السبت، 13 ديسمبر 2008

زينبت بنت جحش

وهى زوجة الرسول عليه الصلاة والسلام
و كانت بنت عمة الرسول عليه الصلاة والسلام
فأمها هى اميمه بنت عبد المطلب بن هاشم عمة الرسول عليه الصلاة والسلام وكانت ذات نسب وجمال .

وقد اسلمت صغيره وهاجرت الهجرتين وكانت مشهوره بلقب مفزع اليتامى والارامل لكثره تصدقها وعطفها عليهم .

ايه بقى كانت قصتها مع بيت النبوه
اولا نتعرف على زوجها الاول وهو زيد بن الحارثه وكان يطلق علي الحب لشدة حب الرسول علية الصلاة والسلام له وزيد كان ربيب الرسول يعنى الرسول كان كافله
قصته
كانت السيده خديجه فى زياره لابن أخوها ورجعت ومعاه زيد وهو صبى صغير رآه
الرسول فقال : والله انى لاجد فى وجهه عنصر الكرم وارى فى ملامحه مخايل الذكاء .
فاخبرته خديجه انه كان بن نعم(بن عز يعنى)
فسالها الرسو ل ان تهبه اياه فقالت هو لك يا ابن العم
ومن وقتها اعتقه الرسول وانزله منه منزلة الابن وارسل من يطمأن اهله عليه فقد كان الصبى يعلم نسبه ثم جاء اهله يفديانه ولكن الرسول طلب ان يخيروه فاختار زيد الرسول وتربى فى كنف رسول الله وكان معروف بزيد بن محمد حتى حرم التبنى
ونزلت الايه ( ادعوهم لابائهم هو اقسط عند الله......) ادعوهم: نادوهم أو اسموهم. اقسط : أعدل .
ضالمهم بعد كده زوجه الرسول من مولاته ام ايمن الحبشيه وانجب منها اسامه بن زيد وخطب له الرسول زينب ولكن زينب وأخواها رفضوا ذلك فى البدايه فقد كانت زينب من أشراف مكه اتتزوج من مولى من الموالى الى أن نزلت الايه ( ما كان لمؤمن ولا مؤمنه اذا قضى الله ورسوله أمرا ان يكون لهم الخيره من أمرهم. ومن يعص الله ورسوله فقد ضل ضلالا مبينا ) صدق الله العظيم
فلما علما زينب وأخوها بذلك رضوا بامر الله وتزوجته زينب وقد اراد بها الله ان تكون درسا للمسلمين الا يترفعن باصولهن على بعض وانما التقوى هى المقياس فلا فرق بين شريف ومولى من الموالى يعنى نوع من ازاله الفروق الطبقيه الى كانت موجوده
وفعلا تزوجت زينب بزيد ولكانهما كانوا دائمى المشاكل مع بعض وكان زيد يشكوا الى الرسول منها فيصبره وينصحه ويهون عليه من أمره .
الى ان نزل الوحى على الرسول بان زينب ستطلق من زيد وستكون زوجا له وطبعا لرسول لم يكن يستسيغ ابدا الفكره فكان زيد بمثابة ابنه ازاى يتزوج من مطلقته وده الى كان مش مقبول عند العرب
وكان محتار مش عارف رأى الناس هيكون ازى وخايف من ردة فعلهم
وحدث ان الرسول فى يوم راح يسال على زيد فى بيته لغيابه( ممكن نركز شويه فى الكلام الى جاى ده ماشى) ولم يكن ببيته فهرولت زينب للباب حين علمت
وقالت : ليس هو هاهنا يا رسول الله فادخل بابى انت وأمى يا رسول الله .
ولكن رفض الرسول الدخول ومضى وهو يتمتم( سبحان الله العظيم سبحان الله مصرف القلوب.
ولما رجع زيد وعرف الى حصل وقالت له زينب ما سمعت الرسول يتمتم به فكر شويه وودار فى باله ان الرسول سوف يأذن له فى فراق من زينب وذهب للرسول
وقاله :بلغنى انك جئت الى منزلى فهلا دخلت بأبى انت وأمى ..
وبعدين سأله : يا رسول الله افافارقها ؟
فسأله الرسول : ما لك؟أرابك منها شيء
قال زيد : لا والله يا رسول الله ما أرابنى منها شيء ولا رأيت الى خيرا؟
فقال له الرسول ناصحا: امسك عليك زوجك واتقى الله .
مع ان الرسول كان يعلم بان زينب ستطلق من زيد وتتزوج منه هو ولكنه كان يكتم الامر فى نفسه. وبعد فتره من الزمن لم يحتمل زيد العيش مع زينب وفارقها
وانتهت عدة زينب والرسول لا زال متخوف ومتردد فى التقدم لزينب زى ما قلنا.
لحد ما نزل عليه الوحى وهو جالس يتحدث الى عائشه فابتسم قائلا من يذهب الى زينب يبشرها بان الله زوجنيها؟
وتلى الرسول عليه الصلاة والسلام الايه( واذ تقول للذى أنعم الله عليه و أنعمت عليه : امسك عليك زوجك واتق الله وتخفى فى نفسك ما الله مبديه وتخشى الناس والله احق أن تخشاه . فلما قضى زيد منها وطرا زوجناكها لكيلا يكون على المؤمنين حرج فى ازواج أدعيائهم اذا قضوا منهن وطرا وكان أمرا مفعولا ) صدق الله العظيم.

ليه بقى قلنا نركز؟؟
لأن زواج الرسول من زينب بنت جحش اتقال فيه كلام كتيرأوى فى ناس بيقولوا كلام غريب أوى
هو ايه ان الرسول عليه الصلاة والسلام شاف زينب بنت جحش وهى على ذمة زيد بن حارثه وحبها وطلقها منه وتزوجها
طب بالذمه بعد الى احننا قلناه ده كلام يعقل تعالوا نوزنه ونشوف.
أولا ازاى يعنى شافها وحبها وهى على زمة زيد اذا كانت هى بنت عمته وطبعا كان يعرفها قبل الاسلام يعنى عارفها كويس وكمان بعد الاسلام ما اتفرضش الحجاب على النساء من الاول يعنى أكيد الرسول كان يعرف شكل زينب كويس لما راح زيد خصوصا انها كانت كمان زوجة زيد ربيبه يبقى ازاى يعنى لما راح ينادى زيد فوقع عينه على زينب فأرادها لنفسه وطلقها من زيد واتجوزها ازاى يعنى مش فاهمه ؟؟؟!!!!
كمان الاحاديث الى ذكرت دى كلها صحيحه ورقم اخراجها موجود لليحب
ازاى بقى بعد زيارة الرسول ووقوع حبها فى قلبه زى ما بيقولوا ااستغفر الله العظيم
سأله اذا كان يفارق زوجته فقاله ايه امسك عليك ز وجك واتقى الله .
ازاى بقى الكلام ده يدخل العقل. وغير ده كله آية القرآن واضحه جدا واظن دى بقى مافيهاش شك موضحه حكمة طلاق زيد لزينب وزواج الرسول منها بالنص( لكى لا يكون على المؤمنين حرج فى أزواج ادعيائهم) .

اظن كده ما فيهاش كلام الكلام الى بيتقال فى الموضوع ده كلام فارغ من غير ذى علم أو حد غرضه أصلا تشويه صورة الرسول لكن للأسف احنا بنردد الكلام دون علم أو دليل حتى ما بنحاولش نفكر فى الكلام قبل ما نقوله
نفسي الى يسمع كلام زي ده يدور بنفسه ويتحقق منه قبل ما يردده او حتى يقتنع به البحث مش صعب خصوصا فى عصرنا ده يمكن بحثي ورا الموضوع ده خلاني دورت فى زوجات الرسول كلهم ووجدت فيها مدرسه اجتماعيه وزوجيه عظيمه تستحق الدراسه .
المهم لما عرفت عائشه بزواج زينب طبعا غارت جدا لانها كانت عارفه انها جميله وكمان ذات نسب والى اكتر من كده ما نزل به القرآن فقد زوجها الله بأمره فقالت عائشه : تفخر علينا بهذا.

وزفت زينب للرسول وكانت تتفاخر على زوجات النبى بزواجها الذى جاء من السماء فضلا على جمالها ونسبها وكانت تقول: والله مأنا كأحد من نساء رسول الله زوجهن اهلهن وزوجنى الله من فوق سبع سموات وأنزل فى قرآن يقرأه المسلمون لا يبدل ولا
يغير.
طبعا ده اقل واجب الواحده لو جه اسمها ولا سيرتها فى مجلة ميكى هاتشيلها فوق راسها طول العمر ودي جه امر زواجها من الرسول فى القرآن لها حق يعنى تفخر

وعلم الجميع من نساء النبى مكانة زينب من نفس الرسول وخصوصا عائشه فكانت حاسه بقربها من قلب الرسول فكانت عائشه تقول :لم تكن واحده من نساء النبى تناصبنى غير زينب .

وطبعا كانوا بيغيروا منها وطبعا فاكرين حكاية العسل( أأكلت مغافير؟) الى اتفقت فيها عائشه مه حفصه و سوده بنت زمعه.

وكانت زينب مشهوره بكرمها وكثرة تصدقها بالمال فقد كانت تجيد دبغ الجلد والخرز وتبيع ما صنعت وتتصدق بثمنه على الفقراء والمساكين واليتامى.
وبعد وفاة النبى صلى الله عليه وسلم ظلت على صلاحها وبرها بالفقراء وفى أول خلافة عمر بن الخطاب ارسل اليها بعطاء خصص لزوجات النبى فأمرت خادمتها أن صبيه وغطته: وقالت غفر الله لعمر وأمرت خادمتها ان وزعته على المحتاجين ختى بقى القليل فقالت لها : يا أم المؤمين قد كان لنا فى هذا حقا

فقالت زينب : اللهم لا يدركنى عطاء لعمر بعد عامى هذا اللهم لا يدركنى هذا المال فى قابل فانه فتنه . ولما عرف عمر فارسل لها الف اخرى فوزعتها ايضا.

وكان الرسول يهزر مع زوجاته ويقول لهم اسرعكن لحاقا بى أطولكن يدا.

فكان لما يجتمع نساء النبى فى منزل احداهم بعد وفاة الرسول يمددن ايدهن الى الجدار يتطاولن ايتهن اطول يدا ولا زلن يفعلن هذا حتى ماتت زينب فعلا ان الرسول انا قصد بأطولهن يدا أكثرهن صدقه.
ووصفها الرسول ايضا لعمر بن الخطاب انها اواها (أي خاشعه متضرعه )
وحيت توفت زينب كانت اول من شيع جثمانها فى صندوق خشبي اقترحته اسماء بنت عميس على عمر بن الخطاب كما رأته فى الحبشه حتى يخرج المسلمين جميعا فى جنازتها ويسترها الصندوق
وتوفيت سنة عشرين عن عمر ثلاث وخمسون سنه(التواريخ فى الغالب بتكون تقريبيه)
ونفعنا الله واياكم بخير الثواب وشكرا عشان بتستحملوا مواضيعى الطويله

هناك 11 تعليقًا:

بس خلاص ... يقول...

اول تعليق احمدك يارب

بس خلاص ... يقول...

شوفى ياست الكل انتى موفقة جدا جدا فى تناولك للسيرة الذاتيه لامهات المسلمين وياريت تكملى السيرة الذاتيه لهن فى كل مرة حتى ..نعتبر ونرى ونعلم ..كيف تكون المرأة المسلمه
جزاكى الله كل الخير عنى وعن كل القراء
دمتى لمحبيكى وكل سنه وانتى طيبه وبالمره اقولك مبروك التاج

صبرني يارب يقول...

بس خلاص

يا حبيبتى تنوري دايما يارب

الله يكرمك يارب وفعلا انا كملتها كتابه من زماااااااان من حوالي خمس سنين

كان فاضل حاجات بسيطه انا بانشرها بس لاول مره هنا

وبدأت من اول خديجه رضى الله عنها
ووصلنا لزينب بنت جحش
والله يبارك فيكى يا جميل وتنوري دايما

عمرو يقول...

الله يفتح عليكى و الله و يكرمك و يجزيكى خيرا عن شرحك و تفنيدك لأقوال الكذابين فى حق الرسول الكريم صلى الله عليه و سلم
يا ريت يا أم خالد تفندى كمان أقاويل الكذب فى قصة زواجه عليه الصلاة و السلام من أم المؤمنين صفيه لأن الأقاويل الباطله طالت قصة زواجها هى الأخرى و لك كل الشكر و التقدير
مع خالص تقديرى و تحياتى

challenger يقول...

رضي الله عنها وعن امهات المؤمنين

جزاك الله كل الخير يا ام خالد ربنا يبارك فيكي يارب

البوست جميل و طريقة سرد ظريفة

بس هي الملحوظه اللي كنت قلت لك عليها

ربنا يوفقك ويسعدك يارب

kochia يقول...

حلوة السيرة دي
بيفكرني بقراءة الكتب ايام زمان

تحياتي

صبرني يارب يقول...

عمرو

الله يكرمك وبالنسبه لصفيه فهي مكتوبه فعلا وهى الى عليها الدور ان شاء الله

بس انزل الموضوع الى خيخه طلبته مني لكن لسه بابحث فيه وبعدين صفيه باذن الله

شكر لك يا عمرو نورت

صبرني يارب يقول...

تشالنجر

الله يخليك يا محمد ودايما منورني يارب وعنيه حاضر هانراجع

صبرني يارب يقول...

كوشيا

انتى الى حلوه يا جميل

ايوه قراءة زمان انا حاليا عشان اقرى موضوع فى كتاب ممكن يجيلى انهيار عصبي من كتر ما تركيزى بيبقى مشتت

نورتي يا جميل

:: Salma Emad :: يقول...

السلام عليكم و رحمه الله

مش عارفه اقول حاجه غير انها مدونه اكتر من رااااااااااااااااااااااائعه




جزاكي لله خيرا كثيرا

صبرني يارب يقول...

أم يوسف

مش عارفه انا كمان اقول حاجه غير اخجلتم تواضعنا

ونورتينى يا جميل