلام وحش ما يزعقش بشكل وحش ويبقى عاقل ومحترم ومؤدب ومسالم . ده هو وصف الصائم بصحيح
مش الى ماشي يشاكل دبان وشه احسن صيام بقى وما شربش كوباية الشاي والسيجاره الصبح .
المهم نكمل شرح الحديث:
ثم يقسم رسول الله بربه بان خلوف فم الصائم (أي تغير رائحه الفم بسبب الصوم ) اطيب واحب الى الله من رائحه المسك .
وطبعا بعد كده وصف فرحتى الصائم بفطره فى الدنيا وصيامه فى الاخره.

وعن عبد الله بن عمرو ان النبى صلى الله عليه وسلم قال : الصيام والقرآن يشفعان للعبد يوم القيامه يقول الصيام : اي رب منعته الطعام والشهوات بالنهار فشفعنى فيه . ويقول القرآن : منعته النوم بالليل فشفعنى فيه فيشفعان .
رواه احمد بسند صحيح

وعن أبي امامه قال أتيت رسول الله فقلت : منى بعمل يدخلنى الجنه . قال : عليك بالصوم فإنه لا عدل له . ثم أتيته الثانيه فقال : عليك بالصيام . رواه أحمد والنسائي والحاكم وصححه .( لا عدل له أي لا مثل له )

ويقول رسول الله : لا يصوم عبد يوما فى سبيل الله إلا باعد الله بذلك اليوم النار عن وجهه سبعين خريفا . رواه الجماعه الا أبا داود

ويقول ايضا رسول الله صلى الله عليه وسلم : إن للجنه بابا يقال له : الريان يقال يوم القيامه : أين الصائمون ؟ فإذا دخل آخرهم أغلق ذلك الباب . رواه البخاري ومسلم

ده عن الصيام عامة يا شباب ان شاء الله المره الجايه نتكلم عن الصيام الفرض وهو صيام رمضان ان شاء الله .

حفصة بنت عمر بن الخطاب

2008-08-02T18:24:00.000-07:00

ولدت حفصه قبل نزول الرسالة بحوالي خمس سنين وكان متزوجه قبل الرسول عليه الصلاة والسلام مرتين

ولما مات زوجها الثاني خنيس بن حذيفه السهمي وكانت ما زالت سنها صغير فراح أبوها عمر وعرضها على عثمان وكان وقتها زوجته رقيه بنت الرسول عليه الصلاة والسلام لسه متوفيه قريب

فرد عليه عثمان : ما أريد أن أتزوج اليوم .

فراح لابو بكر وعرضها عليه برضه فسكت و ماردش عليه

وغضب جدا عمر منهم وراح يشتكى لرسول الله صلى الله عليه وسلم من الى حصل منهم

فقال الرسول(يتزوج حفصه من هو خير من عثمان ويتزوج عثمان من هى خير من حفصه)

فطبعا فهم بسرعة قصد الرسول وفرح جدا لان الرسول هيتزوج من بنته وفعلا تم الزواج وكان وقتها في بيت الرسول سوده بنت زمعه وعائشة
بس حفصه كانت ذكيه فعقد العزم من أول يوم على أن تكون صديقه لعائشة أليفه لها ده لان أبوها وصاها بكده لأنه يعرف مدى حب الرسول لعائشة ويعرف أن إلى يرضى عائشة كأنه رضى الرسول عليه الصلاة والسلام

ورغم أن عائشة كانت طبعا لما علمت بزواج الرسول من حفصه كان بها غيره عظيمة لان حفصه كانت صغيره وجميلة ولأبوها مكانه في نفس رسول الله ليست هينة لكن بعد فتره اصبحوا حميمات لبعض جدا وكانوا متفقين خاصة لما البيت دخله نساء أخريات غيرهم وسوده كان موقفها من حفصه عادى جدا وكانت بتحبها

المهم حفصه كانت طيبه جدا وكانت بتسمع كلام عائشة وفى مره اتفقوا على رسول الله ومعاهم سوده بعد ما الرسول تزوج من زينب بنت جحش وكانوا بيغيروا منها
فكانوا كل ما يدخل عند واحدة منهم يسألوه :أكلت مغافير؟؟
فيرد الرسول :لا ولكن اخذ شربه عسل عند زينب.
فيقولوا :فقد رعت النحلة في حقل مغافير .
والمغافير دى ثمره كان ليها رائحة الرسول عليه الصلاة والسلام مش بيحبها فحرم الرسو ل عليه الصلاة والسلام العسل إلى عند زينب . أصلهم برضه كانوا ستات يعنى.

بس في واقعة حصلت من المؤامرات بتاعه عائشة وحفصه خلت الرسول عليه الصلاة والسلام غضب جدا من حفصه ويقال انه طلقها طلقه واحدة بسبب الموضوع ده
إيه بقى هو:حصل إن ماريه قصدت بيت الرسول عليه الصلاة والسلام وكان لها بيت لوحدها بعيد عن باقي الزوجات إلى كان بيوتهم بجوار المسجد
المهم راحت وكانت حفصه في زيارة أبوها ولما رجعت حفصه وجدت ستر مسكنها مسدلا(يعنى الستار إلى على الباب مقفول)وعلمت أن ماريه مع الرسول داخل مسكنها
فعصفت طبعا الغيرة بقلب حفصه وظلت جالسه تنتظر خروج النبي وكلما مر الوقت ازداد غضبها
أول ما خرجت ماريه لم تتمالك حفصه نفسها ودخلت على رسول الله تقول: ( لقد رأيت من كان عندك ، والله لقد سببتنى وما كنت لتصنعها لولا هواني عليك .
فلما شاف الرسول حاله حفصه استرضاها وترفق بها حتى انه اقسم لها أن ماريه حرام عليه إن هي نست إلي حصل ده واحتفظت به لنفسها ولم تخبر به أحد
طبعا حفصه ارتاحت جدا لان زوجات الرسول كلهم كانوا بيغيروا من ماريه القبطية لأنها الوحيدة إلى خلف منها الرسول بعد السيدة خديجه
وفضلت حفصه ماسكه نفسها مش عايزه تقول لعائشة لكن مفيش فايده قالت برضه لعائشة عشان تفرحها إن الرسول حرم ماريه عليه وطبعا عرفت ليييييه
بس بقى إذا كانت حفصه زعلت لاختلاء الرسول بماريه فى مخدعها فان ثوره عائشة كانت لأن ده كان في يومها.
و طبعا الخبر انتشر والرسول عرف طبعا وراح سال حفصه واعترفت إنها أفشت السر وزوجات الرسول كلهم ثاروا
وقلن في ذلك : صبرنا على إيثار الرسول لابنة أبى بكر وما بقى إلا تلك الامه القبطية فأي هوان .
ويقال أن الرسول طلق حفصه في هذه الوقعة ولكنه راجعها بأمر من جبريل
حيث قال ارجع حفصه فإنها صوامه قوامه وانها زوجتك في الجنة.
وطبعا رجعت حفصه وهى نادمه فعلا على ماحصل منها في حق رسول الله .
وكان من نصائح أبوها لما عرف من زوجته إن حفصه تراجع رسول الله في قوله(يعنى تناقشه وتعارضه ) فراح وسألها هل تفعل فقالت : والله لاراجعنه . يعنى تفعل ذلك،
مش بقى فرح وقالها أيوه كده خدي حقك زي ما بيعمل ابهات الأيام دى لا
قالها : تعلمين إني أحذرك عقوبة غضب الله وغضب رسول الله يا بنيه لا يغرنك هذه التي أعجبها حسنها وحب رسول الله لها(يقصد عائشة) والله لقد علمت إن رسول الله لا يحبك ولولا أنا لطلقك .
كمان في مره كان في مشكله بين الرسول وحفصه وسيدنا عمر أتدخل فيها فقال الرسول حدث كذا وكذا فذممته حفصه يعنى قالت له بذمتك؟
فطبعا سيدنا عمر غضب جدا جدا ما استحملش قام ضربها بالقلم وقالها انت بتكذبى رسول الله فزعل منه الرسول عليه الصلاة و السلام لأنه كان مش بيحب العنف ده .

وفى حاجه بقى ظريفة جدا من ضمن مؤامرات عائشة و حفصه
كان وصل لعلمهم أن الرسول عليه الصلاة والسلام سيتزوج من اسماء بنت نعمان الكندية من نجد وكان عرضها أبوها على النبي ووافق النبي
وفعلا بدأت تستعد للزواج في أحد بيوت بنى سعده ولما عرفوا زوجات الرسول وانتقلت لهم أخبار أنها جميلة وصغيره فذهبوا إليها وقالوا لها إذا أردت أن تكوني ذات حظوة عند النبي فإذا دخل عليك فقولي إني أعوذ بالله منك فان ذلك يسره ويعجبه
وعملت أسماء بنصيحة النساء وفعلا لما دخل الرسول عليها قالت أعوذ بالله منك فاستدار الرسول عنها وهو يقول عذت بمعاذ عذت بمعاذ .
يعنى انك لجأت لمن يلجا إليه
ثم أمر برد أسماء إلى أهلها ولما أهلها حكولوا إلى حصل ابتسم الرسول ولم يرجع في رأيه.
بس وكانت حفصه كثيرة الصوم والصلاة والقيام وحفظت القرآن وتعلمت القراءة والكتابة دون غيرها من زوجات النبي وكان عندها أول نسخه من القرآن وفضلت عندها لحد ما ماتت في المدينة وعمرها ستين سنه في عهد معاوية ابن سفيان ودفنت في البقيع.
رحم الله حفصه الصوامه القوامه زوج رسول الله فى الجنه وام المؤمنين رضي الله عنها وارضاها
واتمنى ما اكونش طولت عليكم وجزيتكم خيرا عنا بحسن المتابعه

من خبب امرأه على زوجها

2008-06-30T13:09:00.000-07:00

عن ابي هريرة رضى الله عنه قال: قال رسول الله صلى الله عليه وسلمL ليس منا من خبب امرأه على زوجها او عبدا على سيده)

وفي رواية اخرى: (من خبب عبدا علىأهله فليس منا ومن افسد امرأة على زوجها فليس منا)

اخوتي الافاضل فى موضوعنا هناقش معنى الحديث وما يتعلق به من آثار على مجتمعنا واسرنا .
كلنا نسمع دائما عن المرأه اللعوب التى خطفت زوج من اسرته وكانت احد اوأقوى اسباب انهيار اسره مستقره.
ولكن هل فكرنا يوما فى رجل يفعل هذا؟؟ اعتقد ان اللوم هنا يوجهه المجتمع على الزوجه الخائنه أو الهوائيه التى تركت اولادها واسرتها وزوجها وخانة ثقة زوجها حتى وان لم تقع فى خطيئة الزنا .

هى بالفعل مخطأه خطأ كبير ولكن هل هى فقط المخطأه ؟؟؟

بالطبع لا فان هناك رجل كان له دور فى ذلك . ومن هنا جاء حديث الرسول الناهي عن افساد امرأه على زوجها.
فيا اخى فى الله ان قابلتك زوجه تشكى حالها فقل لها كما قال الرسول عليه الصلاة والسلام لزيد بن حارثه اتقى الله وامسك عليك زوجك.

ولتكن انت بردا وسلاما على حياتها واتخذها اختا فى الله وان لم تستطع معها سبيلا فاتركها لحالها ولا تقع فى هذا الخطأ الذى نهانا عنه رسول الله وكن سببا فى صلاح اسره لا في خرابها .

وقد يقع بعض الاخوه فى هذا دون ان يدروا فارجوا ان نتوخى الحذريا اخوتي فى الله

وبالنسبه للاخوات فيا اختى ليس من اللائق ابدا ان تشكوا حالك او حتى تتحدثى عن حياتك الشخصيه مع رجل اجنبي عنك بدعوى انه صديق او زميل عمل او او مهما كان المسمى فلتكن علاقتك بالرجال فى محيط عملك وحياتك اخوه فى الله لا تخرج عن نطاق رسمي ولا تسمحى لاحد ان يفسد حياتك وان قابلك من يحاول ان يخبب نفسك على زوجك وحياتك فاعلمى انه ليس اهلا للثقه واعلمى انه ليس منا مهما كان الستار الذي يختبأ وراؤه من هاله دينيه فى كلامه او نصح او ادعاء بالعلم ببواطن الامور .

واحب ان اوضح نقطه ان هذه حال من يفسد امرأه على زوجها يمكن بمجرد الكلام فما حال من يدخل فى علاقه مع متزوجه ويوعدها بالزواج منها انت تركت زوجها وما الى ذلك..... اظنه ابشع وابشع فقد ناهنا رسول الله عن الخطبه فوق الخطبه فما بالك بهذا الوضع المشين؟؟

واختى فى الله انك كنت لا ترضين عن زوجك وحياتك فلتصلحيها وان اردت الانفصال عن زوجك فحفظا لكرامتك ودينك تطلقى اولا قبل البحث عن زوج آخر.

واكيد كمان مش بس الرجل هو من يفسد امرأه على زوجتها . لا فاحذروا يا اخواتي الافاضل فلا تكوني انتى من تشغل النار او حتى تغذيها فى بيت اختها وصديقتها وابنتها .

واحذري من اي كانت دورها فى حياتك ان وجدتي انها تمد لك يدها بالنار داخل بيتك واتقى الله فى زوجك وبيتك ونفسك

واخيرا اذكركم بقول رسول الله : عف عن الناس يعف الله عنك( اي يعفف الناس فى اهلك)

شارب الخمر ( الجزء التاني)

2008-06-23T05:52:00.000-07:00

زي ما قلنا يا شباب المره الى فاتت هانعرف النهارده نعمل ايه فى الى يشرب خمر او مخدرات او يعنى نقول المفروض نعمل فيه ايه ؟؟

حد شارب الخمر:

قال رسول الله صلى الله عليه وسلم:( من شرب الخمر فاجلدوه فإن عاد فاجلدوه فإن عاد فاجلدوه فإن عاد فاقتلوه فى الثالثه او الرابعه فأتى برجل قد شرب فجلده ثم أتى به فجلده ثم أتى به فجلده ثم اتى به فجلده ورفع القتل وكانت رخصه)
وحد الجلد ثابت ولكن الخلاف على عدد الجلد ولكن المتبع من الرسول والصحابه من 40 الى 80 جلده حسب رأي ولي الامر او المنوب فى ذلك القاضي مثلا .
يعنى اقلها جلد اربعين جلده يا جميل وممكن لو طولت معاك الحكايه نقتلك ونخلص بقى.

بم يثبت الحد؟

1- الإعتراف 2- شهادة شاهدين عدل( موثوق فيهم يعنى)

شروط اقامة الحد:

1- العقل: لازم يكون عاقل مش مجنون يعنى

2- البلوغ: لازم يكون بالغ لانه مقترن بالتكليف

3- الاختيار: لازم يكون شاربها برغبته مش مجبر على ذلك مثلا
فقد قال رسول الله : ( رفع عن أ متي الخطأ والنسيان وما استكرهوا عليه)

4- العلم بأن مايتناوله خمر : يعنى يكون عارف ان الى هو شربه ده خمر مش يكون شربه عن خطا لان القاعده ان الشبهه ترفع الحد

وعلى فكره لا يشترط الحريه والاسلام : يعنى سواء اكان حر ام عبد من جهه او كان مسلم او مسيحى او يهودي او غير ذلك من جهه اخرى ما دام مقيم فىالدوله المسلمه يقام عليه الحد

وعلى فكره الخمر محرمه المفروض عند النصرانيين واقولكم حاجه كمان ظريفه امريكا حوالي سنه 1919 الحكومه منعت الخمور واستعملت جميع الوسائل فى ذلك محاضرات ومجلات وصور وسينما وبيانات طالعه كل يوم لبيان مضارها ومفاسدها وسنت قوانين بقى لمنع شربها وتداولها لما فيها من مفاسد واضرار

تعالوا نشوف صرفت كام؟

الدعايه لذلك 60 مليون دولا -- كتب ونشرات 10 مليوه دولار -- ما انفق في سبيل تنفيذ القوانين 250 مليون
وايه كمان؟ أعدم فيها 300 نفس – وسجن 532 نفس وبلغت العرامات 16 مليون جنيه وصادرت املاك ب 400 مليون ولكن كل ده ما نفعش معاهم تقريبا الحكومه قالت خليهم يتفلقوا ويولعوا بقى فى بعض ولغت قوانين التحريم سنه 1933 وبس

واظنهم لو كانوا نفذوا الدين كانت الناس هاتنصاع اكتر لربنا اكتر من قوانينهم وياريت احنا نحترم بقى القانون الالهى الى ادرى بينا منا

وفي النهايه نفسى اعرف ليه الناس الى بتعمل كده يعملوا كده مش عارفه وعموما ربنا يهدى الجميع
وبالله عليكم السجائر مش حاجه سهله حرااااااااام وكمان حرام عليكم فى كل ده نفسكم واهلكم
ولو كنتم جربتوا تعيشوا بره او حتى هنا للاسف تعرفوا كام حادثه بتحصل كل يوم سببها ان مرتكبيها كانوا مخمورين او عقلهم مش معاهم لاى سبب ويمكن 90 فى المائه من مصايبهم هناك السكر عشان السكران بيغتصب بنته ويقتل ابنه ويسرق وينسى حاله وماله وعرضه .
والسؤال هو لييييييييييييييه نعمل كده فى نفسناااااااااااااااااا؟ ايه يستاااااااااهل؟
مش عارفه ربنا يعفينا ويهدينا جميعا الى حق عبادته وينير قلوبنا بالايمان
واتمنى الا اكون قد اثقلت عليكم ولا تنسونا بالدعاء بظهر الغيب

شارب الخمر (الجزء الأول )

2008-06-13T12:18:00.000-07:00

تعريف الخمر: الخمر هى سائل يصنع عن طريق تخمير العصائر او الحبوب او الفواكه حيث يتحول النشا فيها او السكر الى كحول بواسطة بكتريا التخمر وقد اخذت الاسم منه.

فعل الخمر: الخمر تسكر وتذهب العقل وتفقد الانسان وعيه تدريجيا حسب الكميه التى يتاناولها وتأيرها له ولكن لا شك انها تذهب ببعض عقله حتىلو كانت كميه قليله منها.

تحريم الخمر:
لما نكون بنعلم الطفل ياكل مثلا لازم يكون ده تدريجى وفى الاول بنتسامح معاه انه يوقع لحد ما يجى وقت ونقوله ما توقعش على هدومك بقى خلاص
عشان كده من عظمة رسالة الرسول عليه الصلاة والسلام انها كمان كلها علىالعموم كانت تدريجيه عشان تقدر تغير عادات وتقاليد شعب وامه كامله وكان تحريم الخمر تدريجيا فعلا ازاي الكلام ده هانشوف
اول آيه فى تحريم الخمر نزلت على الرسول عليه الصلاة والسلام بعد الهجره فىالمدينه يعنى وهى:( يسألونك عن الخمر والميسر قل فيهما إثم كبير ومنافع للناس وإثمهما أكبر من نفعهما) يعني الاول بتعرفنا الايه انها اولا شرب الخمر خطأ وان ذنبها اكبر من فوائدها اذا كانت تجاره ولا دواء ولا حتى مزاج المهم الايه دى فيها ترجيح للتحريم وليس تحريم قاطع. فقال بعض الناس نشربها لفوائدها وقال البعض لا طالاما فيها اثم ما نشربهاش.
بعد كده نزل التحريم التانى للخمر وهو التحريم فى الصلاه قال تعالى(يأيها الذين آمنوا لا تقربوا الصلاة وأنتم سكرى حتى تعلموا ما تقولون......) ده تانى حاجه بنقول الخمرا بتذهب بعقلكم ما يصحش تصلوا لربنا وانتم كده وكان سبب نزولها ان رجلا صلى وهو مخمور فقال ( يا ايها الكافرون اعبد ما تعبدون ) بدلا من لا اعبد ما تعبدون. فقال البعض نشربها ونقعد فى البيت وفى تانيين قالو لا خير فى شيء يحول بننا وبين الصلاه مع المسلمين.
واخيرا نزلت آيه التحريم القطعى للخمر حيث قال تعالى( يأيها الذين آمنوا إنما الخمر والميسر والأنصاب والأزلام رجس من عمل الشيطان فاجتنبوه لعلكم تفلحون . انما يريد الشيطان أن يوقع بينكم العداوة والبغضاء فى الخمر والميسر ويصدكم عن ذكر الله وعن الصلاة فهل انتم منتهون؟.....).(رجس: خبيث )
نفهم بقى الايه الاول بنقول ان الخمر ده حاجه وحشه وثانيا انها من عمل الشيطان ووسسته لينا وثالثا ما دام هى كده تبقى من الواجب اجتنبها والبعد عنها ورابعا بقى توضيح كده بمراد الشيطان من ذلك ايه انه يوقع بينكم العداوه والبغضاء ويلهيكم كمان عن ذكر الله والصلاه وفى الاخر بقى بيقولنا ايه فهل انتم منتهون؟
تمام كده وصلت ان التحريم بقى قطعى فى مسألة الخمر تمام؟

ده كان التحريم فى القرآن نشوف بقى الرسول عليه الصلاة والسلام قال ايه فى الخمر وشاربها:

عن انس قال رسول الله صلى الله عليه وسلم: ( لعن فى الخمر عشره: عاصرها ومعتصرها وشاربها و حاملها والمحموله اليه وساقيها وبائعها وآكل ثمنها والمشترى لها والمشترى له) صدق رسول الله

وقال رسول الله ايضا : كل مسكر خمر وكل خمر حرام .

وعن روايه مسلم عن جابر ان رجلا جاء من اليمن سأل رسول الله عن شراب يشربونه بارضهم من ا لذره يقال له (المزر)بكسر الميم فقال رسول الله : امسكر هو؟ قال الرجل نعم فقال رسول الله :( كل مسكر حرام.....إن على الله عهدا لمن يشرب المسكر أن يسقيه من طينه الخبال ) قالو يا رسول الله وما طينة الخبال؟
قال : عرق اهل النار أو عصارة اهل النار.

وقال رسول الله ايضا: إن من العنب خمرا وإن من التمر خمرا وإن من العسل خمرا وإن من البر ( القمح) خمرا وإن من الشعير خمرا )
وقال : ما أسكر كثيره فقليله حرام.

وطبعا اكيد اكترنا عارف الكلام ده ومافيش فيه نقاش ولا اختلاف على حرمانيه الخمر قليله وكثيره

نيجى بقى لشبيهتها فى زمننا الجميل وهى المخدرات تفتكروا المخدرات حرام نفس درجة تحريم الخمور؟؟؟
الاجابه هى ليه لا ؟
هى مش الخمور دي محرمه لانها تغيب العقل اظن كمان المخدرات لا تقل عنها مفسده
تعالو نشوف بن تيميه قال ايه فيها( إن الحشيشه حرام يحد متناولها ما يحد شارب الخمر وهى أخبث من الخمر من جهة أنها تفسد العقل والمزاج ....... ) الىاخره من نفس الكلام المقال عن الخمر وانواعه.

وطبعا الخمر والمخدرات وكل ما يندرج باسمها حرام الا تجار فيها فقال رسول الله صلى الله عليه وسلم
: ( ان الله حرم بيع الخمر والميته والخنزير والاصنام) وبما اننا ادرجنا المخدرات تحت بند المسكرات يبقى هى تاخد نفس حكم الخمر فى التجاره برضه يعنى حرام
وطبعا زراعة النباتات للغرض ده برضه حرام وكمان صناعتها كله بقى لكن اكيد زراعة العنب للاكل مش حرام ان عشان الخمور حرام طبعا وقيس على ذلك بقى كل النباتات والصناعات والى بيقدموها وكل الناس الى المشتركه فىالجريمه يبقى حرام
الحاجه بقى الى يمكن ما تعرفهاش تخص السجائر انا عن نفسى عرفتها قريب ان فى بعض العلماء حرموا السجائر مش عشان ضرر النفّس بس ولا الكلام ده لا عشان بيدخل فى تصنيعها الخمور . يبقى حتى استعمالها فى تصنيع اي شيء يحرم هو والمنتج كمان . وطبعا طريقة تصنيع الدخان وتخميره معروفه وفعلا بيستعمل فيها كحوليات.

ومن أطرف الحاجات الى سمعتها واحد بيقولى لا لا مش خمور ده سبرتو!!!!!!!!!!!!؟؟؟؟؟؟؟؟؟ مش عارفه هو السبرتو ده مش كحول؟ ولا تفتكر يكون شربات ورده؟ ؟؟؟؟ المهم اللهم بلغت اللهم فاشهد يا جماعه السجائر صحيح مختلف عليها لكن انا مقتنعه انها حرام ده غير انها مقرفه اصلا والله العظيم انتم رجاله وكبار وروشين وكل حاجه من غير البتاعه المقرفه الى ماسكينها فى ايديكم . وكفايه المصيبه الى بقت فى الدنيا البنات الى ماشين ماسكين سجائر كمان ان شاء الله هايخلفوا عيال هبله من كده وربنا يعافينا كلنا يااااااااااااارب ويتوب علينا قولوا آآآآآآآمين يا مسلمين.

خلينا نشوف بقى المفروض نعمل فيهم ايه الى فاتوا كلهم الخمور والمخدرات ؟؟؟ ده ان شاء الله البوست الى جاي الجزء ا لتاني من شارب الخمر

وجزيتم خيرا عنا

المنجيات من عذاب القبر

2008-06-07T07:48:00.000-07:00

عن عبد الرحمن بن سمرة رضى الله عنه قال:

خرج علينا رسول الله صلى الله عليه وسلم ذات يوم ونحن فى مسجد المدينة

(فقال : أنى رأيت البارحة عجبا ...

رأيت رجلا من أمتى جاءه ملك الموت ليقبض روحه فجاءه بره بوالديه فرد عنه

ورأيت رجلا من أمتى قد بسط عليه عذاب القبر فجاءه وضوءه فاستنقذه من ذالك

ورأيت رجلا من أمتى قد أحتوشته الشياطين فجاءه ذكر الله فخلصه منهم

ورأيت رجلا من أمتى قد أحتوشته (احاطت به ) ملائكة العذاب فجائته صلاته فاستنقذته من أيديهم

ورأيت رجلا من أمتى يلهث عطشا كلما ورد حوضا منع منه فجاءه صيامه فسقاه وأرواه

ورأيت رجلا من أمتى والنبيون قعودا حلقا حلقا كلما دنا لحلقة منع منها فجاءه أغتساله من الجنابة فأخذ بيده وأقعده بجنبى

ورأيت رجلا من أمتى من بين يديه ظلمه ومن خلفه ظلمه وعن يمينه وظلمه وعن شماله ظلمة ومن فوقه ظلمة ومن تحته ظلمة فهو متحير فيها فجاءته حجته وعمرته فاستخرجاه من الظلمة وأدخلاه فى النور

رأيت رجلا من المؤمنين يكلم المؤمنين فلا يكلمونه فجاءته صلة الرحم فقالت يامعشر المؤمنين كلموه فكلموه

ورأيت رجلا من أمتى يتقى النار ووهجها بيده عن وجهه فجاءته صدقته فصارت سترا على وجهه وظلا على رأسه

ورأيت رجلا من أمتى قد أخذته الزبانية (ملائكة العذاب ) من كل مكان فجاءه أمره بالمعروف ونهيه عن المنكر فأستنقذه من أيديهم وأدخلاه مع ملائكة الرحمة

ورأيت رجلا من أمتى جاثيا على ركبتيه بينه وبين الله حجاب فجاءه حسن خلقه فأخذ بيده فأدخله على الله

ورأيت رجلا من أمتى قد هوت صحيفته من قبل شماله فجاءه خوفه من الله تعالى فأخذ صحيفته فجعلها فى يمينه

ورأيت رجلا من أمتى قد خف ميزانه فجاءه أفراطه(أولاده الصغار الميتون) فثقلوا ميزانه

ورأيت رجلا من أمتى قائما على شفير جهنم فجاءه وجله من الله فاستنقذه من ذالك ومضى

ورأيت رجلا من أمتى فى النار فجاءته دموعه التى بكى من خشية الله فى الدنيا فأستخرجته من النار

رأيت رجلا من أمتى على الصراط يرعد كما ترعد السفعة فجاءه حسن ظنه بالله فسكن رعده ومضى

ورأيت رجلا من أمتى أنتهى الى أبواب الجنة فغلقت الابواب دونه فجاءئه شهادة أن لاأله الاالله ففتحت له الابواب وأدخل الجنة).

أخرجه الترمذى بأسناد حسن فى نوادر الاصول

اخواتي الاحباء الحديث انا باحبه اوي وقريته يمكن الف مره . واول مره قريته كان ارسله ليا الاخ محمد مصطفى او ابو حفص زي ما كان مسمي نفسه . كان وقتها عمره 16 سنه مش عارفه دلوقتي زمانه اتخرج من كلية الصيدله ما شوفتوش من سنين . كان سبب الله يكرمه ان اتجهت من خلال النت للبحث فيه فى الدين ومحاولة نشر ما اتعلمه .

فى ميزان حسناتك يا محمد اينما كنت .

وشكرا لكم وجزاكم الله خيرا واثابكم عنا

حديث الافك

2008-05-28T05:02:00.000-07:00

قلنا واحنا بنتكلم عن السيده عائشه رضى الله عنها اننا هاتنكلم بعدين عن حديث الافك .
نحكي الحكايه من الاول زي ما حكيتها عائشه رضى الله عنها لكن انا هانقلها بلساني انا تسهيلا للامر
بتحكي عائشه وبتقول : لما كان الرسول عليه الصلاة والسلام يجى يسافر كان ببيقترع بين زوجاته والى تطلع فى القُرعه هى الى بتسافر معاه . ووفى الرمه دي كان الرسول طالع غزوه من غزواته واقترع على الزوجات وكانت عائشه هى الى هتسافر معاه .
وسافرت فعلا وكان وقتها اتفرض الحجاب علي النساء وكانت تحمل فى هودج(حاجه زي الصندوق كده بتبقى على ظهر الجمل )وطبعا ده كان مخصص للنساء فى السفر .

المهم راحوا الغزوه ورجعوا وهما راجعين وكانوا معسكرين فى مكان ولما هموا بالرحيل منه عائشه راحت بعيد تقضي حاجتها ولما رجعت وهى طالعه الهودج انفرط العقد بتاعها فنزلت تلم حباته من على الارض وسرحت شكلها ورا الحبات بعيد شويه جم الناس شالوا الهودج بتاعها وكانت صغيره فى السن وخفيفه ما لاحظوش فرق كبير يعنى شالوا الهودج ورفعوه على الجمل ومشيوا ونسيوها .

فرجعت عائشه لقت مافيش حد فقالت انا هاقعد مكاني فهما لما يحسوا انى مش معاهم هايرجعوا . وغلبها النوم ونامت مكانها .

مر بها فى الوقت ده (صفوان بن المعطل السٌلَمِي) فرأى من بعيد حد نايم فى الظلام فاقترب حتى يتبين مين نايم كل ده وعائشه نايمه ما حستش به الا وهو بيرجع لما شافها وعرفها لانه طبعا كان عارف شكلها قبل ما يضرب الحجاب .

المهم هى حست به وهوما كلمهاش خالص لكن ابتعد واناخ لها الناقه وركبت ومشي بها لحد ما وصلها للجيش مكان ما نزلوا . ولما رجعوا المدينه قعدت عائشه مريضه وفى بيت ابوها ابو بكر رضى الله عنه شهر كامل .

والى حصل ان عبد الله بن أبي سلول اتهمها هى وصفوان بايتاء الفاحشه اعاذنا الله واياكم (لمجرد انه عرف انه هو الى رجعها للقافله ).
والكلام بدأ يتناقل ووصل للرسول عليه الصلاة والسلام ولكن عائشه كانت مريضه وما تعرفش اي حاجه عن الكلام ده غير انها تقول انها كانت تشعر بتغير معاملة الرسول لها ولا تجد منه اللين والحنان الي هى متعوده عليه وخصوصا فى مرضها . وكانت مستغربه .

وبعد شهر لما بدأت تشفى وخرجت مع أم مسطح لتقضي حاجتها (كان زمان مافيش حمام كانوا بيروحوا بعيد كده عن البلد يقضوا حاجتهم والستات كانوا بيروحوا بالليل صحبه كده يخلصوا ويرجعوا صحرا بقى ) المهم عائشه عرفت من ام مسطح الى اتقال عنها .

طبعا عائشه زهلت ورجعت البيت تبكى وازادت مرضا على مرضها وسألت امها وابوها عن صحة الكلام الى سمعته فأمها قالتلها : هون عليكى مافيش ست بتكون جميله ومفضله عند جوزها الا ويكيدوا لها الناس .

طبعا عائشه فضلت تبكى طول الليله دي . واستشار الرسول اصحابه فى امرها لو شاوفوا عليها حاجه . شهد لها اسامه بالخير وعلي قال بشكل مقنع للرسول والله ربنا موسع عليك والنساء غيرها كتير ولكن اسأل عنها جاريتها وستصدقك القول . يعنى حاول يخلي الرسول برضه يسأل ويطمئن

وسأل الرسول بريره جاريتها فشهدت لها بالخير كله وقال انها لا تأخذ عليها سوى انها صغيره فى السن يعنى ممكن تسهوا على عجينها مثلا لحد ما حاجه تيجى تاكله (صغيره يعنى مش ست بيت لسه )
وما ننساش كمان اننا نقول ان زينب بنت جحش شهدت لها بالخير لما الرسول سألها عنها وده رغم غيرتهم الشديده من بعض . لكن برضه الحق حق .

المهم الرسول كده كان بدأ يطمئن لبرائتها فطلع الرسول على المنبر يشهد المسلمين على ابى سلول وقال : (يا معشر المسلمين من يعذرني من رجل قد بلغني أذاه فى اهل بيتى فوالله ما علمت على أهلي الا خيرا ولقد ذكروا رجلا ما علمت عليه الا خيرا وما كان يدخل على أهلي الامعي )
الى حصل ان ا لمسلمين اجمعوا على قتله اذا كان ده الى حصل فعلا منه لكن المشكله ان سعد بن معاذ وهو من الاوس وسعد بن عباده وهو سيد الخزرج اخذتهم الحميه قصاد بعض وعلا صوته على بعض لكن الرسول هداهم وحصل خير يعنى ..
المهم عائشه فضلت تبكى يومين وفى النهايه راح الرسول لها وقال لها :( يا عائشه انى قد بلغني عنك كذا وكذا فان كنت بريئه فسيبرئك الله وان كنت ألممت بذنب فاستغفري الله وتوبي اليه فان العبد اذا اعترف بذنبه ثم تاب الى الله تاب الله عليه .
شوفوا بقى موقف ورد عائشه رضى الله عنها رغم حداثة سنها فى الوقت ده . الاول قالت لابوها وامها يردوا على الرسول فقالوا لها : ما ندري ما نقول لرسول الله .

ردت هى : لقد سمعتم هذا الحديث حتى استقر فى أنفسكم وصدقتم به . ولئن قلت لكم إنى بريئه . والله يعلم أنى بريئه . لا تصدقونني بذلك،ولئن اعترفت بكم بأمر ، والله يعلم أنى منه بريئه لتصدقُني والله ما أجد لكم مثلا إلا قول أبي يوسف قال : فصبر جميل والله المستعان على ما تصفون .

بصراحه رد حلو اوي وانا اصريت انقله بطريقتها .

وقالت الكلمتين وادتهم ظهرها واضجعت على فراشها . وبتقول انا كنت متأكده ان ربنا هايظهر برائتى لكن ما كنت اظن انه ينزل فيا قرآن انا كان كل املي ان الرسول يشوف رؤيا مثلا تظهر براءتى.
المهم فى الوقت ده نزل الوحي على الرسول عليه الصلاة والسلام وبعدها ضحك الرسول واول ما تكلم به قال :(يا عائشه أما الله عز وجل فقد برأك)
فقالت لها امها : قومي اليه ، فردت عائشه : والله لا أقوم اليه ولا احمد الا الله عز وجل .(ردودها جامده بصراحه )

نشوف الايه بقى الى نزلت فيها :
بسم اله الرحمن الرحيم

إِنَّ الَّذِينَ جَاؤُوا بِالْإِفْكِ عُصْبَةٌ مِّنكُمْ لَا تَحْسَبُوهُ شَرًّا لَّكُم بَلْ هُوَ خَيْرٌ لَّكُمْ لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ وَالَّذِي تَوَلَّى كِبْرَهُ مِنْهُمْ لَهُ عَذَابٌ عَظِيمٌ
لَوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْرًا وَقَالُوا هَذَا إِفْكٌ مُّبِينٌ
لَوْلَا جَاؤُوا عَلَيْهِ بِأَرْبَعَةِ شُهَدَاء فَإِذْ لَمْ يَأْتُوا بِالشُّهَدَاء فَأُوْلَئِكَ عِندَ اللَّهِ هُمُ الْكَاذِبُونَ
وَلَوْلَا فَضْلُ اللَّهِ عَلَيْكُمْ وَرَحْمَتُهُ فِي الدُّنْيَا وَالْآخِرَةِ لَمَسَّكُمْ فِي مَا أَفَضْتُمْ فِيهِ عَذَابٌ عَظِيمٌ
إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ
وَلَوْلَا إِذْ سَمِعْتُمُوهُ قُلْتُم مَّا يَكُونُ لَنَا أَن نَّتَكَلَّمَ بِهَذَا سُبْحَانَكَ هَذَا بُهْتَانٌ عَظِيمٌ
يَعِظُكُمُ اللَّهُ أَن تَعُودُوا لِمِثْلِهِ أَبَدًا إِن كُنتُم مُّؤْمِنِينَ
وَيُبَيِّنُ اللَّهُ لَكُمُ الْآيَاتِ وَاللَّهُ عَلِيمٌ حَكِيمٌ
إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ
وَلَوْلَا فَضْلُ اللَّهِ عَلَيْكُمْ وَرَحْمَتُهُ وَأَنَّ اللَّه رَؤُوفٌ رَحِيمٌ

وكده ظهرت براءة عائشه من الافك والحمد لله . عارفه انى طولت عليكم لكن ليا بس كلمتين كده عايزه اقولهم فى الموضوع ده .

اولا : القذف يا جماعه . سبحان الله تلاقي ناس اسهل ما عليها انهم يخوضوا فى اعراض الناس اعاذنا الله واياكم . بجد اوحش حاجه وافظع حاجه .وفى الغالب بيبنوا كلامهم على ظنون وحاجات مش واقعيه حتى . الشيطان بيشتغل معاهم تمام .والمصيبه الحقيقه ان الناس بتصدقهم ومن غير ما يتبينوا زي ما قالت الايه (اذا جاءكم فاسق بنبأ فتبينوا ان تصيبوا قوما بجاهله وتصبحوا على ما فعلتم نادمين ). تبينواااااااااااااا قبل ما تصدقوا ارجوكم.

ثانيا : مافيش حد فوق الشبهات . الرسول عليه الصلاة والسلام كان يعلم من هى عائشه وكانت بنت حبيبه وحبيبته وكلنا نعرف مكانة عائشه منه الا انه لما سمع ما يسيئها تبين الامر اولا. لا هو صدق الكلام على طول وهد الدنيا عليه وعليها . ولا هو كمان طنش وقال لا انا واثق فى نفسي ومراتي يبقى خلاص . بحث الامر وسأل ودور قبل ما ياخد قرار او اجراء حتى قبل ان ينزل عليه الوحي كان رايح لعائشه وبيكلمها بكل لين لانه ما ثبتش عليها حاجه وفى نفس الوقت بيتأكد منها هي كمان .

ثالثا : ان كنت على حق وان كنت مظلوما فاصبر واعتصم بالله ولا تحزن فان الله معك .

وحاسه انكم زهقتوا مني على الاخر واسفه على الاطاله جزيتم خيرا عن صبركم عليا .

عائشة بنت أبي بكر

2008-05-15T09:18:00.000-07:00

عائشة بنت أبي بكر

ولدت السيدة عائشة بعد البعثه باربع سنين او خمسه يعنى في الإسلام والرسول عليه الصلاة والسلام عقد عليها بعد وفاه السيدة خديجه بحوالي3 سنين ولما جت الهجرة سافر أبوها أبو بكر الصديق وأمها أم رومان للمدينة وهى كمان والرسول بنى بها في المدينة بعد 3 سنين من الهجرة لأنه تركها في بيت أبوها لحد ما تبلغ وتجهز للزواج وكان عمرها تسع سنين او 11 فى اقوال اخري.
وفى موضوع السن ده اتقال كلام كتير زي ما اكيد سمعتم انها كانت طفله وازاي اتجوزها . احب اوضح حاجه بسيطه ان القول الاكثر ثبوتا انها حين بنى بها كانت عمرها 11 عاما . وده ما كانش غريب تماما على الوقت ده مش بس فى الجزيره العربيه لا وفى اروبا كمان . دوروا فى تاريخهم وانتم تعرفوا . وللعلم جدتى تزوجت وعمرها 13 عاما . وكان ليا صديقه امارتيه فى عصرنا الحالي متزوجه برضه وعمرها 13 سنه .
وقريب كان فيلم بيحكي قصه اوربيه برضه من نفس الوقت تقريبا وكانت البطله عمرها ما بين 15 سنه واتجوزت البطل الى كان عمره حوالي 30 سنه . وعموما كان الشائع وقتها ان حتى لو خطبت البنت هو عمرها خمس سنوات وده كان بيحصل . كانت تترك فى بيت ابوها حتى تبلغ مبلغ النساء . وبعدين تروح بيت جوزها .

وكانت عائشة احب زوجات الرسول إلى نفسه وكانت جميلة وذكيه ولم يتزوج الرسول بكرا إلا هي حتى انه سئل من احب النساء إلى قلبك قال عائشة ومن احب الرجال قال أبوها.

وعائشة كانت بتقول أن الرسول عليه الصلاة والسلام شافها في المنام قبل ما يتزوجها فيقول (أريتك في المنام ثلاث ليالي جاء بك الملك- جبريل- سرقه أي قطعه من حرير فيقول هذه امرأتك فاكشف عن وجهك فإذا أنت فيه فأقول أن يك هذا من عند الله فليمضه).

وفى حكايات ظريفة جدا كانت بتحصل مع الرسول وعائشة
مثلا زوجات الرسول التانيين كانوا بيغيروا من عائشة لان أصحاب الرسول عشان كانوا عارفين مكانه عائشة عند الرسول عليه الصلاة والسلام فكانوا يقصدوا يهادوا الرسول في يوم وجوده عند عائشة فاجتمعوا عند أم سلمه وكانت من زوجات الرسول إلى لهم شخصيه قويه .
وقالوا لها تطلب من الرسول انه يكلم أصحابه يهادوا أينما كان لان بقيت زوجاته يرغبون في الخير مثل عائشة فلم يرد الرسول
وبعد أن كررت الطلب ثلاث مرات قال لها(يا أم سلمه لا تؤذيني في عائشة فانه ما نزل على الوحي وأنا في لحاف امراه منكن غيرها).

وكان لما بنزل سيدنا جبريل على سيدنا محمد كان ليلقى السلام على السيدة عائشة فكانت تقول:قال لي رسول الله صلى الله عليه وسلم يوما يا عائشة هذا جبريل يقرئك السلام . فقلت يا رسول الله عليه السلام ورحمه الله وبركاته ترى ما لا أرى.

وكان الرسول عليه الصلاة والسلام يدلع عائشة ويقولها عائش أو عويش وكمان كان بيهزر معاها ويلاعبها فهي بتحكى إنها أول ما اتجوزت كانت صغيره فكان الرسول بيشيلها على كتافه عشان يفرجها على مظاهر العيد من الشباك
وكمان فى حكاية ظريفة أوى عن السيدة عائشة بتقول : إنها كانت بتساقر مع الرسول عليه الصلاة والسلام وفى مره قال للناس إلى معاه يسبقهم وقال لعائشة يلا نتسابق وكانت عائشة صغيره في السن ورفيعة كمان فجريت وسبقت الرسول فالرسول سكت لكن لما وزنها زاد رجع قالها يلا نتسابق وسبقها هو وقالها كده واحده بواحده.
شفت الرسول كان دمه خفيف وبيهزر ويجرى ويسابق مراته مش دلوقتى تلاقى أزواج ماشين طول النهار يقرفوا في بعض بس ومتخيلين إن خلاص هما اتجوزوا فخلاص يبقى يكشروا بقى يشيلوا الدنيا على دمغهم ويقرفوا في بعض كان الجواز ده خناقه أو حرب مثلا لازم يكون فيها غالب ومغلوب.
والرسول اهوه بيهزر ويلعب عشان كل الناس فاكرين أن الرسول ده أو حتى الى متدين شويه لازم يكون معقد ومش بيضحك أبدا وفى دايماعقده على جبينه وما بيعملش حاجه خالص في الدنيا غير الدين.
والسيدة عائشة كانت تعرضت لازمه كبيره جدا بس لأنها السيدة عائشة فتحملت وخرجت منها وهى كانت حادثه الإفك العظيم وهى حكاية طويلة نبقى نتكلم فيها بعدين إن شاء الله.

وعلى فكره السيدة عائشة كانت ذكيه جدا وبتحفظ كويس كانت بتحفظ قرآن واحاديث كتير اوي مرويه عنها وحتى كانت بتحفظ شعر وكل حاجه بتتقال قدامها .
وكمان عروه ابن الزبير كان بيقول إنها كانت بتبقى حافظه وصفات في الطب وسألها منين بتعرفي الوصفات دى فقالت إنها لما بتسمع حد بيوصف علاج لحد بتحفظه على طول .
عائشه كمان كانت لها ادوار مهمه جدا سياسيه كمان فى كل العصور الى عهدتها .
وكان الرسول يقول عنها : فضل عائشه على النساء كفضل الثريد على باقي الطعام (البخاري ) الثريد تقريبا عباره عن اكله من دقيق وسمن ولحم .
وحقيقى عندى كلام عن عائشه عايزه احكيه لكم اد الي اتكتب ده لكن مش عايزه اطول عليكم . لكن فى موضوع مستقل هانتكلم عن حادثة الافك ان شاء الله .
والرسول عليه الصلاة والسلام مات وهى عندها عشرين سنه تقريبا وكان في بيتها ومات وهو في حجرها

وهى ماتت وهى عندها66 سنه ودفنت في البقيع .