الجمعة، 6 مارس 2009

رمله بنت ابي سفيان (ام حبيبه )

رملة بنت ابي سفيان

وهي ام حبيبه

وهى اقرب زوجات الرسول نسبا اليه فقد كانت ابنة عم الرسول عليه الصلاة والسلام وابوها ابو سفيان بن حرب سيد بنى اميه وكبير آل عبد شمس فكانت ذات حسب .



وكانت رمله متزوجه من عبيد الله بن جحش وكان من بعض الرجال الذين لم يكونا يؤمنون بالاصنام ويدعون لعبادة الواحد رب ابراهيم

وتزوجته رمله واسلمت هى وزوجها سافروا الى الحبشه فى الهجره الاولى للمسلمين حيث اشار الرسول على المسلمين الذين اشتد بهم اذاء قريش ىانا يهاجروا الى الحبشه لان بها ملك عادل لا يظلم عنده احد وهى ارض صدق.



وفعلا رحلوا المسلمين وبينهم رمله وزوجها وانجبت رمله من زوجها حبيبه

وهناك تعبت رمله جدا من الغربه وتعب العمل وما زاد من المها هو ارتداد زوجها عبيد الله عن الاسلام واعلانه لنصرانيتة وقد دعاها لذلك وكلنها تمسكت بدينها ورفضت وافترقت عنه ومات هو بعد ذلك وهو على نصرانيته

وظلت ام حبيبه فى الحبشه الى ان جاء اليهم حبر بان السلمين قد اعتز موقفهم وثبت وان الرسول هاجر الى المدينه مع المسلمين وان الانصار بايعوه ان الاسلام قد قوى بعون ربهم فهدت نفوسهم

 ثم جاء يوم وطرقت فيه جاريه النجاشى ملك الحبشه باب رمله واعلمتها ان رسول
 الله طلبها للزواج ففرحت زمله كثرا وخلعت من يدها سوارين من فضه واهدتهما للجاريه للبشاره وتحقق بذلك رؤيا رمله من ذى قبل فقد رأت فى منامها وكأن هناك
 من يناديها بأم المؤمنين
 .



وزوجها النجاشى من رسول الله وقد كان وكيلها خالد بن سعيد بن العاص ودفع مهرها النجاشى وجهزت جوارى النجاشى رمله للرحيل محملة بهديا نساء النجاشى ورجعت الى المدينه ومعاها باقى المسلمين بعدما امنوا ايذاء قريش.



ودخلت رمله بيت الرسول وكان ذلك هبة من الله لهابعد ما عانته فى الهجره وفى حياتها وقد فرح الرسول بعودة المهاجرين الى اوطانهم فقد عانق ابن عمه المهاجر الى الحبشه وقال : ما ادرى ؟ بايهما اسر بفتح خيبر أم بقدوم جعفر.

 وكان صلى الله عليه وسلم عائد وقتها بجيشه منتصرا على يهود خير . وقد دخلت أم حبيبه بيت الرسول فى نفس الوقت مع صفيه ولكن مع اختلاف كبير فى موقف باقى زوجات الرسول فقد رحبوا برمله ندا لهم ولكنهم انفوا ان يقبلوا صفيه ندا لهم لاصلها اليهودى .



وبعد رجوعها المدينه علم ابوها بذلك وكان من اشد اعداء الرسول لكنه كان يعلم مكانة الرسول ايضا ويحترمه رجلا وفرح بنسبه وقال انه مثل محمد لا يرد له نسب
(رغم عداوتهم للاسلام وقتها الا انه كان عارف ان محمد حد محترم وعالي المقام بصرف النظر عن كونه نبي )
 وذهب ابى سفيا لبنته ليراها بعد سنين من الغيبه رغم انه قد امتنع عن ذلك من قبل لما بينه وبني المسلمين من عداوه ولكنه ذهب اليها ليوسطها لدى رسو ل الله ليعفوا عنهم ويطيل مده المهادنه التى اتفقم عليها فى صلح الحديبيه والذى ينص على عدم تعرض اى منهم للأخر ولكنهم نقضوا العهد بعد اعتدائهم على قبيلة خزاعه حليفة المسلمين .



المهم راح فعلا لبنته ولكنه لم يجد منها ترحيب ودخل عليها حجرتها فوجد فى جانب الحجره فراش فهم ان يجلس عليه
ولكنها اسرعت فطوت الفراش فزعل ابوها وسألها ليه

 فقالت :هو فراش رسول الله وانت رجل مشرك فلم احب انت تجلس عليه.

فطبعا غضب جدا ابوها وانصرف ولكنها ظلت واجمة باكيه تدعوا الله ان يهدى اباها الى دين الحق وقد حقق الله لها منيتها فقد اسلم اباها بعد فتح مكه وفرحت بذلك فرحا شديدا . دعت لابوها عشان ربنا يهديه وكلمته بالحسنى وهو كافر مش ................... ما علينا.



وحصل حاجه ظريفه من رمله وهى على فراش الموت فقد استرضت عائشه وأم سلمه وكانوا الاثنين عاملين نفسهم قائدتين لزوجات الرسول ولكل واحده فيهم حزبها

 فقالت لعائشه:قد كان بيننا ما يكون بين الضرائر افتحلليننى . فحللتها عائشه واستغفرت لها فسرت بذلك ام حبيبه وعملت نفس الموضوع مع ام سلمه

ورحلت عن الحياه فى سنة اربعه واربيعن هجريه ودفنت فى البقيع .



هناك 17 تعليقًا:

عمرو يقول...

بارك الله فيكى يا أم خالد و جزاكى خير جزاء على مجهودك اللى لا تقصدى به سوى رضا الله و رسوله
جهد محمود منك فألف شكر على ما تقدميه من معلومات قيمه بأسلوب سهل و بسيط و يسهل حفظه كمان
تحياتى و تقديرى

حواء يقول...

جزاكي الله خير
الواحد مش عارف يقولك ايه
ولا يقول علي الناس ديه ايه
تحياتي

د. ياسر عمر عبد الفتاح يقول...

جزاكِ الله خيراً على تبسيط المعلومات الدينية بالشكل الرائع ده
ربنا يكرمك ويجعله فى ميزان حسناتك

د. ياسر عمر عبد الفتاح يقول...
أزال المؤلف هذا التعليق.
صبرني يارب يقول...

استاذ عمرو

الحمد لله يا استاذنا ربنا يكرمك

واتمنى فعلا الناس تحفظه

تحياتي لحضرتك

صبرني يارب يقول...

حواء

وجزاكم كل خير وشكرا لك

نورتي

صبرني يارب يقول...

د.ياسر

تسلم يارب ويجازيك ربنا كل خير ونووورت

احساس طفلة محبة للرومانسية بس واقعية يقول...

صبرنى بجد مشاء الله عليكى وعلى اسلوبك
بتبسطى الامور لدرجة جميلة جدا
جزاك الله خيرا على الافادة

تقبلى مرورى

Mafrousa يقول...

الله حلوة الحكاية
ربنا يكرمك ويجازيكي خير

صبرني يارب يقول...

طفله محبه للرومانسيه

تسلمى يارب يا جميل ونورتي

صبرني يارب يقول...

مفروسه حيااااااتي


ازيك يا قمر

انا ماليش بركه الا انتى يا بطه احكيلك حواديت للصبح

نورتي يا جميل

المدونه بتاعتك مش شغاله معايا ليه ؟

ستيتة يقول...

موضوع رائع
بس يااوختشي فيه غلطات املائية
سيبي المحشي والعيال شوية وابوهم ربنا يخليه وخشي صلحي الغلطات بالتي هي احسن

الموضوع فكرني بحاجتين جمال قوي
ها احكيهم عندي
(وش بيطلع لسانه)
وها اقول ان مودام صبرني هي اللي فكرتني بيهم

بحبك

الباحث عن الحقيقة يقول...

لسه اسلوبك هادي ورزين وطريقة عرضك مبسطه وممتازه

عايزين نشوف رأيك في الموضوعات الحساسه
وطريقة مناقشتك لها
زي تعدد الزوجات واللي سمعناه مؤخرا
ورأيك في الفتاوى وكثرتها
وبعض البرامج الدينية المستفزه الخ
وبالتوفيق يا ام مريم

صبرني يارب يقول...

ستيته

والله يا جميل انا كاتبه الموضوع ده من ست سنين

وانا امبارح نزلته لو كنتى شوفتي شكلي عامل ازاي كنتى شربتنى كوباية لبن ونيمتينى

مش عارفه ايه هفني فى دماغي انزل موضوع امبارح

راجعته بقى على السريع كده ونزلته وقمت نمت

عنيه يا ستوتي هاراجعه

ومستنيه الى هاتقوليه الى انا فكرتك به

تحياتي يا جميل ونورتي

صبرني يارب يقول...

الباحث عن الحقيقه

والنبى يا اخويا انا لسه كنت شات النهارده وبنتكلم فى موضوع التعدد ده
سمعت كلام يجيب الضغط
وانتم عارفين انا شايله المراره وكنت هافطس فى اديهم

وبالنسبه للبرامج الدينيه انا بافكر اعمل محرقه كبيره واولع فى الفضائيات

ههههههههههههههههههههه

وعينى حاضر نجهز موضوع عن التعدد بس عارف يا باحث لو ما جيتش تقف هنا على باب المدونه تشيل عني الطوب ؟؟؟

ههههههههههههههه

تحياتي لك ونورت

Soul.o0o.Whisper يقول...

السلام عليكم و رحمة الله و بركاته



جزاكى الله كل خير بجد
و ربنا يجعله فى ميزان حسناتك

و يارب فعلا نتعلم منهم




خالص تحياتى

صبرني يارب يقول...

سول

يارب تسلمى ومتشكره ليكى خالص ونورتي